Parlament • 11 Aqpan, 2020

Kedergisi kóp kıim-keshek óndirisi

26 retkórsetildi

Parlament Senatynyń Tóraǵasy Darıǵa Nazarbaeva Parlamenttik tyńdaýǵa daıyndyq barysynda bylǵary jáne aıaq kıim óndirýshi kásiporyndardyń basshylarymen kezdesý ótkizdi. Onda elimizdegi bylǵary, teri jáne aıaq kıim óndirisi salasynyń túıindi máseleleri qaraldy, dep habarlady osy palatanyń baspasóz qyzmeti.

Statıstıka boıynsha, búgingi kúni Qazaq­standa 1071 jeńil ónerkásip kásiporny jumys isteıdi. Onyń ishinde kıim-keshek óndiretin 632, tekstıl ónimin shyǵaratyn 322, teri jáne onymen baılanysty ónim shyǵaratyn 117 kásiporyn bar.

«Azala» kompanııasy baqy­laý­shylar toby keńesiniń tóraǵasy Baýyrjan Jamalov óz baıandamasynda otandyq tekstıl ónimderine degen josparly suranystyń joqtyǵyn alǵa tartty. 

Ol off-teık-kelisim jasaýdaǵy qıyn­dyq­tarǵa toqtala kelip, onyń tapsyrys sharty­nyń ózgerýimen baılanysty ekenin aıtty. «Aıtar bolsaq, biz 2016 jyly Qorǵanys mınıs­trligimen kelisimge qol qoıdyq. Alǵashqy kelisim 5 jylǵa deıin uzartý merzimimen 3 jylǵa jasaldy. Sondaı-aq bizge qosymsha 5,3 mlrd teńge ınvestısııa quıý mindeti artyldy. Biz qural-jabdyqtardy satyp alyp, keńeıe bastadyq. Araǵa 2 jyl salyp, mı­nıstrlik 100 pa­ıyz maqta óniminiń ornyna qos­paly mata bolý kerek degen ózgeris engizdi. Biz taǵy 1 mln 200 myń AQSh dollaryna qa­jetti qural-jabdyq satyp alyp ornattyq. О́tken jyly ol az dep, endi polıýre­tandy jabyn jasaý kerektigin aıtty. Jeltoq­san aıynda Qorǵanys mınıstrligine 60 myń metr mata jetkizdik. Alaıda olar 5 jyldyq ke­li­simshartty buzýmen qatar, polıýretandy jabynnan da bas tartty. Bul biz úshin qıyn, bulaı jumys isteı almaımyz. Investı­sııa quıamyz, al mınıstrlik off-teık kelisimdi joqqa shyǵaryp otyr», dedi B.Jamalov.

Sondaı-aq onyń aıtýynsha, Qor­ǵanys mınıstrligi bir apta buryn jańa tender jarııalap, onyń qorytyndysy 3 kúnniń ishinde belgili bolǵan. Sonymen qatar tenderge qatysty al­dyn ala habarlandyrý jáne baı­qaýdyń sharty jarııalanbaǵan.

Darıǵa Nazarbaeva atalǵan máseleni qoldanystaǵy zań aıasynda qaıta qaraýdy usyndy. «О́ndiris tolyq kólemde júrip jatqanda, keli­simdi buzyp: Biz endi jańa shartpen jumys isteımiz dep qalaı aıtýǵa bolady? Osy oraıda, qurmetti áriptester, men sizdermen kelisimshart jasasýǵa qoıylatyn qatańdatý talaptaryna qatysty zańdy qaıta qaraýdy usynamyn. Ásirese memleket kásiporyndarmen kelisimshart jasa­ǵan jaǵdaıda», dedi D.Nazarbaeva.

Qazaqstandaǵy bylǵary já­ne teri ónimderin qaıta óńdeý qaýym­das­tyǵynyń tóraǵasy Beıbit Raqym­ǵalıev óz sózinde elimizdegi osy salanyń damýyndaǵy máselelerdi kóterdi. Naqty aıtqanda, Semeı byl­ǵary jáne teri kombınatynyń jumy­syna toqtaldy. «Memlekettik qarjy ınstıtýttarynyń óz kestesi boldy. Ol boıynsha ınstıtýt ǵıma­rat qurylysyn, onyń qural-jab­dyq­taryna qarajat bóledi. Al odan keıingi jylytý júıesi men jeli­lerge qosylýǵa qarjy bólmeıdi. Sodan soń ol problemaly jobaǵa aınalady. Iаǵnı, ol úshin memleketten mıllıardtaǵan qarjy jumsalady, biraq atalǵan kásiporyn jumys istemeıdi. Qazir teri fabrıkasynyń qural-jabdyqtary dalada qaldy. Jarty jyl buryn ondaǵy barlyq jumysshylar jumystan shyqty. Sondaı-aq zaýyt stanoktary qolaı­syz ortada turǵandyqtan ýaqyt óte kele jaramsyz bolyp qaldy. Quny 300-400 myń eýro turatyn stanoktardy tot basýda. Eger zaýyt jumysyn kúni erteń jandandyrmasa, ondaǵy qural-jabdyqtardy laqtyra berýge bolady», deıdi B.Raqymǵalıev.

