Parlament • 07 Aqpan, 2020

N. Nyǵmatýlın: Zań jobalary elimizdiń ekonomıkasy men áleýmettik salasyn damytýǵa baǵyttalǵan

126 retkórsetildi

Májilis Spıkeri Nurlan Nyǵmatýlınniń tóraǵalyǵymen Palatanyń Bıýro otyrysy ótip, aldaǵy jalpy otyrystyń kún tártibi naqtylandy. Onda depýtattar nazaryna birqatar ratıfıkasııalyq qujattar usynylmaq. Bul týraly Parlament Májilisiniń baspasóz qyzmeti habarlady.

Olardyń ishinde Ujymdyq qaýipsizdik týraly shartqa jáne onyń Jarǵylaryna ózgerister engizýdi kózdeıtin hattamalarǵa qatysty birqatar zań jobalar bar. Sondaı-aq atalǵan uıymnyń quqyqtyq mártebesine qatysty Zań jobasy da aldaǵy sársenbide Palata qaraýyna engiziletin bolady. Bul qujatta UQShU-ǵa múshe memleketterdiń UQShU Bas hatshysynyń orynbasarlary laýazymdaryn atqaratyn ókilderdiń áleýmettik qorǵalýyn arttyrý kózdelgen.

Aldaǵy jalpy otyrysta memlekettik satyp alý máseleleri boıynsha beıindi komıtetke qorytyndy ázirleý merzimi bekitilmek. Bıýro otyrysynda «Zań kómegin kórsetýdiń zańnamalyq negizderin jetildirý» taqyrybynda parlamenttik tyńdaý ótkizý máselesine de basa nazar aýdaryldy.

Otyrys sońynda Palata Tóraǵasy Májiliste qaralyp jatqan mańyzdy zań jobalaryna erekshe kóńil bóldi. Atap aıtar bolsaq, ótken aptada aýqymdy qujat Ekologııalyq Kodekstiń tanystyrylym ótti. Qazirde Palata depýtattary atalǵan zań jobasy boıynsha jan-jaqty jumysqa kiristi.

Sondaı-aq Atom energııasyn paıdalaný, tutynýshylar quqyn qorǵaý, bıznes klımatty jaqsartý, memlekettik qyzmet jáne sybaılas jemqorlyqqa qarsy is-qımyl, asyl tuqymdy mal sharýashylyǵy máselelerine qatysty basqa da zań jobalary boıynsha jumystar qolǵa alynýda.

Osy Zań jobalarynyń barlyǵy tikeleı elimizdiń áleýmettik salalary men ekonomıkasyn damytýǵa baǵyttalǵanyn jáne olardy qabyldap júzege asyrý qoǵam ómirine oń yqpal etetinin alǵa tartqan Nurlan Nyǵmatýlın atalǵan zań jobalarymen jumys ádettegideı, úkimettik emes uıymdardyń, parlamenttik emes partııalardyń, sarapshylar men qoǵamdyq birlestik músheleriniń qatysýymen ashyq júrgizilý kerek ekenin aıtty.

Sońǵy jańalyqtar

Mańǵystaýda qan tapshylyǵy sezilýde

Aımaqtar • Búgin, 12:26

Qyzylorda: Test synamalary jetkizildi

Aımaqtar • Búgin, 11:56

Til saıasatyna reforma kerek pe?

Suhbat • Búgin, 10:45

Petropavl: 16 jastaǵy boıjetken ustaldy

Aımaqtar • Búgin, 10:28

Uqsas jańalyqtar