Qoǵam • 07 Aqpan, 2020

Oqýshylar ushqyshtar daıarlaıtyn áskerı ınstıtýtqa bardy

49 retkórsetildi

Aqtóbedegi 11 mekteptiń 200-ge jýyq joǵary synyp oqýshysy ushqyshtar daıarlaıtyn áskerı ınstıtýtqa baryp qaıtty.  Atalǵan ekskýrsııany jastarǵa kásibı baǵdarly jumystar men áskerı-patrıottyq tárbıe berý aıasynda áskerı qyzmetshiler ótkizdi. Bul týraly Qorǵanys mınıstrliginiń baspasóz qyzmeti habarlady.

Instıtýtqa kirgen sátten bastap oqýshylar atalmysh oqý ordasynyń kúndelikti tynys-tirshiligi men qyzý jumystaryn, oqý synyptarynda kýrsanttardyń emtıhan tapsyrý jáne oqytýshylardyń dáris oqý sátterin kórdi. Eń aldymen bolashaq talapkerler ınstıtýttyń qalyptasýy men damýynyń ártúrli kezeńderin kórsetetin kórmege shaqyrylyp, bilim ordasynyń 45 jyldyq tarıhynda bolǵan mańyzdy oqıǵalary týraly áńgimelesti.

«Men Aqtóbe qalasynda týyp óstim. Kishkentaıymnan meni ata-anam mamyr aıyndaǵy merekelerde qala turǵyndary baryp tamashalaıtyn ashyq aspan astyndaǵy murajaıǵa aparady. Men ushaqtardyń, tikushaqtardyń tarıhyn jattap, olardyń kabınasyna kirip ózimdi ushqysh retinde sezinetinmin. Men mamandyǵymdy sol kezde tańdap qoıǵanmyn. Bıyl osy ınstıtýtta bilim alý qujattarymdy tapsyramyn»,- deıdi bolashaq talapker Mıhaıl.

Joǵary synyp oqýshylaryna kafedralarda avıasııalyq qarý-jaraqty tehnıkalyq paıdalaný, qurastyrý, áýe kemeleri men avıasııalyq qozǵaltqyshtardy paıdalaný men agregat túrleri tanystyryldy.

Sonymen qatar qarý-jaraq túrleriniń qurylysy men is júzinde basqarylmaıtyn qarýdyń is-qımyl qaǵıdalary kórsetildi. Oqý ordasyna ekskýrsııa mádenı-demalys ortalyǵynda aıaqtaldy. Onda oqýshylar ınstıtýt jaıynda beınerolıkter kórip, áskerı qyzmetshiler bolashaq talapkerlerdi qyzyqtyrǵan suraqtarǵa jaýap berdi.

«Osyndaı ashyq esik kúnderiniń mańyzdylyǵyn baǵalaý kerek. Joǵary synyp oqýshylaryn ekskýrsııaǵa shaqyra otyryp, biz bolashaq talapkerlerge oqý prosesiniń jaı-kúıin sezinýge, oqý-materıaldyq bazasyn jáne kýrsanttardyń ómirin kórýge, oqytýshylarmen kezdesýge múmkindik beremiz. Bizdiń mindetimiz – talapkerlerdi tartý ǵana emes, olardyń ishinde úzdikterin tańdaý bolyp tabylady»,- deıdi Áýe qorǵanysy kúshteri Áskerı ınstıtýty bastyǵynyń orynbasary podpolkovnık Bekbolat Jumabaev.

Esterińizge sala keteıik, Keńes Odaǵynyń eki márte batyry Talǵat Bıgeldınov atyndaǵy Áýe qorǵanysy kúshteri Áskerı ınstıtýty – ushý jáne ınjenerlik mamandyqtar boıynsha 11 avıasııalyq maman daıarlaıtyn Ortalyq Azııadaǵy jalǵyz áskerı oqý orny.

Instıtýtta Qazaqstan, Qyrǵyzstan jáne Tájikstannan kelgen kýrsanttar bilim alady. Oqytýdyń barlyq kezeńderinde olar memleket qamqorlyǵynda bolady.

Sonymen qatar olar aqshalaı qamtamasyz etilip, úsh mezgil tamaqtanady sondaı-aq tegin medısınalyq kómek kórsetiledi.  Jyl saıyn kýrsanttarǵa 30 kúntizbelik kún esbinen demalys ótkizýge baratyn jáne qaıtatyn jolymen qosa tólenetin demalys beriledi. Instıtýtty aıaqtaǵannan keıin túlekterge memlekettik úlgidegi dıplom men «leıtenant» áskerı ataǵy beriledi.

Sońǵy jańalyqtar

Reseıde altyn qory azaıyp keledi

Ekonomıka • Búgin, 20:25

Túrkistan: Kenege qarsy kúres bastaldy

Aımaqtar • Búgin, 17:03

Ulttyq kınodaǵy karantın

Aımaqtar • Búgin, 16:56

Dúkenderdiń jumys kestesi belgilendi

Aımaqtar • Búgin, 16:55

Aqtaý qalasy karantınge jabylǵan joq

Aımaqtar • Búgin, 16:31

Ulttyq tanymnyń ózegi – tarıhı sana

Rýhanııat • Búgin, 14:51

Uqsas jańalyqtar