Parlament • 07 Aqpan, 2020

Kóshpeli otyrysta kósheli másele kóterildi

75 retkórsetildi

S.Seıfýllın atyndaǵy Qazaq agrotehnıkalyq ýnıversıtetinde «Qazaqstan Respýblıkasy agrarlyq ǵylymdy damytýdyń problemalary men perspektıvalary» taqyrybyndaǵy Parlament Senatynyń Ekonomıkalyq saıasat, ınnovasııalyq damý jáne kásipkerlik komıtetiniń kóshpeli otyrysy ótti.

Atalǵan jıynǵa Parlament Sena­tynyń depýtaty D.Ádilbekov, Parlament Senaty komıtetiniń músheleri, Bilim jáne ǵylym mınıstrligi men Aýyl sharýashylyǵy mınıstrliginiń ókilderi, «UAǴBO» KeAQ basqarma tóraǵasy T.Raqymbekov, «S.Seıfýllın atyndaǵy QazATÝ» KeAQ basqarma tóraǵasy A.Kúrishbaev, «Qazaq eginshilik jáne ósimdik sharýashylyǵy ǴZI» JShS bas dırektory A.V.Ageenko, «Qazaq ǵylymı-zertteý veterınarııa ınstıtýty» JShS bas dırektory A.Sultanov jáne ózge de ǵalymdar men mamandar qatysty.

Shara barysynda taqyryptyń ózek­ti­ligin eskere otyryp, agroónerkásiptik ke­shendi damytý týraly zańnamany jetildirýmen qatar ekonomıkanyń stra­tegııalyq mańyzdy salalarynda irgeli, qoldanbaly zertteýlerdi júrgizý jumystaryn jandandyrý kerektigi sóz boldy. Osyǵan baılanys­ty elimizdegi aýyl sharýashylyǵy salasy boıynsha mamandar daıarlaıtyn bilim ordalarynyń zaman talabyna saı bolýy da nazardan tys qalǵan joq. Bul úshin salada jetistikke jetken elderdegideı bilim oshaqtaryn ǵylymı zertteý ýnıversıtetterine aınaldyrý máselesin jedeldetý kerektigi aıtyldy.

Qatysýshylar aýyl sharýashylyǵyn damytý maqsatynda elde arnaıy salaǵa baılanysty aqparat quraldarynyń azdyǵy da óz kezeginde AShS alǵa jyljýyna kedergi keltiretini aıtyldy. Sondaı-aq depýtattar ýnıversıtettiń ınjenerlik kadrlardy daıarlaý jáne qaıta daıarlaý máselesimen tanysyp, geoaqparattyq júıeler boıynsha Qazaq-Koreı ortalyǵy, Big Data ortalyǵy, Jasandy ıntellekt ortalyǵynda boldy. Sonymen qosa ýnıversıtette shyǵarylǵan ónimder depýtattar nazaryna usynyldy.

Rektor A.Kúrishbaev óz sózinde búgingi tańda QazATÝ elimizdegi iri agrarlyq zertteý ýnıversıteti bolýǵa daıyn ekenin málimdedi. Odan bólek ǵylymı jáne kadrlyq múmkindikterge saı mamandar daıarlap, aýyl sharýashylyǵynda senimdi seriktes bolýǵa jol ashylmaq. Osyǵan sáıkes agrarlyq sektordyń ekonomıkasyna arnalǵan jańa formattaǵy mamandardy daıarlaýǵa baǵyttalǵan halyqaralyq joba júzege asyrylmaq. Aldaǵy ýaqytta QazATÝ Fransııadaǵy AgroParisTech ýnıversıtetimen birge qos dıplomdyq bilim berý júıesine kóshý men oqý baǵdarlamalaryn jańǵyrtý bo­ıynsha jol kartasyn jetildirmek.

Sońǵy jańalyqtar

Infeksııany qaıdan juqtyrǵany belgisiz

Aımaqtar • Búgin, 16:10

Pálsapa – Bekzat sana

Qazaqstan • Búgin, 15:46

Taldyqorǵannan Taıynshaǵa deıin...

Qazaqstan • Búgin, 14:55

Tegeýrini temirdeı Temirbaev

Qazaqstan • Búgin, 14:26

Karantınde shyrqalǵan ánuran

Qazaqstan • Búgin, 13:16

Samaradan kelgen 57 stýdent baqylaýda

Aımaqtar • Búgin, 12:30

Oralman qasqyr (etnografııalyq áńgime)

Qazaqstan • Búgin, 12:23

COVID-19 – Qazaqstanǵa jańa synaq

Koronavırýs • Búgin, 11:59

Qazaly aýdany karantınge jabyldy

Aımaqtar • Búgin, 11:53

Qytaı aza tutý kúnin jarııalady

Álem • Búgin, 11:49

Áskerı jıynǵa kimder barmaıdy?

Qazaqstan • Búgin, 11:36

Uqsas jańalyqtar