Qazaqstan • 09 Aqpan, 2020

Qordaı aýdanynda tótenshe jaǵdaı jarııalandy

224 retkórsetildi

Jambyl oblysynyń ákimi Asqar Myrzahmetov Qordaı aýdanynyń aýmaǵynda tehnogendik sıpattaǵy tótenshe jaǵdaıdy jarııalady. Bul týraly oblys ákiminiń baspasóz qyzmeti habarlady.

«Jambyl oblysy Qordaı aýdanyndaǵy birneshe aýyl turǵyndarynyń arasyndaǵy bolǵan jappaı tóbeleske baılanysty Jambyl oblysynyń ákimi Asqar Myrzahmetov Jambyl oblysynyń Qordaı aýdany aýmaǵynda tehnogendik sıpattaǵy tótenshe jaǵdaı jarııalady» dep habarlaıdy Jambyl oblysy ákiminiń baspasóz qyzmeti.

Jergilikti Tótenshe jaǵdaı 2020 jyldyń 8 aqpanynda saǵat 21:00-de bastaldy. Tótenshe jaǵdaıdy joıý basshylyǵyna oblys ákiminiń birinshi orynbasary Bekbolat Orynbekov taǵaıyndaldy. Oǵan osy sheshimnen týyndaıtyn tıisinshe is-sharalardy ótkizý júktelgen.

Eske sala ketsek, 7 aqpanda Qordaı aýdanyndaǵy Masanchı aýylynda jappaı tóbeles bolǵan. QR Prezıdenti Qasym-Jomart Toqaev osyǵan qatysty pikir bildirdi.

«Qoǵamdyq tártipti buzǵandar jaýapkershilikke tartylady» dep jazdy Memleket basshysy Twitter-degi paraqshasynda.

Al senbi, 8 aqpanda Memleket basshysy Jambyl oblysyndaǵy oqıǵaǵa baılanysty málimdeme jasady. Memleket basshysynyń tapsyrmasymen Qordaı aýdanyndaǵy oqıǵa saldaryn joıý jónindegi Úkimet komıssııasy quryldy. Ishki ister mınıstri Erlan Turǵymbaev pen Aqparat jáne qoǵamdyq damý mınıstri Dáýren Abaev Qordaı aýdanyndaǵy janjalǵa qatysty OKQ-da baspasóz máslıhatyn ótkizdi. «8 adam kóz jumdy. 40-tan astam adam jaraqat aldy» dedi Ishki ister mınıstri.

Sońǵy jańalyqtar

Beıqamdyqqa jol berilmeýi kerek

Rýhanııat • Keshe

Koronavırýssyz Qostanaı

Aımaqtar • Keshe

Kúrish eksportyna kedergi joq

Aımaqtar • Keshe

Álem únemdele bastady

Álem • Keshe

Uqsas jańalyqtar