EAEO: kásipkerlerge qoıylǵan kedergiler joıyldy

Elimizdiń Saýda jáne ıntegrasııa mınıstrliginiń alqa májilisinde aıtylǵan aqparattar osy baılamdy bekite tústi. Vedomstvo basshysy Baqyt Sultanov 2019 jylǵy jumystyń qorytyndylary jáne 2020 jylǵa arnalǵan josparlar týraly baıandama jasady. Mınıstrdiń aıtýynsha, álemdik saýdanyń ózgergen jáne álemniń iri ekonomıkalary arasynda proteksıonıstik sharalardyń kúsheıgen jaǵdaıynda syrtqy saýda saıasatyn jetildirý qajettiligi artady. О́ıtkeni saýda birlestikteri­ne qaramastan, halyqaralyq saýda proteksıonızm saıasatyna jáne elderdiń ózara shekteý sharalaryn qoldanýǵa tap bolýda. Osy máselede mınıstrliktiń mıssııasy saýda dıplomatııasynyń quraldaryn qoldaný arqyly otandyq bıznestiń ulttyq múddelerin qorǵaý ekeni anyq.

Mınıstr atap kórsetken naqty keısterge toqtalsaq, Reseı nary­ǵy­na taǵam ónimderin jetkizý («Zenchenko ı K», «J.F.M. Company» JShS men «Aısberg PV» JShS ónimderin jetkizýdi shekteý alyp tastaldy) jáne Qazaqstannan Ýkraınaǵa qazaqstandyq kómirdi tranzıtteý (kómir eksportynyń kólemin 40%-ǵa – 140 myń tonnaǵa deıin ulǵaıtý týraly ýaǵdalastyqqa qol jetki­zildi) kezindegi kedergiler joıyldy. Mınıstrliktiń memlekettik organdarmen birlesip istegen jumysynyń nátıjesinde AQSh úkimeti qazaq­s­tandyq ýrandy ákelýge kvota en­gizýden bas tartty. Odan ári damý úshin EAEO múshe memleketteri arasynda kedendik ákelý bajdary somasyn bólý normatıvteriniń mólsheri jóninde ymyra sheshim­ge qol jetkizdi. Bul taraptaǵy talqylaý 2 jyl­dan astam ýaqyt júrgizilgen bola­tyn. Halyqaralyq arenada Qazaq­stannyń múddelerin qorǵaý boıynsha jáne ortaazııa­lyq, reseılik jáne basqa naryqtar­da otandyq eksportty ilgeriletýge bóget bolatyn kedergilerdi joıý jónindegi jumys jalǵasady, dedi elimizdiń Saýda mınıstri.

 Erkin saýda aımaǵy Qazaqstanǵa ne beredi?

Sondaı-aq Saýda jáne ınteg­rasııa mınıstri Baqyt Sultanov erkin saýda aımaqtarynyń áseri týraly áńgimeledi. Onyń aıtýynsha, erkin saýda aımaqtary týraly keli­simderdi óńirlik saýdanyń damý tetigi retinde qarastyrý kerek.

– Bul –  tarıftik jáne tarıf­tik emes (kvotalar, tehnıkalyq kedergi­ler jáne basqa) kedergilerdi ózara joıý arqyly taýarlardyń naryq­tar­ǵa qoljetimdiligin qamtamasyz etetin saýdany yryqtandyrýdyń eń tıimdi quralynyń biri, – dedi mınıstr.

Vedomstvo basshysy keltirgen sıfr­lar rastaǵandaı, ósim baıqa­lady. Sonymen Eýrazııalyq ekono­mıka­lyq odaq aıasynda Vetnammen Erkin saýda aımaǵy týraly keli­sim 2016 jylǵy qazannan beri qoldanys­ta. Osy ýaqyt ishinde taýar aınalymy 51%-ǵa (366,3 mln-nan 554,3 mln dollarǵa deıin) ósken. Iranmen ýa­qytsha kelisim 2019 jylǵy qazan­nan bastap qoldanyla bastady. Bul rette Qazaqstan úshin (EAEO múshesi retinde) sıyr eti, ósimdik maıy, kondıterlik buıymdar men makarondar sııaqty taýarlarǵa ımport bajdary tómendetilgen. EAEO-da Serbııamen jáne Sıngapýrmen Erkin saýda aımaǵy týraly kelisimderge jaqyn arada qol qoıyldy jáne osy elderge eksporttyq jetkizilimderdi ulǵaıtý áleýeti 150 mln jáne 416 mln dollardy qurady. Qazirgi ýaqytta EAEO arasynda osyndaı aımaqtar qurý jóninde Izraılmen jáne Egıpetpen belsendi kelissózder júrgizilýde. Eksportty ulǵaıtýdyń kútiletin somasy 790 mln dollardan astam qarjyny quraıdy.