Aımaqtar • 11 Aqpan, 2020

Oralda shet aımaq bolmaıdy

113 retkórsetildi

Oral qalasynyń buryn «Et kombınaty» dep atalǵan shetkeri aýmaǵynda qalalyq kitaphanalar júıesiniń №6 kitaphana-fılıaly jáne «Araı» komıýnıtı ortalyǵy jańa ǵımaratqa ıe boldy. Kelýshilerge san túrli mádenı qyzmet kórsetetin erekshe ortalyqtyń ashylýyna Oral qalasynyń ákimi Abat Shynybekov arnaıy keldi.

Qala basshysynyń aıtýynsha, bul ortalyq Oral qalasynda qolǵa alynǵan júıeli jumystyń jemisi.

- Biz byltyrdan beri «Shet aımaqsyz qala» atty jobany qolǵa aldyq. Onyń mánisi – zamanaýı tehnologııa, qyzmet kórsetý nysandary, mádenı-rýhanı oryndar qalanyń ortalyǵynda shoǵyrlanbaı, shet aımaqtarymyzda da jasalýy kerek. Byltyr biz osyndaı qos komıýnıtı ortalyq pen mektepten tys jumystar ortalyǵynyń fılıalyn Derkólden ashtyq. Nege? О́ıtkeni ol jerde de 20 myńnyń ústinde adam turady. Endi bolashaqta Sarytaý shaǵyn aýdanynda ashqymyz keledi. Odan keıin Krýgloozernyı, Serebrıakovo kentinde osyndaı ortalyqtar ashý josparda bar. Jaqynda Jelaev kentinde 100 oryndyq balabaqsha ashtyq. Osynyń bári qalamyzdyń shet aımaqtaryn damý ózegine aınaldyrý maqsatynda jasaldy. Búgingi ortalyq – birinshi kezekte osy aımaq turǵyndaryna jasaǵan qyzmetimiz. Osy aýdanda úlken eki saıajaı qaýymdastyǵy bar, ol jerde de aǵaıyndarymyz kóp turady. Olarǵa da mádenı ortalyq kerek. Qazir jóndeýge jabylǵan №33 mekteptiń ornyna 300 oryndyq jańa ǵımarat turǵyzamyz, ol jerde balabaqsha da ashqymyz keledi. Osy aýdanda emhananyń bir bólimshesin ashý josparda tur. Mine, osynyń bári júzege asqanda, buryn qaraýsyz shette qalǵan et kombınaty aýmaǵynyń tirshiligi jandanyp, mádenı ómirine mán kiredi. Jańa jyl, naýryz sekildi jalpyhalyqtyq merekelerdi toılaý úshin halyq ortalyqqa sabylmaıdy. Osy komıýnıtı ortalyqtan tálim alǵan balalar bolashaqta qaı jaǵynan da qatarynyń aldy bolyp, ómirden óz ornyn tabady degen oıdamyn, - dedi Oral qalasynyń ákimi Abat Shynybekov jańa ortalyqtyń ashylý saltanatynda sóılegen sózinde.

Buryn densaýlyq saqtaý uıymyna qaraǵan úlken ǵımaratty ótken jyldyń kúzinde Oral qalalyq mádenıet jáne tilderdi damytý bólimi óz quzyryna alyp, jóndeýden ótkizgen eken. Bul jerde qalalyq kitaphana fılıaly men burynǵy aýla klýby kóship kelgen.

- Orda kóshesinde ornalasqan bizdiń burynǵy ǵımaratymyz apatty jaǵdaıda edi. Qalalyq kitaphananyń №6 fılıalyna 1980 jyly berilgen ol úı ábden tozdy. Kitaphana osy aımaqtaǵy №2, 13, 32, 33 orta mekteptermen tyǵyz baılanysta jumys isteıtin. Kitaphanada 43 myńnan astam kitap qory bar, jylyna 4 myńdaı oqyrmanǵa qyzmet kórsetedi. Munda túrli qyzyǵýshylyqtary boıynsha bas qosqan úsh klýb – áıelderdiń «syrlasý-Obshenıe» klýby, «Jas qyran» jasóspirimder klýby jáne ólketaný baǵytynda jumystanatyn «Mura-Nasledıe» qyzyǵýshylyq klýbtary bar. Qaladaǵy iri kitaphanalardyń biri edi, endi jańa ǵımaratqa ornalasyp, órisi keńeıip jatyr. Kitaphana ınternet júıesine qosylǵan, - deıdi bizge Oral qalalyq kitaphanasynyń kitaphanany damytý jáne ádistemelik bólim meńgerýshisi Gúlnár О́tegenova.

Kitaphananyń oqyrman bólmesinen qazaq tilindegi merzimdi basylymdardy oqyp otyrǵan aqsaqalǵa jolyqtyq. Jaýynbaı Saǵynǵalıuly osy kitaphananyń baıyrǵy oqyrmany eken. 2004 jyldan beri qaraı osy jerden alyp 700 kitap oqypty.

