Aımaqtar • 07 Aqpan, 2020

Jańaózendik kásipkerlermen eseptik kezdesý ótti

43 retkórsetildi

Mańǵystaý oblysy kásipkerler palatasynyń dırektory Nurbek Qarasaevtyń Jańaózen qalasynda bıznes ókilderi aldyndaǵy esebi belsendi ótti, dep habarlaıdy atalǵan palatanyń baspasóz qyzmeti.

Kásipkerlerdi negizinen aýylsharýashylyǵyna sýbsıdııa bólý, bızneske shekteýdi boldyrmaý, qala ishilik marshrýttar máselesin sheshý, bıznesti salyqtan bosatý jaǵdaıy alańdatatyn bolyp shyqty. Kásipkerler palatasynyń aralasýymen birqatar máselelerdi birlesip sheshý kózdelip otyr. 154 myńdaı halqy bar Jańaózende 2019 jyldyń esebi boıynsha 8 myń orta jáne shaǵyn bıznes sýbektisi jumys istep tur. Olardyń ónimi 26 mlrd tg qurap otyr. Munaıly shahardyń oblystaǵy úlesi óndiris boıynsha 6.6%, ınvestısııa jaǵynan 14%.

Shaharda ótken jyldyń ózinde 180 kásipkerlik nysany ashylǵan. Onyń 59-y «Bıznestiń jol kartasy-2020» baǵdarlamasy boıynsha, «Atameken» mıkroqarjy uıymynan nesıe alý arqyly 36, «Nur kapıtal»-68, «Eńbek» baǵdarlamasy arqyly 17 joba júzege asty. Jańaózendik iskerlerdiń 42 jer ýchaskesine baılanysty túıitkildi máselesiniń 30-y kásipkerler palatasynyń aralasýymen oń sheshimin tapty. Al bıznes bilimdi 680 jumyssyz qala turǵyny aldy. Sonyń 140-y jeke kásibin ashty. Jobalardyń quny - 88 mıllıon teńgeden asady.

Eseptik kezdesýde kásipkerlerge aıtylǵan málimet boıynsha, ótken jyly iskerler arasynda óńirlik skrınıng ótti. Jańaózen qalasynda 8 myńnan astam kásipkerden jáne 37 myń úı sharýasynda júrip kásippen shuǵyldanatyn jandardan suhbat alyndy. Bul jumystar kásipkerler men úı sharýasyndaǵy azamattardyń áleýmettik jáne óndiristik ınfroqurylymǵa qajettilikti anyqtaý, bos jumys oryndarǵa muqtajdyqty bilý maqsatynda júrgizildi. Jańaózende «Bıznestiń jol kartasy» boıynsha 31 kásipke sýbsıdııa berildi. «Qarapaıym zattar ekonomıkasy» baǵytynda oblysta 71 joba qarastyrylyp, 38-i qoldaý tapty. Solardyń ishinde bireýi 40 mıllıon teńge Jańaózen qalasynyń jobasy bolyp sanalady.

Kásipkerlermen kezdesý jylyna eki ret uıymdastyrylý josparlanyp otyr.

Sońǵy jańalyqtar

Shymkent: Sıfrly otbasynyń bir kúni

Ońtústik Qazaqstan • Búgin, 15:58

Azııanyń ahýaly qandaı bolmaq

Ekonomıka • Búgin, 15:23

Olar úı betin kórmeı kúresýde

Aımaqtar • Búgin, 14:42

Karantın kartınasy (Trıptıh)  

Aımaqtar • Búgin, 13:15

Kókshetaýda «Aseptdezın» shyǵarylady

Aımaqtar • Búgin, 12:48

Almatydaǵy naýqastardyń jaǵdaıy baıandaldy

Koronavırýs • Búgin, 12:41

Haram nıet indeti

Aımaqtar • Búgin, 12:21

Atyraý: Depýtat kórsetken demeý

Qazaqstan • Búgin, 12:14

Atyraý: 1300 turǵyn testten ótti

Aımaqtar • Búgin, 11:45

Atyraý: 50 adamǵa ystyq tamaq jetkizdi

Aımaqtar • Búgin, 11:32

Kásipkerler tilegi eskerildi

Qoǵam • Búgin, 11:11

Qarttar úıindegi qasiret

Aımaqtar • Búgin, 10:49

Uqsas jańalyqtar