«Qazaqstanda koronavırýstyq ınfeksııa jaǵdaılary tirkelmegen. Qazaqstanda JRVI sımptomdary men joǵary temperatýrasy bar 134 adam aýrýhanaǵa jatqyzyldy, olardyń 106-sy saýyǵyp shyqty, 28-i ázirge stasıonarlarda emdelýde. Naýqastardyń jaǵdaıy qanaǵattanarlyq», - dedi E.Birtanov.
Mınıstrdiń aıtýynsha, medısınalyq uıymdar Qytaıdan kelgen azamattardyń densaýlyǵyn monıtorıngileý boıynsha jumystardy jalǵastyrýda.
«24 167 adam qamtyldy, onyń ishinde 1298-i – shetel azamattary. Sońǵy 14 kún ishinde QHR-dan kelgen 8 851 adam medısınalyq baqylaýǵa alynǵan, qalǵan 15 316-sy ınkýbasııalyq kezeńniń aıaqtalýyna baılanysty monıtorıngten shyǵaryldy. Ortalyq referens-zerthana bazasynda Asa qaýipti ınfeksııalar ulttyq ortalyǵy Ulttyq bıotehnologııa ortalyǵymen birlesip, koronavırýsty jedel dıagnostıkalaýǵa múmkindik beretin dıagnostıkalyq júıeni ázirledi. Halyqaralyq yntymaqtastyq aıasynda Rospotrebnadzordan 2000 zertteýge dıagnostıkalyq júıeler alyndy jáne QHR-dan 5000 zertteýge satyp alyndy», - dedi ol.
