Rýhanııat • 06 Aqpan, 2020

Kókshetaýda etno-qolóner sheberhanasy ashyldy

28 retkórsetildi

Gúlnár Orynbaeva kıiz basý ónerine 2-3 jyl buryn ynta qoıǵan. Aldymen kıizden bas kıim tikken. Artynsha túrli qolǵap, aıaq kıim, keýdeshelerdi toqı bastady. Búginde on saýsaǵynan óner tamǵan sheberdiń júzdegen jeke týyndysy bar. Qazaqtyń ulttyq ónerin dáriptep júrgen Gúlnár Myrzaǵalıqyzy endi kórgen-bilgenin qyz-kelinshekterge úıretpek.

–Maqsatymyz keıingige úlgi bolý. Bul kúnde umyt bolyp bara jatqan ulttyq dástúrdi sabaqtastyryp, damytý. Oı salyp qarasańyz, ilki zamanda qandaı ǵajaıyp qolónerimiz bolǵan. Tek sońǵy jyldary tekemet pen alashany kilemge aýystyryp, umytyp qaldyq. Endi osyny jańǵyrtýymyz kerek. Men aldymen jas jetkinshekterdi jasynna baýlý kerek dep esepteımin. О́zim de úırený ústindemin,–deıdi etno-qolóner sheberhanasynyń jetekshisi Gúlnár Orynbaeva.

Kıiz basý óneri – ulttyq mádenı muranyń óshpes bir bólshegi. Alaıda, búginde atalmysh ónerdiń umytylyp bara jatqany jasyryn emes. Erterekte qolóner buıymdaryn jasaýdan áldebir dúnıejúzilik baıqaý ótkizilse, baıqaý ótkizilse sóz joq, bizdiń ájelerimiz birinshi oryndy shappaı alar edi. Ol kisiniń ıne jibinen shyqqan oıý-órnektiń ózi alýan túrli bolatyn. Búgingi kezde áldebir ádebı kitaptarda nemese taqyryptyq zertteýlerde ǵana kezdesýi múmkin. Biraq biz sonyń bárin kózimizben kórip, qolmen ustap óstik. Sondyqtan da bizdiń jadymyzda jattalyp qaldy. Aıtalyq «Qus tabany», «Qaz taban», «Bota moıyn», «Buǵy múıiz» tárizdi oıý túrleri bolatyn. Olar bir-birine uqsamaıtyn ózgeshe bitimdi, bólek bederli beıneler edi. Qazir zerdelep otyrsaq, bizdiń ájelerimiz osy bir ádemi kórinisterdi tabıǵattyń ózinen alǵan eken. Iаkı, aınala qorshaǵan ortanyń eshbir boıama qatesiz kóshirilgen kórkem beınesi. Qolónerin damytý arqyly bizdiń ájeılerimiz aınaladaǵy tirshiliktiń sýretterin móldiretip zattyń betine túsirdi, bederledi. О́ıtkeni sol kisiler úshin osyndaı sýretter erekshe ystyq bolatyn. Jalǵyz qolóner ǵana emes, eski qıssa-jyrlarda da aqqýdyń kerbezdigi, bulbuldyń ánshiligi, botanyń kózderiniń sulýlyǵy sıpattalady emes pe? Demek, has sýretshiniń qyl qalamynan týyndaǵan sýret sııaqty ajarly sulý tabıǵat bizdiń babalarymyzdyń estetıkalyq talǵamyn jetildirip, damytyp otyrǵan deýge ábden bolady. Sóıtip, olar ózderiniń kúndelikti turmysy men turaqty kásibinde jańaǵydaı beınelerdi aınytpaı kóshirip, sol tabıǵı qalpynda jasandylyqtan ada, bederimen bezendirilýin minsiz qylyp, beıneleýge tyrysqan.

Neke saraıynda ashylǵan etno-qolóner sheberhanasy – jas jetkinshekterdi kıiz basyp, keremet dúnıelerdi jasaýǵa úıretpek. Ynta tanytqan jandar úshin kıiz basýdan tegin sheberlik saǵattary da uıymdastyrylady.  

–Alǵashqy ret bizdiń qalamyzda úlken is-sharanyń kýágeri bolyp jatyrmyz. Sebebi, qazaq halqynyń salt-dástúrin, dilin, dinin nasıhattaý retinde alǵash ret qolóner ortalyǵy ashylýda,–deıdi qalalyq mádenıet jáne tilderdi damytý bóliminiń jetekshisi Aıgúl Sábıtova.

 

Kókshetaý 

Sońǵy jańalyqtar

Eljan Birtanov Qytaı elshisimen kezdesti

Qazaqstan • Búgin, 19:17

Basty aqparat (21.02.2020)

Vıdeo • Búgin, 18:56

Semeıde stýdentter jataqhanasy órtendi

Aımaqtar • Búgin, 17:40

Memleket basshysy birqatar kezdesý ótkizdi

Prezıdent • Búgin, 17:08

Qańǵybas ıtter de qorǵalatyn boldy

Aımaqtar • Búgin, 12:04

Barlyq másele ashyq aıtyldy

Aımaqtar • Búgin, 06:56

Tenderdi maıshelpek kóredi

Saıasat • Búgin, 06:55

Týrızm – tabys kózi

Parlament • Búgin, 06:53

Uqsas jańalyqtar