Aımaqtar • 06 Aqpan, 2020

Júz tazy jarysty

59 retkórsetildi

Kenshiler astanasynda uıym­dastyrylǵan «Qanso­nar-2020» baıqaýy aıasynda tazy tuqymdas ıtter arnaıy tirkeýden ótkizilip, elektrondy tólqujattar be­rildi. Igi shara barysynda qu­maı tazylardyń jyldamdyǵy synalǵan jarys ótip, demeýshiler ese­­binen jınalǵan 300 myń teń­ge­lik júlde qory sarapqa salyndy.

Jelden júırik tazylardyń bul saıysyna oblystyń túkpir-túkpirinen ákelingen júzge tarta tazy qatystyryldy.

Jarysty uıym­dastyrýshy­lardyń biri, sport salasynyń mamany Balǵabaı Nurlanov atal­ǵan saıystyń basty maqsaty res­pýblıkalyq baıqaýda oblys atynan synǵa túsetin júırik tazy­lardy irikteý eken. «Bizdiń oblysymyzda tazy tuqymynyń saqtalýyna, ony atadan qalǵan mura retinde ári qarata damytýǵa úlken mán berilip keledi», deıdi maman.

Jarys qorytyndysy boıynsha «Úzdik qumaı tazy» synynda Nura aýdanynan kelgen Nurdáýlet Myrzahanovtyń «Kók­sulýy» bas júldeni jeńip aldy. Arlan tazylar arasyndaǵy saıysta Abaı aýdanynyń ókili Aman­taı Tólegen qosqan «Maı­laq» atty tazy top jardy. Ur­ǵashy tazylardyń jarysynda Qara­ǵandynyń turǵyny Madııar Mahatovtyń «Aq jelke» degen ıti úzdik shyqty. Sondaı-aq osy tazy jalpy jarysta da ozyp shyǵyp, ıesin bas júl­dege jet­kizdi. Al bir qar basqan kúshik ta­zylar arasyndaǵy jyl­damdyq synalǵan dodada nuralyq Álisher Dúısenbaevtyń «Tuıǵyny» bas júldeniń ıegeri atandy.

Jarystyń jeńimpazdary men júldegerleri oblystyq dene shynyqtyrý jáne sport basqarmasynyń alǵys hattarymen jáne aqshalaı sertıfıkattarmen marapattaldy.

 

QARAǴANDY

 

Sońǵy jańalyqtar

Beıqamdyqqa jol berilmeýi kerek

Rýhanııat • Keshe

Koronavırýssyz Qostanaı

Aımaqtar • Keshe

Kúrish eksportyna kedergi joq

Aımaqtar • Keshe

Álem únemdele bastady

Álem • Keshe

Uqsas jańalyqtar