Rýhanııat • 11 Aqpan, 2020

Qyzylorda: Abaı jylynda aýqymdy sharalar uıymdastyrylady

85 retkórsetildi

О́ńirlik kommýnıkasııalyq qyzmet ortalyǵynda ótken brıfıngte oblystyq mádenıet, muraǵattar jáne qujattama basqarmasynyń basshysy Mıra Ábýova ótken jyl sala úshin jetistikter men jańalyqtarǵa toly jyl bolǵanyn aıtyp ótti.

Áıteke bıdiń 375 jyldyǵy men Jastar jylyna arnalǵan respýblıkalyq aqyndar aıtysynan bastalǵan rýhanı-mádenı sharalar legi jyl boıy úzilgen joq. Halyqaralyq, respýblıkalyq, oblystyq konkýrs-festıvalder, «Parasatty poezııa» festıvali uıymdastyryldy. О́zbekstan Respýblıkasynda ótken oblystyń óner kúnderi alys-jaqyn shet elderge óńirimizdiń ónerin ǵana emes, tarıhyn, búgingi kelbetin tanytýǵa jol ashty.

Al osy jyly Altyn Ordanyń 750, qazaqtyń uly aqyny Abaı Qunanbaıulynyń 175, Uly Otan soǵysyndaǵy Jeńistiń 75 jyldyǵyna oraı   túrli deńgeıde 816 aýqymdy mádenı-kópshilik shara  uıymdastyrylatyn bolady.

N. Bekejanov atyndaǵy akademııalyq mýzykalyq drama teatry sahnasynda «Abaı» spektakli qoıyldy. Á.Tájibaev atyndaǵy ámbebap ǵylymı kitaphanada «Kemeńgerliktiń bıik shyńy – Abaı» taqyrybynda keńeıtilgen turaqty kórme ashyldy.

Jaqyn arada C. Aıtbaev atyndaǵy kórkemsýret galereıasynda ótetin «Qanat jaıǵan rýhanııat» atty taqyryptyq kórme de uly aqyn mereıtoıyna arnalyp otyr.   

- Aqpannyń sońǵy onkúndiginde «Jıdebaı-Bórili» memlekettik qoryq-mýzeıiniń «Abaı - dana, Abaı - dara qazaqta» kóshpeli kórmesi 10 kún boıy C. Aıtbaev atyndaǵy kórkemsýret galereıasynda uıymdastyrylady. Qoryq-mýzeıdegi qundy jádigerlermen tanysýdyń mundaı múmkindigi únemi týa bermeıdi. Sondyqtan bárińizdi osy sharadan shet qalmaýǵa shaqyramyn, – dedi basqarma basshysy.

Sharalar legin odan ári «Kózimniń qarasy» atty vokalısterdiń oblystyq konkýrsy  men Abaı ánderine qoıylǵan «Uly dala yrǵaqtary» atty  bı baıqaýy jalǵastyrady.

Jalpy osy ataýly jyl aıasynda «Uly halyqtyń - Uly Abaıy», «Abaı dara, Abaı dana qazaqta», «Álemge tanylǵan Abaı», «Kemeńgerliktiń bıik shyńy – Abaı», «Asyl sózdi izdeseń, Abaıdy oqy erinbe» atty kitap kórmeleri men ádebı keshteri, Turmaǵambet atyndaǵy halyq aspaptar orkestriniń «Abaıdyń án álemi» atty konsertin ótkizý josparlanyp otyr.

Sońǵy jańalyqtar

Eljan Birtanov Qytaı elshisimen kezdesti

Qazaqstan • Búgin, 19:17

Basty aqparat (21.02.2020)

Vıdeo • Búgin, 18:56

Semeıde stýdentter jataqhanasy órtendi

Aımaqtar • Búgin, 17:40

Memleket basshysy birqatar kezdesý ótkizdi

Prezıdent • Búgin, 17:08

Qańǵybas ıtter de qorǵalatyn boldy

Aımaqtar • Búgin, 12:04

Barlyq másele ashyq aıtyldy

Aımaqtar • Búgin, 06:56

Uqsas jańalyqtar