Qoǵam • 07 Aqpan, 2020

Almaty: Baqytjan Saǵyntaev qala turǵyndarynyń suraqtaryna jaýap berdi

35 retkórsetildi

Almaty ákimi Baqytjan Saǵyntaev Alataý aýdany ákiminiń eseptik kezdesýine qatysty. Bul týraly qala ákimdiginiń baspasóz qyzmeti habarlady.

Aýdan turǵyndaryn alańdatatyn basty máseleler – burynǵysynsha joldyń, kommýnaldyq jelilerdiń joqtyǵy, abattandyrý men aýmaqty jasyldandyrý. Alataý aýdanynyń ákimi Azamat Qaldybekov turǵyndardy gazben qamtýdyń 96%-dy quraıtynyn aıtty. О́tken jyly «Mádenıet» yqshamaýdany men «Energostroıtel», «Teploenergetık» saıabaqtaryna 6,8 shaqyrym gaz qubyry tartyldy. 1407 úıdi gazdandyrý qajet, olardyń 976-y jeke úıler, 431-i saıabaqtar.

Sýmen qamtý jáne káriz jelileri 79 jáne 68 paıyzdy quraıdy. «Aqbulaq», «AZTM», «Alǵabas» yqshamaýdandaryna uzyndyǵy 107 shaqyrym bolatyn jeliler tartylýda.

Aýdan elektr jelisimen tolyq qamtylǵan. Degenmen 157 shaqyrym jeli men transformatorly qosalqy stansııalar sot arqyly ıesiz dep tanylyp, onyń 143 shaqyrymy «Alataý Jaryq» kompanııasynyń balansyna berildi. Aıta keterligi, aýdan turǵyndary kommýnaldyq qyzmet tólemin jalpyqalalyq tarıf boıynsha tóleı alady.

Eseptik kezdesý barysynda tilekter de aıtyldy. Máselen, ekolog Tımýr Eleýsizov skverlerdi abattandyrý boıynsha kómegin usyndy, sonymen qatar buzaqylar jasyl jelekke zaqym keltiretindikten, vıdeobaqylaý kameralaryn ornatý qajet ekenin atap ótti.

Almaty ákimi Baqytjan Saǵyntaev Alataý aýdany turǵyndarynyń suraqtaryna jaýap bere kelip, barlyq problemalyq máselelerdiń júıeli túrde sheshiletinin habarlady. Ol úshin taıaý ýaqytta aýdandar ákimderi óz aýmaqtaryn damytýdyń úsh jyldyq sheberlik-josparlaryn ázirleıtin bolady.

«Mundaı ınfraqurylymdy jaqsartatyn jáne aýdannyń basqa da máselelerin sheshetin «Jol kartalary» sizderdiń belsendi qatysýlaryńyz arqyly ázirlenedi. Qala bıýdjeti sheberlik-josparlaryna sáıkes jasalady ári bólinetin bolady», - dedi B. Saǵyntaev. Ol ákimdiktiń jumysynda turǵyndar pikirleriniń basty nazarǵa alynatynyn atap ótti.

Kezdesý aıaqtalǵan soń aýdan turǵyny Jumaǵazy Esjanovtyń ótinishi boıynsha Almaty ákimi asfalty, syrtqy jaryǵy joq, aryq júıesi buzylǵan Dospanov pen Suhambaev kósheleriniń buryshyna bardy. Mundaǵy aǵashtardy kesý qajet, óıtkeni olardyń butaqtary elektr jelisi men baılanysqa zııan keltirýi múmkin. Baqytjan Saǵyntaev tıisti basqarmalar basshylaryna jumys josparlaryna saı kórsetilgen kemshilikterdi joıýdy tapsyrdy.

Sońǵy jańalyqtar

Juma: Almatyda 28 indet oshaǵy karantınde tur

Ońtústik Qazaqstan • Keshe

Almatyda zerthanalar sany artady

Ońtústik Qazaqstan • Keshe

Uqsas jańalyqtar