Rýhanııat • 07 Aqpan, 2020

Tarazda Abaıdyń 175 jyldyǵyna arnalǵan is-sharanyń ashylýy ótti

185 retkórsetildi

Bıyl hakim Abaı Qunanbaıulynyń 175 jyldyǵy eldik deńgeıde atalyp ótilýde. Bul bastamaǵa Memleket basshysy Qasym-Jomart Toqaev qoldaý bildirip, uly aqyn toıynyń joǵary deńgeıde uıymdastyrylýyna mán bergen bolatyn. Osy oraıda qara óleń qudiretiniń 175 jyldyǵyna arnalǵan is-shara Áýlıeata topyraǵynda da bastaý aldy. Yqylas Dúkenuly atyndaǵy Taraz qalalyq mádenıet úıinde qala ákimdigi, oblystyq Bilim basqarmasy men Abaı atyndaǵy Jambyl gýmanıtarlyq kolledjiniń uıymdastyrýymen «Uly Abaı álemi – halyqtyń máńgilik óshpes murasy!» atty ádebı-sazdy kesh ótti.

Uly aqynnyń mereıtoıyna arnalǵan keshke kelýshiler áýeli «Abaı – beıneleý ónerinde» atty kórmeni tamashalady. Budan keıin «Abaıdyń dúnıege kelýi» atty teatrlandyrylǵan qoıylym sahnalandy. Qoıylym barysynda qazaq ult-aspaptar orkestriniń oryndaýynda «Tory jorǵa» kúıi qoıylsa, «Sholpy» bı ansambliniń arýlary myń burala bı bıledi. Atalǵan sahnalyq qoıylym Uljan ananyń uly Abaıdy ómirge ákelgen sáti men ákesi Qunanbaıdan halyqtyń súıinshi suraǵany, áke Qunanbaıdyń ulyna Ibrahım dep esim bergenin súıinshileı jetkizýi maǵynasynda órbidi.

Budan keıin «Men ishpegen ý bar ma?» atty Abaı óleńderinen kompozısııa qoıyldy. Al, belgili akter Murat Qusaıynovtyń oryndaýyndaǵy Abaı qarasózderinen qurylǵan kompozısııa kópshiliktiń kóńilinen shyqty. Hakimniń tórtinshi qarasózinde aıtylatyn «Qýlyq saýmaq, kóz súzip, tilenip, adam saýmaq – ónersiz ıttiń isi. Áýeli Qudaıǵa syıynyp, ekinshi óz qaıratyńa súıenip, eńbegińdi saý, eńbek qylsań, qara jer de beredi, qur tastamaıdy», degen ósıet sózderi búginigi urpaqqa da aıtylǵan amanat sekildi áser etti.

Sonymen qatar Muhtar Áýezovtiń «Abaı» spektaklinen sahnalanǵan úzindi óziniń kórkemdik kókjıegimen de kórermenge erekshe kúı syılady. Aýyldyń jastary aqyn Aıdar men arý Ajar arasyndaǵy mahabbat sezimi, osy másele tóńireginde Abaı men Jırenshe arasyndaǵy tartys sııaqty kórinister kórermendi beı-jaı qaldyrmady. Jalpy kesh barysynda Abaı Qunanbaıulynyń «Kózimniń qarasy», «Aıttym sálem» atty ánderi oryndaldy. Sondaı-aq tanymal akter Ulan Abzalıev Abaıdyń ósıet sózderin oqyp, keshti qorytyndylady.

 

Jambyl oblysy

Sońǵy jańalyqtar

Reseıde altyn qory azaıyp keledi

Ekonomıka • Búgin, 20:25

Túrkistan: Kenege qarsy kúres bastaldy

Aımaqtar • Búgin, 17:03

Ulttyq kınodaǵy karantın

Aımaqtar • Búgin, 16:56

Dúkenderdiń jumys kestesi belgilendi

Aımaqtar • Búgin, 16:55

Aqtaý qalasy karantınge jabylǵan joq

Aımaqtar • Búgin, 16:31

Ulttyq tanymnyń ózegi – tarıhı sana

Rýhanııat • Búgin, 14:51

Uqsas jańalyqtar