Prezıdent • 07 Aqpan, 2020

Áleýmettik kásipkerlik qoldaýǵa zárý

53 retkórsetildi

Kúni keshe Memleket basshysy Qasym-Jomart Toqaev áleýmettik kásipkerlik ókilderimen kezdesti. Kezdesý barysynda bul salanyń ahýaly men ony ári qaraı damytý perspektıvalary talqylanǵan bolatyn. Áleýmettik kásipkerliktiń kúngeıi men kóleńkesin kezdesýde keńinen jetkizgen «Best for kids» qoǵamdyq qorynyń vıse-prezıdenti Emın ÁSKEROV bizge suhbat berip, alǵan áserimen bólisken edi.

− Keshe Memleket basshysy Qasym-Jomart Toqaevtyń qabyldaýynda bolyp, Prezıdentke elimizdegi áleýmettik ká­sipkerlikti damytý jaıynda áńgimeledińizder. Búginde áleý­mettik kásipkerlik uǵymy qoǵamda qanshalyqty ózekti?

− Áleýmettik kásipkerlikti eldegi áleýmettik saladaǵy túıtkildi máselelerdi sheshýge baǵyttalǵan bastama dep qabyldaýǵa bolady. Eger bıznes qarajat tabýdy maqsat etse, áleýmettik kásipkerlik áleýmettik salaǵa baǵyttalǵan kásip ashýdy, sol arqyly áleýmettik toptardyń jumyspen qamtylýyn qamtamasyz etpek. Biz úshin kommersııa ekinshi orynda. Bizdiń ortalyq jumyspen qamtý máselesine basymdyq beredi. Onyń ishinde áleýmettik osal toptardy oqytýǵa kóńil bólip otyrmyz. Búginde 62 adamdy jumysqa ornalastyrdyq. Onyń ishinde 50-ge jýyǵy áleýmettik osal toptarǵa jatady. Negizgi aınalysatyn salalardyń qatarynda kıim tigý, jıhaz jasaý, polıgrafııa, tamaq ónimderi, dekorasııa jasaý, sańyraýqulaq ósirý syndy ba­ǵyt­tar bar. Elordanyń qaq ortasynda ornalasqan «Magııa vkýsa» atty kafeniń ashylǵanyna 3 kún ǵana boldy. Bul jerde 16 adam jumysqa ornalassa, onyń 8-iniń qulaǵynyń múkis­­tigi bar, 4-eýiniń mentaldyq buzýshylyqtary bar jandar. Biz bul kisi­lerge qoǵammen etene aralasyp, ómirden óz oryndaryn ta­býǵa, ortanyń tolyq múshesi ekenin sezinýge múmkindik jasaı­myz.

− Memleket basshysymen kezdesý barysynda elimizde endi qalyptasyp kele jatqan áleýmettik kásipkerlik salasyndaǵy keleli máseleler aıtyldy ma?

− Prezıdentpen bolǵan kezdesýden alǵan áserim erekshe. Sebebi Memleket basshysy elimizdegi jáne ózge memleketterdegi áleýmettik kásipkerlik salanyń qalyptasýy men damýy jaıyn­da keńinen aqparat berdi. О́z basym bul saladan jan-jaqty habardar ekenine qaıran qaldym. Prezıdent óz sózinde elimizde endi bastaý alǵan bul salanyń damýyna memleket tarapynan barlyq jaǵdaı jasalatynyn aıtty. Bıyl kúzde Qasym-Jomart Toqaevtyń qatysýymen áleýmettik kásipkerlerdiń birinshi respýblıkalyq forýmy ótkiziletin boldy. Bul bastama áleýmettik kásipkerliktiń damýyna negiz bolyp, aldaǵy ýaqytta atqarylar jumystardyń uıytqysy bolady degen senim uıalady.

Qazir Qazaqstanda resmı málimet boıynsha 250-deı áleýmettik kásiporyn bar. Resmı emes aqparat bul kórsetkishtiń áldeqaıda joǵary ekenin kórsetedi. Dese de, bul salada qarqyndy damý úderisi sonshalyqty baıqalmaıdy. Qoǵam tarapynan serpilis kerek. Sonymen qatar bul sala memlekettiń qoldaýyna zárý ekenin aıtqym keledi. Memleket basshysynyń qabyldaýynan keıin kásipkerliktiń bul túri ekinshi tynysyn ashyp, jańa qarqynmen damıdy degen senimdemin. Sonyń ishinde áleýmettik kásipkerlikpen aınalysatyndarǵa nesıe alýǵa ıa bolmasa ózge de jeńildikter qarastyrylsa degen tilegimiz bar.

− Birneshe jobalar qatarynan júzege asyrylyp jatyr. Qarjylandyrý máselesi jaıynda aıtyp berseńiz?

− Ázirge jobalardy óz qaltamyzdan shyqqan qarajatqa júzege asyryp jatyrmyz. Syrttan ınvestorlar tartylyp jatyr dep aıta almaımyn. Dese de, bul bastama kórshi Reseıde jaqsy damyp, zań aıasynda túıtkildi máseleler ekshelip qoıǵan. Batysta áleýmettik kásipkerliktiń damyǵanyna 40 jylǵa jýyq ýaqyt bolsa, bizde bul túsiniktiń qalyptasqanyna 5-6 jyldyń ǵana júzi boldy. Biraq bizdiń halyq − qaıyrymdy, meıirimdi. Tanym-túsinigimizde qalyptasqan uǵym boıynsha eshkimniń keýdesin qaqpaı, kerisinshe qoltyǵynan demeý qalypty úrdis, adamgershilikke jatatyn is. Sondyqtan qaıyrymdy qoǵam barda áleýmettik osal toptar ortaǵa tez beıimdeledi. Bizdi qoǵam, azamattyq orta qoldaýǵa daıyn ekenin jaqsy bilemiz. Aldaǵy ýaqytta elimizdiń barlyq óńirinde joǵaryda atap ótken bastamalarymyzdy jalǵastyrýdy josparlap otyrmyz.

 

Áńgimelesken

Erkejan AITQAZY,

«Egemen Qazaqstan»

Sońǵy jańalyqtar

Avtovolonterler azyq-túlik jetkizýde

Qazaqstan • Búgin, 16:19

Sóz qasıeti – em qasıeti

Qoǵam • Búgin, 16:11

Ustalyq – kıeli kásip

Qazaqstan • Búgin, 16:05

Qarataýdy ańsaǵan qyran

Tanym • Búgin, 15:54

Áýlıeaǵash týraly áńgime

Tanym • Búgin, 15:38

Aqmola oblysynda karantın

Aımaqtar • Búgin, 15:22

Armannyń azamattyǵy

Aımaqtar • Búgin, 15:13

Jetisýda jetinshi adam indet juqtyrdy

Aımaqtar • Búgin, 15:08

Aınurdyń ádemi álemi

Rýhanııat • Búgin, 14:13

Atyraýda 700-ge jýyq ekspress-test bar

Aımaqtar • Búgin, 14:07

Memleket qoldaýy eńse kótertti

Aımaqtar • Búgin, 13:25

Qyzylorda: Naýqastardyń jaǵdaıy qalypty

Koronavırýs • Búgin, 13:21

«Barysqa» daýys bereıik!

Sport • Búgin, 13:15

Almatyda indet oshaǵy qaıta kóbeıdi

Aımaqtar • Búgin, 13:15

Sý tasqynyna qarsy áreketter bastaldy

Aımaqtar • Búgin, 13:00

Juqpaly aýrýlar jaıly jaýhar fılmder

Rýhanııat • Búgin, 12:50

Uqsas jańalyqtar