Qoǵam • 10 Aqpan, 2020

Qazaqstan halqy Assambleıasynyń málimdemesi

112 retkórsetildi

Qordaıda oryn alǵan oqıǵa el azamattarynyń janyna batty.

Qaıǵyly jaǵdaı oryn aldy, turǵyndar qurban boldy.

Qazaqstan halqy Assambleıasy qaza tapqandardyń týǵan-týys­tary­na qaıǵyryp kóńil aıtady, jaralan­ǵandardyń tezirek saýyǵyp ketýin tileıdi.

Memleket basshysy kıkiljiń saldaryn joıýǵa qatań tapsyrmalar berdi.

Biz Qazaqstan halqynan osy keleń­siz­dik­tiń tez arada sheshilýine barynsha qol­daý bildirip, kómek kórsetýin suraımyz.

Atalǵan tapsyrmalarǵa sáıkes As­sambl­eıa elimizdiń barlyq óńirlerin­de tú­sin­­­dirý jumystaryn júrgizip, etno­má­denı bir­lestiktermen kezdesýler uıymdastyrdy.

Assambleıa músheleri «qylmys – ultqa bólinbeıdi» degen pikirdi tolyq qoldaıdy jáne kináliler anyqtalyp, zań boıynsha jazaǵa tartylýy kerek dep esepteıdi.

Sondyqtan búgingi kúngi eń basty maqsat – arandatýshylarǵa boı aldyrmaý, jeke tulǵalar jasaǵan tártipsizdik úshin búkil ultty aıyptaýǵa jol bermeý.

Assambleıa halyq danalyǵyna senim arta otyryp, el turǵyndarynan, eń aldymen jastardan elimizdegi tatýlyq pen kelisimge selkeý túsiretin, asyǵystyqqa uryndyratyn qadamdar men is-áreket­terden saq bolýyn suraıdy.

Qazaqstan halqy bir-birimen árdaıym ba­ýyr­mal­dyq qarym-qatynastyń jarqyn úlgisi bol­ǵanyn jáne bola beretinine senimdimiz.

Balalarymyzdyń ortaq bolashaǵy úshin ultaralyq alaýyzdyq týdyrmaýy­myz qajet.

Biz azamattardy jalǵan qaýesetterge ermeýge, qoǵamdyq qaýipsizdik pen el ty­nysh­tyǵyn qamtamasyz etýde quqyq qor­ǵaý organdaryna járdemdesýge, ortaq úıi­miz­degi tatýlyq pen beıbitshilikti saqtaýǵa shaqyramyz.

 

Sońǵy jańalyqtar

Beıqamdyqqa jol berilmeýi kerek

Rýhanııat • Keshe

Koronavırýssyz Qostanaı

Aımaqtar • Keshe

Kúrish eksportyna kedergi joq

Aımaqtar • Keshe

Álem únemdele bastady

Álem • Keshe

Uqsas jańalyqtar