Qoǵam • 08 Aqpan, 2020

QHA Qordaıdaǵy oqıǵaǵa qatysty málimdeme jasady

1517 retkórsetildi

Qazaqstan halqy Assambleıasy Qordaıdaǵy oqıǵaǵa qatysty málimdeme jasady.  

«Qordaıdaǵy oqıǵa el azamattarynyń árbiriniń júregine qanjardaı qadaldy. Oqıǵa kezinde azamattarymyz kóz jumdy. Qazaqstan halqy assambleıasy kóz jumǵan azamattardyń týǵan-týystary men jaqyndaryna qaıǵyra kóńil aıta otyryp, zardap shekkenderdiń tezirek saýyǵyp ketýin tileıdi. Memleket basshysy janjaldyń saldaryn eńserý boıynsha naqty tapsyrmalar berdi. Biz Qazaqstan halqyn osynaý iske ún qosyp, qoldaý bildirýdi suraımyz» delingen QHA málimdemesinde.

Assambleıa eldiń barlyq óńirinde etnomádenı birlestikterdiń basyn qosyp, túsindirý jumystaryn júrgizilip jatqanyn habarlaıdy.

«Assambleıa músheleri kez kelgen qylmystyń ulttyq sıpaty bolmaıtyny, sondaı-aq, kinálilerdiń bári zańǵa sáıkes anyqtalyp, jazalanýy kerektigi jaıly ortaq pikir bildiredi. Sondyqtan, qazirgi kezdegi eń mańyzdy mindet - arandatýshylyqqa boı aldyrmaı, jeke adamdardyń jasaǵan áreketterin tutas ulttarǵa telýge jol bermeý. Assambleıa halyqtyń danalyǵyna senim bildiredi ári bizdiń azamattarymyzdy, ásirese, jastardy eldegi beıbitshilik pen kelisimdi buzatyn jáne ózderine zııan keltiretin óreskel sózder men áreketterden aýlaq bolýǵa shaqyrady. Qazaqstan halqy árqashan bir-birimen baýyrlastyq qarym-qatynastyń úlgisi bolyp qala beretinine senimdimiz. Balalarymyzdyń ortaq bolashaǵy úshin biz ultaralyq arazdyqty qozdyrýǵa jol bermeýimiz kerek» deıdi QHA málimdemesinde.

Sonymen qatar QHA jalǵan málimetke senbeı, qoǵamdyq tártip pen qaýipsizdikti qamtamasyz etetin organdarǵa kómek kórsetýge, eldegi tynyshtyq pen beıbitshilikti saqtaýǵa shaqyrady.

Sońǵy jańalyqtar

Beıqamdyqqa jol berilmeýi kerek

Rýhanııat • Keshe

Koronavırýssyz Qostanaı

Aımaqtar • Keshe

Kúrish eksportyna kedergi joq

Aımaqtar • Keshe

Álem únemdele bastady

Álem • Keshe

Uqsas jańalyqtar