Rýhanııat • 06 Aqpan, 2020

О́nermen órilgen óleń-ómir

37 retkórsetildi

Sahna qarańǵylyǵyn tóbeden sebezgileı quıylǵan jaryq seıiltti. Aqyn óleńderin kezektese oqyp ortaǵa shyqqan akterler kórermenin á degennen ózine elitip ala jóneldi. Sebebi zaldaǵy ár adamǵa bul shýmaqtar ári asa tanys, ári sondaı jaqyn edi...

Adam bolsa sezim men senim izder,

Kelińizder, beri qaraı enińizder.

Meniń baıtaq álemim – planetamdy

Kórińizder, aralap kelińizder!

Osylaı dep óleń-ómirin jyr­ǵa qosa sahnaǵa shyqqan aqyn áleminiń jum­baqqa toly shet­siz-sheksiz keńistigi bir­tindep kó­rermen kóńiline de quıyla ber­gendeı...

Farıza jyrymen sýsyndaýǵa jı­nal­ǵan oqyrman janarynan osyndaı bir otty baıqadyq. Iá, búgingi kesh bu­rynǵylardan ózge­rek. О́zgerek bolýynyń sebebi – poezııa padıshasy Farıza Oń­ǵar­synova jyrlary tutas qo­ıy­lym ózeginde órilipti. Qa­zaqstannyń eńbek sińirgen qaı­ratkerleri Bolat Uzaqov pen Nurlan Jumanııazovtyń rejıs­serligimen sahna tórine shyq­qan «Seniń mahabbatyń» atty poetıkalyq qoıylym bizge aqyn ále­mimen syrlasý syıyn tartý etti.

– Farıza apamyzdyń 80 jyl­dyq mereıtoıy byltyr elimizdiń túkpir-túkpirinde asa joǵary deńgeıde atalyp ótti. Aqyn rýhyna taǵzym etýdi murat tutqan túrli is-sharalar Farıza ále­mine jańa, sony tynys syılaǵandaı boldy. Osy aıtýly oqıǵaǵa oraı biz de – Q.Qýanyshbaev atyndaǵy qazaq mem­lekettik akademııalyq mýzykalyq drama teatrynyń ujy­my sol kezdiń ózinde-aq shy­ǵar­mashylyq izdenisterin júıe­lep qoıǵanymen, qoıylymnyń jaryqqa shyǵý sáti búginge bu­ıyrypty. Kózi tirisinde Farıza apamyz bizdiń teatrmen óte ty­ǵyz shyǵarmashylyq qarym-qa­ty­nasta boldy. Birneshe pesasy sahnalanyp, A.Dýdarevtiń «Kesh» dramasy aqyn aýdarmasynda kórermenine jol tartqan edi. Sondyqtan bolsa kerek, biz apamyzdy tek óleńderi arqyly ǵana emes, jekeleı tanyp, tul­ǵalyq bolmysyn bilgennen keıin de aqyn álemin óner tilinde ór­nektep kórgimiz keldi. Farıza beı­nesin sahnaǵa shyǵarǵanda bas­ty róldi oınaıtyn aktrısadan syrtqy uqsas­tyq emes, eń bastysy oı, jan erkin­digin alǵa shyǵarýyn talap ettik. Sol ne­gizde aqyn fılosofııasynyń jumba­ǵyna boılaýdy maqsat tuttyq, – deıdi qo­ıy­lymnyń teń rejısseri Bolat Uzaqov.

Qos rejısser qııaly qanat bitirgen týyn­­dy bas-aıaǵy tórt bólimge júıe­lenipti. Aqynnyń ba­lalyq shaǵynan, jastyq sha­ǵyna, keıingi eseıgen kezeńi men jalpy fılosofııasyna re­timen aýysyp oty­ratyn oqı­ǵa jelisi kórermenine aqyn ómi­rin kezeń-kezeńimen baıan etti. Poe­­tıkalyq qoıylymda Farıza beı­nesin Qazaqstannyń eńbek sińirgen qaı­ratkeri, Memlekettik syılyqtyń laý­reaty Altynaı Nógerbek oınady. Aqynnyń anasy Qazaqstannyń Eńbek sińirgen qaıratkeri Baqyt Isabekovanyń keıipteýinde kórermenimen qaýyshty. Atalǵan keıipkerlerden bólek, kópshilik sahnada Baqyt Jumaǵulova, Qýandyq Qystyqbaev, Erjan Nurymbet, Aınur Bermuhambetova, Syrym Qashqabaev, Jánibek Musaev, Saıa Toqmanǵalıeva bastaǵan teatrdyń jetekshi akterlerimen birge, jas sahnagerler de sátti óner kórsetti.

