Aımaqtar • 08 Aqpan, 2020

Jalpyulttyq ekspedısııa «Tuńǵysh Prezıdent jolymen» júrip ótedi

85 retkórsetildi

Qazaqstan halqy Assambleıasynyń qurylǵanyna 25 jyl toldy. Mereıtoılyq shara aıasynda «Tuńǵysh Prezıdent jolymen» atty ekspedısııa bastaý aldy. Elimizdiń óńirlerin qamtıtyn jalpyhalyqtyq aksııanyń tusaýy Elbasy Nursultan Nazarbaevtyń týǵan jerinde kesildi. Shamalǵan aýylyndaǵy «Úshqońyr» sport kesheninde uıymdastyrylǵan sharaǵa Qazaqstan halqy Assambleıasy Tóraǵasynyń orynbasary, hatshylyq meńgerýshisi Janseıit Túımebaev pen Almaty oblysynyń əkimi Amandyq Batalov bastaǵan el aǵalary qatysty.

Saltanatty jıynda alǵashqy bolyp sóz alǵan Almaty oblysynyń ákimi, oblystyq Qazaqstan halqy Assambleıasynyń tóraǵasy Amandyq Batalov jınalǵan jurtshylyqtyń aıtýly sharanyń bastalýymen quttyqtady.

– Assambleıa mereıtoıy aıasynda uıymdastyrylyp otyrǵan bul ekspedısııanyń máni zor dep bilemin. Bul shara Elbasymyz Nursultan Ábishuly Nazarbaevtyń dúnıege kelgen ólkesinen bastap, júrip ótken joldaryn, táýelsizdikti qalyptastyrý men damytýdaǵy qadamdaryn, strategııalyq baǵdarlamalaryn, beıbitshilik pen kelisim saıasatyn ónege etýdiń eren úlgisi bolǵaly otyr. Ekspedısııanyń, ásirese, jastar úshin bereri mol. Sebebi Tuńǵysh Prezıdenttiń qaıratkerlik joly, taǵylymdy ómirbaıany – Otanǵa, el men jerge qaltqysyz qyzmet etýdiń jarqyn úlgisi, – dedi oblys basshysy.

Ákim óz sózinde 1995 jyly 1 naýryzda  Qazaqstan Respýblıkasynyń Tuńǵysh Prezıdenti Nursultan Nazarbaevtyń Jarlyǵymen Memleket basshysy janyndaǵy konsýltatıvti-keńesshi organ qurylǵanyn tilge tıek etip, ótken jyldar ishinde Assambleıanyń ınstıtýsıonaldyq qurylymy nyǵaıyp, qoǵamdy uıymdastyrýshy áleýeti tolysqanyn aıtty.

«Tuńǵysh Prezıdent jolymen» respýblıkalyq ekspedısııasynyń maqsaty Elbasynyń qoǵamdyq kelisim men jalpyulttyq birliktiń qazaqstandyq modelin qalypastyrýdaǵy eren eńbegin nasıhattaý ekenin atap ótý kerek. Ekspedısııa músheleri Tuńǵysh Prezıdenttiń týǵan jerinen bastap, oqyǵan jáne qyzmet etken aımaqtaryn da aralap shyǵady dep josparlanǵan.

Jalpyulttyq jobanyń ashylýy sport sheberi Salamat Naýryzbaev, «Jas kóshbasshy – 2019» baıqaýynyń jeńimpazy Vladımır Chepel, Qazaqstan halqy Assambleıasynyń múshesi Damır Dıgaı, QHA múshesi, oblystyq Sheshen-ıngýsh etnomádenı ortalyǵynyń tóraǵasy Adam Boısaevtyń ekspedısııanyń týy men kúndeligin saltanatty túrde ortaǵa alyp shyǵýymen bastaldy. Osydan keıin Qazaqstan halqy Assambleıasy tóraǵasynyń orynbasary, QR Prezıdenti Ákimshiligi QHA hatshylyǵynyń meńgerýshisi Janseıit Túımebaev minberge kóterilip, «Tuńǵysh Prezıdent jolymen» atty halyqtyq ekspedısııasy jalpyulttyq jobasynyń mańyzy jaıly, ekspedısııa barysy jaıly baıandady. Ol óz sózinde ultaralyq tatýlyq pen konfessııaaralyq túsinistikti qalyptastyrýdaǵy Assambleıanyń atqarǵan roli jaıly aıtyp, konstıtýsııalyq qurylymnyń 25 jyldyǵy elimizdiń barlyq aımaqtarynda, sonymen qatar, shet elderde de  toılanatynyn tilge tıek etti.

