Azyq-túlik taýarlarynyń negizgi túrlerinen Qazaqstan ózin 80 paıyzǵa qamtamasyz etedi, al keıbirinen tipti artyqshylyq bar. Tek alty taýar, olar: alma, balyq, shujyq ónimderi, irimshik, súzbe, qant jáne qus eti boıynsha ımport táýeldiligi saqtalýda. Desek te bul olqylyqty Aýyl sharýashylyǵy mınıstrligi jaqyn ýaqytta joıýdy josparlap otyr.
Aǵymdaǵy jyly jylyna 105 myń tonna sút óndiretin 25 taýarlyq sút fermasy, 3 et kombınaty, qýattylyǵy 73 myń tonnalyq 8 qus fabrıkasy salynatyn bolady, 2 myń gektarǵa baq otyrǵyzý josparlanǵan. Sondaı-aq Jambyl jáne Pavlodar oblystarynda jylyna jalpy óndiris qýaty 200 myń tonna qant óndiretin 2 qant zaýytynyń qurylysy bastaldy. Sonymen qatar qoldanystaǵy úsh qant zaýyty jańǵyrtylady.
Budan basqa, sýarmaly jerlerdiń kólemi azyqtyq daqyldary úshin – 45 myń ga, kókónisterge – 15 myń ga keńeıtiledi. Sondaı-aq ártaraptandyrý boıynsha tıimdiligi joǵary «maıly jáne burshaqty» daqyldarǵa arnalǵan egistik alqaby ulǵaıtylatyn bolady.
Atalmysh sharalar aǵymdaǵy jyly aýyl sharýashylyǵy ónimderi ımportynyń jalpy úlesin 36,2%-dan 31,2%-ǵa deıin qysqartýǵa, al 2024 jylǵa qaraı eldiń ishki naryǵyn otandyq azyq-túlikpen tolyq qamtamasyz etýge múmkindik beredi.