- Bıyl jasym 72-de. Qalaǵa 2001 jyly Jympıty aýdanynan kóship kelip edim. Áýelden kitapty jaqsy kórem. Keıingi balalaryma aıtarym, kitapty qadirleńder! Kitaphanaǵa kelińder! Bul jerde úlkenge de, kishige de barlyq jaǵdaı jasalǵan, - deıdi Jaýynbaı aqsaqal.

Rasynda da bul jerde qalaýy, qyzyǵýshylyǵy ártúrli úlken-kishige qajet nárseniń bári bar ma dep qaldyq. Bul jerge jańadan ornalasyp jatqan «Araı» balalar aýla klýby buryn qalanyń ortalyǵyna taman, kópqabatty úıdiń jertólesinde bolǵan eken.

- Bizdiń «Araı» balalar aýla klýby 1989 jyly ashylǵan. 30 jyl ishinde balalar men jasóspirimderdiń súıikti ornyna aınalǵan, jas býynnyń shyǵarmashylyǵyn damytyp, sanasyna mádenıet uryǵyn egetin jer edi. Endi múmkindigimiz burynǵydan da molaıdy. Bul komıýnıtı ortalyq jastarǵa da, úlkenderge de qyzmet kórsetedi. Qazirdiń ózinde 7 kabınet ashylǵan: olar – ulttyq salt-dástúrdi úıretetin «Dostyq» bólmesi, aǵylshyn tilin, latyn álipbıin úıretetin úıirmeler, mýzyka kabınetinde án aıtý, dombyra, qobyz, gıtara úırený úıirmeleri, sporttyq oıyndar bólmesinde trenajerler, espander, balalar qabyrǵasy ornatylǵan, ústel oıyndary, shahmat, toǵyzqumalaq, konstrýktor, mozaıka – bári bar. Al qoldanbaly óner kabınetinde balalar sýret salýdy, qaǵazdan buıymdar jasaý, qummen sýret salýdy úırenedi. Úlkenderge arnalǵan kabınette karaoke júıesi bar. Túrli kezdesý, mádenı sharalar ótkizetin zalymyz da bar. Osy aýdanǵa kóship kelgeli ótken eki apta ishinde jergilikti turǵyndarǵa tanymal bolyp úlgerdik. Kelýshiler óte kóp, – deıdi ortalyq meńgerýshisi Larısa Grıgoreva.

Aıta keteıik, «Araı» komıýnıtı ortalyǵyna jas mólsherine qaramastan shaǵyn aýdannyń kez kelgen turǵyny kele alady eken. Munda kúndizgi aýysymda balalar men jasóspirimderge arnalǵan «Daýys international» estradalyq án úıirmesi, «Sıqyrly álem» qolóner úıirmesi, eresekterge smartfon qoldanýdy úıretetin «Smart KZ» úıirmesi, «Men - eriktimin» atty erikti jastar uıymy, balalarǵa arnalǵan «Altyn saqa» ulttyq oıyndar jáne basqa kóptegen baǵyttaǵy úıirmeler ashylǵan.

 

Batys Qazaqstan

Sońǵy jańalyqtar

Qansonarda búrkitshi shyǵady ańǵa...

Aımaqtar • Búgin, 12:38

Negizgi uǵymdar júıelenedi

Saıasat • Búgin, 08:43

Tıimdi dıologqa jol ashady

Saıasat • Búgin, 08:37

Qoǵam múddesin oılaǵan qujat

Saıasat • Búgin, 08:33

Jarysty 8 júldemen aıaqtady

Sport • Búgin, 08:29

Aqpannyń borany ashýly

Aımaqtar • Búgin, 08:26

О́tken ǵasyr órnegi

Tanym • Búgin, 08:25

Úshinshi ret fınalda jeńildi

Tennıs • Búgin, 08:24

Jas ǵalymdardyń aımaqtyq semınary

Qoǵam • Búgin, 08:18

Sóz soıyl №89

Rýhanııat • Búgin, 08:02

Shahar shyraıyn shaǵyn bıznes ashady

Aımaqtar • Búgin, 08:01

10 jyl sýbsıdııalanǵan salanyń jyry

Ekonomıka • Búgin, 07:53

Jemisten chıps jasaıdy

Aımaqtar • Búgin, 07:52

Sózdiń quny men qudireti

Rýhanııat • Búgin, 07:46

Baǵany aýyzdyqtaýdyń amaly

Úkimet • Búgin, 07:44

Telearna jumysynyń esebi tyńdaldy

Qoǵam • Búgin, 07:36

Maqamy máshhúr Mańǵystaý

Aımaqtar • Búgin, 07:26

Saıat atynyń syny men baby

Qoǵam • Búgin, 07:23

Qalamy semser serke edi

Tanym • Búgin, 07:20

Reıtıngtegi ornyn saqtap qaldy

Fýtbol • Búgin, 07:17

О́zi de, sózi de sulý

Rýhanııat • Búgin, 07:15

О́ner aıdynynda sáýlelengen jumaq ólke

Rýhanııat • Búgin, 07:07

Uqsas jańalyqtar