Aımaqtar • 10 Aqpan, 2020

Jer ıgerilse, ıgilik molaıady

19 retkórsetildi

Sýly, nýly Qorǵaljyn aýdanynda 157 myń gektar jer maqsatqa saı paıdalanylmaı otyr.

Aýdan aýmaǵy 931 097 gektar jerdi quraıdy. Egistik kólemi 200 myń gektarǵa jýyq, al, jaıylymy 381 704 myń gektar shamasynda. Munda ásirese, shabyndyqtar mol. Naqtylap aıtatyn bolsaq, 637 2016 gektar alqap. Osynyń ózinde 157 myń gektar jer maqsatqa saı paıdalanbaı, bos jatqany anyqtaldy. Onyń 24 myń gektary úkimetke keri qaıtaryldy. Qalǵan jerler boıynsha qojaıyndary tabylyp, tıisti eskertýler berildi.

О́ńir ekonomıkasyn damytý maqsatynda Qorǵaljyn aýdanynyń 123 463 gektar jerine dándi daqyldar sebilip, onyń 110 myńnan astam gektary orylǵan. Ár gektardan ortasha eseppen 7,4 sentner ónim alyndy. Josparlanǵan 60 500 tonna shóp kólemi tolyǵymen 100 prosentke oryndalǵan.

– Bıyl aýa raıynyń qolaısyzdyǵyna baılanysty egin sharýashylyǵynda keıbir qıyndyqtar týyndady. Biraq soǵan qaramastan, kelesi jylǵa tuqymdy astyq pen tehnıkamyzdy saqadaı saı daıyndap otyrmyz,– deıdi aýdan ákimi Berik Janbaev.

Úkimet tarapynan kórsetilip jatqan jan-jaqty qoldaýdyń arqasynda Qorǵaljyn aýdanynyń mal sharýashylyǵy damyp, mal basy sapasyn jaqsartý kórsetkishteri artýda. Búginde aýdan boıynsha 22 035 iri qara, onyń ishinde 9 597 bas sıyr, 32 472 bas qoı men eshki, 12 377 bas jylqy maly ósiriledi.  Mal basynyń ósý deńgeıi ótken jylǵymen salystyrǵanda iri qara 104 prosentke, onyń ishinde, sıyr 101, jylqy maly 102 prosentke ósken. Qoı men eshki maly 114,5 prosentti quraǵan. Eger bos jatqan jerler tolyq ıgerilse, mal basyn áli de kóbeıtip, Nur-Sultan qalasyn azyq-túlikpen qamtamasyz etýge zor úles qosar edi.  

 

Qorǵaljyn aýdany,

Aqmola oblysy.

Sońǵy jańalyqtar

Tarıhta qalǵan indetter

Tarıh • Búgin, 00:40

Ulttyq kınodaǵy karantın

Aımaqtar • Keshe

Uqsas jańalyqtar