Aımaqtar • 10 Aqpan, 2020

Qar qalyń, qaýip te mol

72 retkórsetildi

Mamandardyń boljaýyna qaraǵanda, bıylǵy kóktemde sý tasqynynyń qaýpi jyldaǵydan joǵary. Qańtar aıynda ǵana túsken qar ótken jyldyń sáıkes merzimimen salystyrǵanda eki jarym esege kóp.

Qazgıdromet qyzmetkerleri, qutqarýshylar men jergilikti bılik ókilderi sý tasqynynyń naqty qaýpin anyqtaý maqsatynda aqpan men sáýir aralyǵynda aımaqtaǵy ózenderge ekspedısııalyq baqylaý júrgizbek. Quramynda 500-den asa qutqarýshysy bar óńirdiń tótenshe jaǵdaılar qyzmeti sý tasqynynyń aldyn alý úshin bar múmkindikti qarastyrýda. 111 birlik tehnıka, 12 júzý quraly men 107 muz jarý qurylǵylary daıyndalyp, kúndiz-túngi kezekshilikter josparlanýda. Qosymsha 90 baqylaý beketi ashylmaq.

– Qazir eń qaýipti jerler anyqtalyp jatyr. Sý tasqynynyń aldyn alý baǵytyndaǵy barlyq jumystardy pysyqtaýdamyz. 41 eldi mekenge qaýip týdyratyn 20 gıdrotehnıkalyq qurylǵylardyń sapasy syn kótermeıdi. Olar baqylaýǵa alyndy. Buǵan deıin oblystaǵy sý tasqyny qaýpi 3 deńgeıge, ıaǵnı, jasyl, sary, qyzyl dep bólinse, bıyl barlyǵynda qaýip deńgeıi qyzyl tústi, – deıdi oblystyq tótenshe jaǵdaılar jónindegi departament bastyǵy Alekseı Sovetov.

Oblystyń 10 aýdany, ıaǵnı óńirdiń basym bóliginde muz jarý jumystary josparlanýda. Sınoptıkter aqpan, naýryz aılarynda bir táýlikte bir aılyq jaýyn-shashyn túsýi múmkin dep boljap otyr.

–Eger oblystaǵy ózen basseınderi týraly aıtar bolsaq qar mólsheri ótken jyldarmen salystyrǵanda 2-3 esege kóp. Esil, Sileti, Jabaı, Nura ózenderinen sý tasqyny qaýpi bar,– deıdi «Qazgıdromet» kásiporny  Aqmola fılıalynyń dırektory Baqyt Maqajanova.

О́tken jyly sý tasqynynyń aldyn alý tótenshe jaǵdaılar qyzmeti qaıyq, jolaýshylar tasıtyn ÝAZ kóligi, ózge de qajetti tehnıkalarmen jabdyqtalǵan. Bıyl jol talǵamaıtyn kólik pen qutqarý qaıyqtary alyndy. 5 sý qoımasyna 39 mıllıonǵa jýyq teńgeniń jobalaý-smetalyq qujaty ázirlenýde.

– Eger 2019 jyly tótenshe jaǵdaılar departamentiniń materıaldyq-tehnıkalyq jaraqtanýyna 124 mıllıon teńge bólinse, bıyl oblystyq ákimshilik bıýdjetinen 210 mıllıon 670 myń teńge baǵyttalyp otyr. Bul qarajattyń ishinen 40 mıllıon teńgesi muz jarý jumystaryna jumsalady. , Sondaı-aq, bıyl Jaqsy aýdanyna qarasty Chapaev sý bógeti jóndelmek, – deıdi oblystyq ekonomıka jáne bıýdjettik josparlaý basqarmasynyń jetekshisi Qanat Dúzelbaev.

Aýa raıyn boljaý ortalyǵynyń mamandary jappaı qar erý kezeńi 21 naýryzdan 10 sáýir aralyǵynda bolýy múmkin degen boljam aıtýda.

Sońǵy jańalyqtar

Tasqynnyń búgingi ahýaly

Aımaqtar • Búgin, 15:42

Salehardtan kelgen sıklon

Aımaqtar • Búgin, 15:30

Elordada jalpy jaǵdaı turaqty

Koronavırýs • Búgin, 14:50

Fýtbol maýsymy jalǵasa ma?

Sport • Búgin, 14:48

Qyzylorda oblysynda qylmys azaıdy

Aımaqtar • Búgin, 11:49

Qostanaı qalasy jartylaı jaryqsyz qaldy

Aımaqtar • Búgin, 11:06

Karantındegi Qaraǵandynyń «qyzyqtary»

Aımaqtar • Búgin, 11:05

Álemdegi ahýal qandaı?

Koronavırýs • Búgin, 10:57

Onlaın formatta otbasylyq baıqaý ótti

Aımaqtar • Búgin, 10:37

Qytaı: Ýhanda karantın aıaqtaldy

Álem • Búgin, 10:08

Daýyl «dertimizdi» anyqtap berdi

Aımaqtar • Búgin, 10:02

Qyzylorda: Taǵy 3 adam tirkeldi

Aımaqtar • Búgin, 09:57

MMA: UFC-di synǵa aldy

Sport • Búgin, 09:20

Elimizde vırýs juqtyrǵandar sany 700-den asty

Koronavırýs • Búgin, 08:48

Uqsas jańalyqtar