Qoǵam • 07 Aqpan, 2020

«Kedergisiz keleshek» partııalyq jobasy aıasynda biryńǵaı qabyldaý kúni ótti

54 retkórsetildi

«Nur Otan» partııasy Mańǵystaý oblystyq fılıaly «Kedergisiz keleshek» jobasy aıasynda múmkindigi shekteýli jandarǵa biryńǵaı qabyldaý kúnin ótkizdi.

Sharaǵa «Nur Otan» partııasy Mańǵystaý oblystyq fılıalynyń «Qoǵamdyq qabyldaý» bóliminiń ókilderimen birge oblystyq densaýlyq saqtaý basqarmasynan, jumyspen qamtýdy úılestirý jáne áleýmettik baǵdarlamalar basqarmasynan ókilder qatysyp, azamattarǵa keńes berip, máselelerin sheshýge at salysty. Bul týraly «Nur Otan» partııasy Mańǵystaý oblystyq fılıalynyń baspasóz qyzmeti habarlady.

Qabyldaýǵa jalpy sany 12 adam keldi. Múmkindigi shekteýli azamattar jáne qamqorshylar materıaldyq jáne dári-dármekpen kómek qolyn sozýdy surady.

Máselen, qabyldaýǵa kelgen turǵyndardyń ishinde Q. Qaıypnazarova jáne J. Berdibaeva balalarynyń densaýlyq jaǵdaıyna baılanysty kvota alýǵa kómek surady. Bul máseleler boıynsha, azamatsha Qaıypnazarovanyń máselesi oń sheshimin taýyp, kvota ıelendi. Al Berdibaevanyń máselesi boıynsha portalǵa tirkeýge kelisilip, materıaldyq kómek alý úshin 28-aqpanda ótetin oblystyq «Nur Otan» partııasy máslıhattaǵy depýtatattyq fraksııa múshesi Ketebaev Atqosshynyń qabyldaýyna jazyldy.

Kómekke zárý turǵyndardyń biri M. Saqtaǵanova ulyna aýyr dıagnoz qoıylyp,  búginde jan saqtaý bóliminde jasandy jolmen tynys alatynyn aıtty. Azamatsha ulyn Nur-Sultan nemese Almaty qalalaryna aparyp ota jasatýǵa kómek surady. Bul másele jóninde M. Djaılybaev jáne T. Telebaev Mańǵystaý oblystyq aýrýhanasyna baryp, nárestege qajetti kómektiń kórsetilýin qamtamasyz etetindigin aıtty.

Qabyldaýǵa Jańaózen qalasynyń turǵyny A. Qııashova qatysyp, 2011 jyly týylǵan balasy Álimjan Damırge kómek qajettigin aıtty. Ulynyń dıagnozy «Iývenıldi ıdıopatııalyq artrıt» bolǵandyqtan, dári-dármegine aýqymdy qarajat qajet. Aıyna alatyn bir ekpesiniń ózi 1mln 200 myńdy quraıdy. Sırek kezdesetin aýrý bolǵandyqtan, emge qajetti ekpeler tegin dáriler qataryna jatpaıdy.

Osy másele boıynsha byltyr oblys ákiminiń kómegimen, 1 aıǵa ekpesi alynǵan bolatyn. Alaıda, Astana qalasynyń dárigerleri taǵaıyndaǵan jańa  ekpege 3 mln teńge qajet. Osy másele boıynsha budan buryn oblystyq máslıhat depýtaty Abbat О́risbaevtyń qabyldaýyna kirip, depýtattyq suraýmen hat jazylǵan.  Azamatshanyń máselesi taǵy da nazarǵa alyndy.

Qabyldaýǵa kelgen azamattardyń barlyǵyna jaýap berilip, máselesi sheshilgenshe partııanyń baqylaýynda bolatyndyǵy aıtyldy.

Sońǵy jańalyqtar

Almatyda zerthanalar sany artady

Ońtústik Qazaqstan • Búgin, 17:10

Infeksııany qaıdan juqtyrǵany belgisiz

Aımaqtar • Búgin, 16:10

Pálsapa – Bekzat sana

Qazaqstan • Búgin, 15:46

Taldyqorǵannan Taıynshaǵa deıin...

Qazaqstan • Búgin, 14:55

Tegeýrini temirdeı Temirbaev

Qazaqstan • Búgin, 14:26

Karantınde shyrqalǵan ánuran

Qazaqstan • Búgin, 13:16

Samaradan kelgen 57 stýdent baqylaýda

Aımaqtar • Búgin, 12:30

Uqsas jańalyqtar