Qoǵam • 07 Aqpan, 2020

Almatyda bıyl jylý tarıfi 18 paıyzǵa arzandady

25 retkórsetildi

Búgin qala ákimdiginiń baspasóz ortalyǵy alańynda Tabıǵı monopolııalardy retteý komıtetiniń Almaty qalalyq departamentiniń basshysy Bolat Sambetov, ınvestısııalyq baǵdarlamalar men jylý-energetıkalyq sektor sýbektileriniń tarıftik smetasynyń shyǵyndaryn qaıta qaraýǵa baılanysty, 2019 jyldyń 1 qańtarynan bastap, halyq úshin jylý júıelerine sońǵy tarıf 18%-ǵa tómendegenin habarlady. Sonymen Ákimdik pen monopolııaǵa qarsy departamentiniń bastamasymen Almatyda jylý tarıfi kóterilmeıdi.

Departamenttiń aqparatyna sáıkes, 2017 jyly quziretti organmen «Almaty jylý júıeleri» JShS qyzmetterine 2021 jylǵa deıin tarıfterdiń shekti deńgeıleri bekitilgen. 1 qańtardan bastap halyq úshin jylý tarıfiniń 3%-ǵa josparly ósýi kútilgen. Odan bólek, tutynýshylardyń ortaq jylý energııasyn esepke alý quraldarymen qamtylýy 94%-ǵa deıin artty. JEAQ ornatqandar, tarıfti 36% tómen tóleıtinder sanatyna ótti. Osyǵan baılanysty, jylýmen qamtý uıymdary dıferensıaldy tarıfter kólemin qaıta qaraýǵa ótinish bere alady.

«Alaıda, Departament pen ákimdiktiń bastamasymen, barlyq tutynýshylarǵa bólinedi dep boljanǵan bar júkteme bıýdjet esebinen qarjylandyrylatyn uıymdarǵa jiberildi. Bul sheshim jylý tarıfin tejeýge múmkindik berdi», – dep túsindirdi Bolat Sambetov.

Sonymen qatar brıfıng barysynda Bolat Sambetov jýrnalısterdiń túbirtekte belgisiz baǵalar bolǵan jaǵdaıda tutynýshylar ne isteý kerek degen suraǵyna jaýap bere otyryp, Monopolııaǵa qarsy komıtetke júginýge keńes berdi.

«Eger tutynýshyǵa tólemaqy artyǵymen kelse, mundaı jaǵdaıda mindetti túrde tabıǵı monopolııalardy retteý komıtetine júginý kerek. Munda, barlyq shottar tekseriletin bolady. Eger josparsyz kóterilgeni rastalsa, monopolıst aıyppul tóleıdi. Qarajat tutynýshylarǵa qaıtarylatyn bolady. Bizde aıyppul mólsheri joǵary, sondyqtan monopolıster ony buzbaýǵa tyrysady», – dedi Tabıǵı monopolııalardy retteý komıtetiniń Almaty qalasy boıynsha departamentiniń basshysy Bolat Sambetov.

Sońǵy jańalyqtar

Beıqamdyqqa jol berilmeýi kerek

Rýhanııat • Keshe

Koronavırýssyz Qostanaı

Aımaqtar • Keshe

Kúrish eksportyna kedergi joq

Aımaqtar • Keshe

Álem únemdele bastady

Álem • Keshe

Uqsas jańalyqtar