Qoǵam • 11 Aqpan, 2020

Qyrǵyzstannan 8 myńǵa jýyq azamat qaıtaryldy - Berdibek Saparbaev

41 retkórsetildi

Premer-Mınıstr Asqar Mamınniń tóraǵalyǵymen ótken Úkimet otyrysynda kún tártibinen tys Qordaı aýdanyndaǵy oqıǵa týraly másele jáne oqıǵa saldaryn joıý jónindegi Úkimet komıssııasynyń atqarǵan jumysy qaraldy.  

«Qyrǵyzstanǵa ketken barlyq 9 adamdy biz aldymen Almatyǵa ákeldik, sosyn Tarazǵa jetkizdik. Qazir ol jaqta adam joq. Barlyq qajetti medısınalyq kómek kórsetilýde», - dedi B. Saparbaev.

Búginde Úkimet komıssııasy jergilikti turǵyndardyń kómegimen órtengen úıler men kommersııalyq nysandardy qarap, tekserip jatyr. Aldaǵy 1-2 kúnde komıssııa olardyń naqty sany týraly jáne zardap shekkenderdiń qandaı kómekke muqtaj ekeni jaıly aqparat beredi.

«Bul úsh kúnde biz 5 aýyldyń turǵyndarymen kezdestik, olarǵa qandaı kómek kórsetiletinin naqtyladyq. Jalpy, turǵyndar jaǵdaıdy durys túsinip otyr. Keshe biz aqsaqaldarmen kezdestik, olarmen sóılestik», - dedi B. Saparbaev.

Úsh kún ishinde keıbir azamattar Qyrǵyzstanǵa ketip qalǵan. B. Saparbaevtyń aıtýynsha, eki kún ishinde 8 myńǵa jýyq azamat qaıtaryldy. 

Kesheden beri barlyq mektepter, balabaqshalar qalypty rejımde jumys istep jatyr, barlyq dúkenderde de jumys bastaldy. 

«Qazir turǵyn úıler men saýda nysandaryn salýǵa jergilikti qurylys kompanııalary men jergilikti turǵyndar tartylatyn bolady. Biz bıznesmendermen - Qordaı aýdanynyń týmalarymen jumys isteımiz, olar kómektesýge ázir. Olardyń múmkindikterin paıdalanatyn bolamyz. Barlyq jaǵdaı baqylaýda. Barlyǵy qalpyna keledi dep oılaımyn. Árıne, keıbir máseleler bar, olardy jaqyn arada sheshetin bolamyz», — dep túıindedi B. Saparbaev.

Sońǵy jańalyqtar

Almatyda zerthanalar sany artady

Ońtústik Qazaqstan • Búgin, 17:10

Infeksııany qaıdan juqtyrǵany belgisiz

Aımaqtar • Búgin, 16:10

Pálsapa – Bekzat sana

Qazaqstan • Búgin, 15:46

Taldyqorǵannan Taıynshaǵa deıin...

Qazaqstan • Búgin, 14:55

Tegeýrini temirdeı Temirbaev

Qazaqstan • Búgin, 14:26

Karantınde shyrqalǵan ánuran

Qazaqstan • Búgin, 13:16

Samaradan kelgen 57 stýdent baqylaýda

Aımaqtar • Búgin, 12:30

Oralman qasqyr (etnografııalyq áńgime)

Qazaqstan • Búgin, 12:23

Uqsas jańalyqtar