Qoǵam • 10 Aqpan, 2020

Pedagog biliktilikti arttyrý kýrsynan úzdiksiz óte alady - Sh. Karınova

861 retkórsetildi

«Pedagog mártebesi týraly» jańa Zań boıynsha mektepke deıingi bilim mekemelerinde, qosymsha bilim beretin mekemelerde jáne kásibı-tehnıkalyq bilim berý mekemelerinde jumys isteıtin pedagogter úshin de sanatyna baılanysty biliktiligin arttyrý qarastyrylǵan. Sondaı-aq  pedagogıkalyq mamandyǵy joq, biraq osy salada jumys isteı alatyn qyzmetkerler úshin pedagogıkalyq qaıta daıarlaý kýrstary qarastyrylǵan. Bul jaıynda Bilim jáne ǵylym vıse-mınıstri Sholpan Tańatqyzy Karınova aıtyp berdi. Bul týraly Premer-Mınıstrdiń baspasóz qyzmeti habarlady.

Osy baǵytta búgingi kúni onyń tártipteri men erejelerin bekitý jumystary júrgizilip jatyr. Jalpy, qazaqstandyq pedagog mamandar keminde bes jylda bir ret biliktiligin arttyrýǵa quqyly.

«Jańa zań aıasynda pedagogtiń óz biliktiligin arttyrý maqsatynda qosymsha bilim berý baǵdarlamalary boıynsha biliktilikti arttyrý kýrstarynda bir ýaqytta jáne úzdiksiz, sondaı-aq kezeń-kezeńmen oqı alady. Sondaı-aq jekelegen baǵyttardy, sabaqtardy, pánderdi (modýlderdi) meńgere alady. Mysaly, aldymen pedagog ózi sabaq beretin pán boıynsha kýrstyq daıarlaýdan ótetin bolsa, kelesi joly tárbıe jumysyna baılanysty, odan keıin jeke tulǵa retinde damý úshin psıhologııalyq kýrstardan ótýi múmkin. Bul muǵalimniń búgingi qoǵamnyń talabyna saı jan-jaqty damýyna, pedagogıkalyq sheberligin arttyrýǵa septigin tıgizedi», - dedi Sh. Karınova.

Al pedagogıkalyq qaıta daıarlaý pedagogıkalyq mamandyǵy joq, biraq osy salada jumys isteı alatyn qyzmetkerler úshin qarastyrylǵan. Sondyqtan naqty pedagogıkalyq bilimi joq mamandar bolatyn bolsa, olar tıisti deńgeıdegi qaıta daıarlaý kýrstarynan ótip, tıisti kredıt sanyn alyp, odan keıin osy mamandyq boıynsha qyzmet etýine bolady.

Bilim jáne ǵylym vıse-mınıstriniń aıtýynsha, Qazaqstanda pedagog mamandar tapshy.

«Bıylǵy oqý jylynda bes myńǵa jýyq maman tapshy boldy, jańa oqý jylynda joǵary jáne kásibı tehnıkalyq bilim mekemelerinen pedagog mamandyǵyn alyp shyqqan jas mamandar jumysqa tartyldy. Osy máseleni sheshýde qaıta daıarlaý kýrstary mańyzdy ról atqarady», -  dedi Sh. Karınova.

Sonymen qatar 2020 jyldyń naýryz aıynan bastap elimizdegi bilim berý uıymdarynda qyzmet etetin barlyq sanattaǵy muǵalimder attestattaýdan ótedi. Nátıjesinde, olar bıylǵy jańa oqý jylynda, ıaǵnı qyrkúıekten bastap ózderine tıisti ústemaqyny alatyn bolady. Aıta keteıik, osy ýaqytqa deıin tek mektepterde jumys isteıtin muǵalimderge biliktilik sanatyna baılanysty 30%-dan 50%-ǵa deıin ústemaqy tólenip keldi.

«Bilim berý mekemeleriniń dırektorlary men orynbasarlary úshin osyndaı múmkindikter qarastyrylǵan. Qazirgi ýaqytta elimizde 7000-nan asa mektep, 827 kolledj jáne 10 myńnan asa mektepke deıingi mekeme men balabaqsha jumys isteıdi. Olardyń basshylarynyń attestattaýdan ótip, jalaqylaryn 30%-dan 50%-ǵa deıin kóterýge múmkindikteri bar», - dedi bilim salasy basshylyǵynyń ókili.

Sh. Karınovanyń naqtylaýynsha, mektep basshysynyń da, orynbasarynyń da eńbekaqy kólemi bilim berý uıymyndaǵy bilim sapasynyń artýyna, oqýshylardyń tártibine, pedagogıkalyq ujymnyń jetistikterine t.b. krıterıılerge baılanysty bolady.

Sońǵy jańalyqtar

Elordada jataqhana karantınge jabyldy

Aımaqtar • Búgin, 22:05

Reseıde altyn qory azaıyp keledi

Ekonomıka • Búgin, 20:25

Túrkistan: Kenege qarsy kúres bastaldy

Aımaqtar • Búgin, 17:03

Ulttyq kınodaǵy karantın

Aımaqtar • Búgin, 16:56

Dúkenderdiń jumys kestesi belgilendi

Aımaqtar • Búgin, 16:55

Aqtaý qalasy karantınge jabylǵan joq

Aımaqtar • Búgin, 16:31

Ulttyq tanymnyń ózegi – tarıhı sana

Rýhanııat • Búgin, 14:51

Uqsas jańalyqtar