Rýhanııat • 10 Aqpan, 2020

«Aq ájelerdiń» konserti

14 retkórsetildi

Nur-Sultan qalasy Qazaqstan halqy Assambleıasynyń qoldaýymen elordalyq Dostyq úıi sahnasynda Abaı Qunanbaıulynyń týǵanyna 175 jyl tolýyna oraı «Aq ájeler» ansambli jeke shyǵarmashylyq keshin ótkizdi.

«Aq ájeler» ansambliniń jetekshisi, Qazaq­stan Respýblıkasynyń mádenıet qaı­ratkeri Jalǵas Keńesov kórermenderge alǵysyn bildirip, ansambldiń qurylý tarıhyna qysqasha toqtala ketti.

«Qazaqtyń ulttyq ónerin dáripteý maq­satynda ansambl 2012 jyly elorda tórinde quryldy. Kezinde biri dáriger, biri muǵalim bolǵan shamamen 30 shaqty áje ónerlerin ortaǵa salýda. Bolashaqqa josparlarymyz óte kóp. Solardyń biri, Aqmola oblysy aımaqtaryn aralap, konserttik baǵdarlamamyzdy barsha halyqqa arnaý bolmaq. El tarıhyna mańyzdy jyly kishkene de bolsyn úles qosý basty mindetimiz edi. Osyǵan baılanysty, «Analar amanaty» kórme-zalynda shyǵarmashylyǵymyzdy elorda turǵyndaryna syılaýǵa septigin tıgizgen Nur-Sultan qalasy Qazaqstan hal­qy Assambleıasyna jáne ulttyq ónerdi baǵalap kelgen úlken-kishige alǵysymyz sheksiz», – deıdi J.Keńesov.

Konsertte «Aq ájeler» ansambli kó­rer­menderge klassıkalyq jáne qazaq kom­pozıtorlarynyń ánderimen qatar, halyq án­derin tartý etti. Al ansambl músheleriniń je­ke oryndaýyndaǵy Abaıdyń qara sózderi men dombyramen súıemeldengen jyr-ter­meler tyńdarmandardyń qulaq quryshyn qandyrdy. Árbir shyǵarmashylyq nómirge zor qoshemetin aıamaǵan kórermender ádemi keshten kóterińki kóńil kúıde tarqasty.

 

 

 

Sońǵy jańalyqtar

Tarıhta qalǵan indetter

Tarıh • Búgin, 00:40

Uqsas jańalyqtar