Qoǵam • 06 Aqpan, 2020

Ekologııalyq sanany ózgertý kerek

41 retkórsetildi

Qazaqstandyq volonterler qorshaǵan ortany qorǵaý úshin birlesip jumys atqarmaq. Bul týraly ekologııa belsendileriniń birinshi respýblıkalyq quryltaıynda málim boldy. Jıynda qorshaǵan ortanyń ambassadorlary saılandy.

 

Jıynǵa qatysqan Ekologııa, geologııa jəne tabıǵı resýrs­tar mı­nıstri Maǵzum Myrzaǵalıev qor­shaǵan ortany saqtaýda vo­lon­­­terlerdiń orny erekshe eke­nin aıta kelip, jastar­dy bul baǵytta birlesip ju­mys at­­­qa­rýǵa shaqyrdy. Ve­dom­­­stvo basshysynyń aıtýyn­sha, qa­zir adam men tabı­ǵattyń ara­qa­tynasyndaǵy úı­le­sim­diliktiń joqtyǵynan qor­sha­ǵan ortanyń arhıtektýrasy alań­­­datarlyq halge jetti. Sol sebepti eko­logııalyq sanany ózgertpe­­sek, tabıǵatty qurdymǵa jibe­rýimiz múmkin.

– Bıylǵy jyl elimizde Vo­lon­ter jyly dep belgi­len­di. Osy oraıda biz sana-se­zimdi jáne bilimimizdi shyń­da­ýymyz kerek. Ol úshin vo­lon­terler kerek. Elimizde eko­­lo­­gııaǵa qatysty má­sele kóp. Bul máselelerdi sheshýde erik­ti­lerdiń kómegi sózsiz qajet. Eń bastysy – bir-birimizge qol ushyn sozýǵa daıynbyz. Osy jı­yn­nan keıin volonterlerdiń qatary artady. Ekologııalyq sa­nany ózgertetin oń ister qolǵa alynady degen senimdemin, – dedi M.Myrzaǵalıev.

Ekologııa, geologııa jáne ta­bıǵı resýrstar mınıstrligi bul basqosýdyń óńirlerdegi bir­les­ken ekologııalyq joba­lardyń bastalýyna serpin beretinine senimdi.

– Byltyr «Birge – Taza Qa­zaqstan» aksııasy barysynda myńdaǵan tonna qoqys jınaldy. Osy aqsııaǵa qazaqstandyqtar jappaı tartyldy. Mundaı bas­tamalardy qoǵam qoldaıdy ári birlesip júzege asyrýǵa nıet­­­ti. Búgingi quryltaıda bar­­­lyq eriktilermen jeke ta­ny­syp, birlesken jobalar tal­qy­­­­lanady. Dál osy maqsatta Qa­zaq­­stannyń ár óńirinen eli­miz­degi ekologııalyq basta­ma­­­lardyń júzege asyrylýyn qa­daǵalap oty­ratyn ambassadorlar anyqtalady, – dedi mınıstr.

Volonter jyly aıasynda mı­nıstrlik «Birgemiz: Taza Álem» atty jalpyulttyq jo­bany iske asyrýdy jos­parlap otyr. Soǵan sáıkes volon­­ter­lerdiń derekter bazasy ja­sa­lyp, «Taza álem» atty erik­ti­ler­diń 3 ádistemelik qol­daý or­talyǵy qurylmaq.

Basqosýda qoqysty suryptaý, qatty-turmystyq qaldyqtardy tutyný men onyń paıda bolýyn azaıtý, ekologııalyq sana men tárbıeniń mańyzy, janýarlar men ósimdikter dúnıesin saqtaý, brakonerlermen kúres syndy mańyzdy máseleler qozǵaldy. Kezdesýdiń nátıjesinde jol kartasy ázirlenip, belsendilerdiń barlyq bastamalary men usy­nystary engiziledi.

Sońǵy jańalyqtar

Beıqamdyqqa jol berilmeýi kerek

Rýhanııat • Keshe

Koronavırýssyz Qostanaı

Aımaqtar • Keshe

Kúrish eksportyna kedergi joq

Aımaqtar • Keshe

Álem únemdele bastady

Álem • Keshe

Uqsas jańalyqtar