v

Jıynda sóz alǵan Elbasynyń synyptasy, Qarasaı aýdandyq Ardagerler keńesiniń tóraǵasy Edigen Júnisbekov Nursultan Nazarbaevtyń balalyq, jastyq shaǵynan estelik aıtyp, kóshbasshylyq qasıetteri jóninde ulaǵatty áńgime aıtty. Al Qazaqstan halqy Assambleıasynyń múshesi, Jetekshi jýrnalıster men sarapshylar klýbynyń tóraǵasy, oblystyq «Ognı Alataý» gazetiniń bas redaktory Atsalım Idıgov, Assambleıa músheleri Natalıa Homenko men Roza Abılova Elbasymen kezdesý kezinde alǵan áserleri men Ult kóshbasshysynyń qarapaıymdylyq, sezimtaldyq, kóregendik qasıetterin tebirene tolǵady. Sondaı-aq «Jańǵyrý joly» óńirlik jastar qozǵalysynyń múshesi Farızat Hýdjıeva bolsa sonaý surapyl jyldary jer aýdarylyp kelgen atasy Haziret jáne  ákesi Hyzyr Jadjıevtyń otbasyn qamqorlyǵyna alyp, qatarǵa qosylýyna tikeleı yqpal etken Elbasynyń ákesi Ábish týraly júrekjardy pikirin jetkizdi.

«Tuńǵysh Prezıdent jolymen» atty halyqtyq ekspedısııasy jalpyulttyq jobasynyń bastalý saltanaty júrek tebirenter jalyndy sózdermen qatar Jetisý ónerpazdarynyń án-jyrymen de erekshelendi. Bul kúni jınalǵan jurtshylyq aldynda Súıinbaı atyndaǵy oblystyq fılarmonııanyń, «Taldyqorǵan áýenderi», «Úshqońyr»  ansamblderiniń ánshileri  áýelete án shyrqap, «Altynaı», «Shaǵala», «Achımnoýl», «Týǵan jer», «Solnyshko», «Temp» bı ujymdary túrly ulttardyń bılerin jurtshylyq nazaryna usyndy.

a

Saltanatty jıynnan keıin mártebeli meımandar «Qazaqstan Respýblıkasy Tuńǵysh Prezıdentiniń «Atameken» tarıhı-mádenı ortalyǵyna arnaıy at basyn tiredi. Bul jerde Janseıit Túımebaev ortalyqqa QHA atynan estelik syılyq pen Elbasy týraly jazylǵan kitaptardy syıǵa tartsa, «Júz jańa esim» jobasynyń jeńimpazy, aqyn Maqpal Mysa «Amanat» atty óleńin oqydy. Qonaqtar Qarasaı aýdanyndaǵy «Anaǵa qurmet» murajaıy men «Batyr babalar» memorıalynda bolyp, eliniń erkindigi men jeriniń azattyǵy jolynda qan tógip, jan bergen aǵa urpaqtyń rýhyna taǵzym jasady.

Shamalǵan aýylynda bastaý alǵan «Tuńǵysh Prezıdent jolymen» atty halyqtyq ekspedısııasy Elbasy eńbek jolyn bastaǵan, shyńdalý mektebinen ótken Qaraǵandy óńirinde jalǵasyn tabady. Osyǵan oraı Qaraǵandy oblysynan arnaıy kelgen delegasııa ókilderi Almaty oblysynyń ákimi Amandyq Batalov jáne Qazaqstan halqy Assambleıasy Tóraǵasynyń orynbasary, Prezıdent Ákimshiligi QHA hatshylyǵynyń meńgerýshisi Janseıit Túımebaevtyń qolynan ekspedısııanyń týy men kúndeligin saltanatty túrde qabyldap aldy.

r

 

Almaty oblysy 

Sońǵy jańalyqtar

Abaı murasyna arnalǵan kórme

Rýhanııat • Keshe

Jaǵa ustatqan jat qylyq

Aımaqtar • Keshe

Uqsas jańalyqtar