Odan bólek, «Samhat» aıaq kıim jasaý kompanııasynyń dırektory Samal Tileýbaeva atalǵan saladaǵy maman tapshylyǵymen qatar, balalarǵa arnalǵan aıaq kıimderdiń sapasyn qatań baqylaý problemasyn kóterdi.

«Basty problema, ózimizdiń ishki naryqtyń 2 paıyzyn da jaba almaı otyrmyz. Bizde aıaq kıim óndi­rýde ulttyq standart joq, sondyq­tan na­ryqqa sapasyz balalar aıaq kıimi túse­di. Atap aıtqanda, granıtol sekildi zı­ıan­dy materıal qoldanylady», dedi ol.

О́z kezeginde D. Nazarbaeva kontra­ban­dalyq júkterdiń negizgi bóligi bylǵary ónimderi, kıim-keshek jáne oıyn­shyqtarǵa tıesili ekendigin basa aıtyp ótti.

«О́nimderdiń sapasyn esh­kim teksermeıdi, al ol bizdiń ekonomı­kamyzǵa, memleket qazynasy men aza­mattarymyzdyń densaýlyǵyna úlken zııanyn keltiredi. Sebebi shekaradan júkter baqylaýsyz ótedi. Olardyń eshqandaı sertıfıkaty joq, zerthanadan ótpegen jáne ónimniń qandaı materıaldan jasalǵanyn eshkim qara­maıdy», dedi ol.

Kezdesýdi qorytyndylaı kele, Parlament Senatynyń Tóraǵasy Ekonomıkalyq saıasat, ınnovasııalyq damý jáne kásipkerlik komıtetine jıyn­da kóterilgen máselelerdi zerttep, Parlamenttik tyńdaýǵa ázirleýdi tap­syrdy.

Sońǵy jańalyqtar

Zańger kóp, kúzetshi joq

Qoǵam • Búgin, 17:49

Basylym basshylary - Ýálıhan QALIJAN (1948)

Basylym basshylary • Búgin, 16:57

Alysty jaqyndatatyn qurylǵy

Qoǵam • Búgin, 16:23

Qaıyrymdylyq – qasterli qasıet

Qoǵam • Búgin, 15:54

Almatydaǵy ıesiz jeliler qala balansyna beriledi

Ońtústik Qazaqstan • Búgin, 15:49

Almatyda 39 medısınalyq uıym ashylady

Medısına • Búgin, 15:31

Basylym basshylary - Nurlan ORAZALIN (1947)

Basylym basshylary • Búgin, 15:24

Memleket basshysy Dáýren Abaevty qabyldady

Prezıdent • Búgin, 15:08

Jaqsylyq júrek jylytady

Qazaqstan • Búgin, 15:07

Basylym basshylary - Ábish KEKILBAIULY (1939-2015)

Basylym basshylary • Búgin, 15:06

Mektep bitirýshi túlekter jol qurylysy salasymen tanysty

Ońtústik Qazaqstan • Búgin, 15:03

Jetistikke jetken jandardy dáripteıdi

Aımaqtar • Búgin, 12:42

Inklıýzıvti qoǵam qurý úshin...

Qoǵam • Búgin, 12:21

Erikti jastar erkin formatta pikir almasty

Ońtústik Qazaqstan • Búgin, 12:05

Almatyda qurylys qarqyndy júrip jatyr

Ońtústik Qazaqstan • Búgin, 11:33

Tálimi zor, ǵıbraty mol jıyn

Aımaqtar • Búgin, 11:18

Danyshpan toıyna bir tamshy úles

Abaı • Búgin, 10:36

Habarsyz ketken kásipker izdestirilýde

Aımaqtar • Búgin, 10:24

Jumyrtqa nege qymbattaıdy?

Ekonomıka • Búgin, 09:27

О́ner mýzeıindegi ózgeshe kórmeler

Aımaqtar • Búgin, 09:12

Uqsas jańalyqtar