– Farıza apamyzdyń óleńderin barlyǵy súıip oqıdy ǵoı. Farıza – ha­lyqtyń aqyny. Árqaısymyzdyń júregimizde, janymyzda óz Farızamyz ómir súredi. Farıza álemi, ásirese, názik­jandy oqyrmannyń janyna erekshe jaqyn. Sondyqtan da bolar, áý basta, jumys qolǵa alyna bastaǵan kezde-aq akterler biraýyzdan atalǵan qoıylymnyń pesa emes, taza poezııaǵa qurylǵanyn qaladyq. Osy tilegimizdi eskergen rejısserler óleńmen órnektelip, ánmen kómkerilgen búgingi qoıylymdy ómirge ákeldi. О́ıtkeni Farıza aqynnyń bar bolmysy óleńinde jatyr ǵoı. Sondyqtan qoıylymda aqyn shyǵarmashylyǵynyń alǵashqy kezeńderi, ıaǵnı tyrnaqaldy týyndylarynan bastap kemeldengen, tipti ómiriniń sońǵy kezderinde jazǵan óleńderin barynsha qamtýǵa tyrystyq. Sóz jetpegen jerdi mýzykamen, áýezdi ánmen kómkerýge talpyndyq. Odan keıin kórermenderimizdiń deni jastar ekenin eskerip, mahabbat bólimine barynsha kóbirek óleń men án qostyq. Bul qoıylymda oqylǵan óleń de, oryndalǵan án de, tipti meniń aýzymmen aıtylatyn áńgimeleý janryndaǵy oı-estelikter de tolyǵymen Farıza apamyzdyń óz shyǵarmashylyǵynan, kúndeliginen, estelikterinen alyndy. Biz oıdan eshteńe de qosqan joqpyz. Barlyǵy aqynnyń ózine tıesili, – deıdi aktrısa Altynaı Nógerbek.

Ras, aqyn mereıtoıy qarsańynda respýblıkamyzdyń túkpir-túkpirinde sahna tórine shyqqan poezııa padıshasy týraly qoıylymdardyń sanynda esep bolmady. Talaı taǵylymdy dúnıe kórermenin qýantty. Farızataný ilimine dramatýrgııa baǵytynda jańasha jol ashty. Onyń birazyn kórip te úlgerdik. Sondaǵy baıqaǵanymyz – ár teatr ózi tanyp, zerdelegen Farızasyn týdyrýǵa tyrysqandyǵy. Sondyqtan da bolsa kerek, búgingi biz kýá bolǵan elordalyq teatr usynǵan aqyn álemi de óz órnegimen este qaldy. Shymyldyq jabylǵan soń da qoıylym áserinen arylmaǵan kórermen kóńilde jattalǵan Farıza óleńderin kúbirleı oqyp esikti betke aldy. Bul – poezııaǵa degen mahabbat, súıikti aqy­nyna degen halqynyń ólmeıtin máńgilik saǵy­nyshy edi...

1

Sońǵy jańalyqtar

Barlyq másele ashyq aıtyldy

Aımaqtar • Búgin, 06:56

Tenderdi maıshelpek kóredi

Saıasat • Búgin, 06:55

Týrızm – tabys kózi

Parlament • Búgin, 06:53

Qıyrdaǵy qaıyrymdy qazaq

Qoǵam • Búgin, 06:45

Mýzykalyq mádenıet – mektepten

Rýhanııat • Búgin, 06:36

Turǵyndardyń talap-tilegi taldanady

Aımaqtar • Búgin, 06:30

Azııanyń úzdigi atandy

Aýyr atletıka • Búgin, 06:30

Kúnine bir jaqsylyq jasa!

Rýhanııat • Búgin, 06:27

Shákirtteri birinshi oryndy bergen emes

Aımaqtar • Búgin, 06:25

Mýzeı qory tolyqty

Rýhanııat • Búgin, 06:23

О́tinishter partııa nazarynda

Aımaqtar • Búgin, 06:20

Jańa jolda júz aqaý

Qoǵam • Búgin, 06:17

Qurylysty aıaqtaýǵa kepildik bar

Qoǵam • Búgin, 06:17

«Klassıkter» úshinshi oryn aldy

Sport • Búgin, 06:15

Almaty, 1921 jyl, 8 maýsym

Rýhanııat • Búgin, 06:12

Jańa energııa blogy iske qosylady

Ekonomıka • Búgin, 06:00

Qaıran, Qumsaı!..

Rýhanııat • Búgin, 05:31

Soltústik shuǵylasy

Rýhanııat • Búgin, 05:25

Qashqan sarbaz ustaldy

Qazaqstan • Búgin, 05:05

Baqylaý barynsha kúsheıtildi

Saıasat • Búgin, 05:05

Japon ıeni: keshe jáne búgin

Ekonomıka • Búgin, 05:05

Negizsiz tekserý – kásipke kedergi

Aımaqtar • Búgin, 05:05

Joldama úshin judyryqtasady

Kásipqoı boks • Búgin, 05:00

Uqsas jańalyqtar