Qazaqstan • 11 Aqpan, 2020

Anar Jaıylǵanova Akademııalyq saıası zertteýler ınstıtýtynyń rektorymen kezdesti

31 retkórsetildi

Memlekettik qyzmet isteri agenttiginiń tóraǵasy Anar Jaıylǵanova Japonııanyń Joǵary saıası zertteýler mektebiniń (GRIPS) rektory Akıhıko Tanakamen kezdesti. Kezdesý aıasynda Qazaqstannyń memlekettik qyzmetin damytý salasyndaǵy qoldanystaǵy jobalardy iske asyrýdyń aǵymdaǵy jaǵdaıy jáne osy baǵyttaǵy eki eldiń akademııalyq yntymaqtastyǵyn damytý perspektıvalary talqylandy. Bul týraly Memlekettik qyzmet isteri agenttiginiń baspasóz qyzmeti habarlady.

Memlekettik qyzmet isteri agenttiginiń basshysy alǵy sózinde memlekettik qyzmet ınstıtýty jumysynyń tıimdiligin qamtamasyz etýdegi sheshýshi ról memlekettik qyzmetshilerdi oqytý jáne qaıta daıarlaý ekenin atap ótti. 

Japondyq áriptestermen qalyptasqan yntymaqtastyqtyń arqasynda qoldanystaǵy arnaıy oqytý baǵdarlamalary sheńberinde MQIA basshylyq quramynyń birqatar ókilderi Akıhıko Tanaka myrza basqaratyn ınstıtýtta oqydy nemese oqıdy.

Kezdesý barysynda Anar Jaıylǵanova qonaqtardy Tuńǵysh Prezıdenti - Elbasynyń Ult jospary - 100 naqty qadamdy kezeń-kezeńimen júzege asyrý nátıjesinde memlekettik qyzmettiń otandyq júıesin reformalaý týraly habardar etti jáne onyń bolashaq damý úrdisteri týraly aıtty.

«Memleket basshysynyń tapsyrmasy boıynsha Agenttik talantty jastar úshin tıimdi áleýmettik lıft bolyp tabylatyn Prezıdenttik jastar kad rezervin qurý boıynsha jobany júzege asyrdy.

Basqarý quramyn jańartýmen qatar, Memleket basshysynyń tapsyrmasyn oryndaý aıasynda 2024 jylǵa qaraı memlekettik qyzmetshiler men kvazımemlekettik sektor qyzmetkerleriniń sanyn 25% - ǵa qysqartý mindeti tur.

Memlekettik basqarýdyń jalpy kontekstinde osy eki shara  shaǵyn, biraq tıimdiligi joǵary jáne kásibı memlekettik apparat qurýǵa baǵyttalǵan.

Jalpy memlekettik qyzmet salasyndaǵy biz júzege asyryp otyrǵan saıasat «úkimettiń tıimdiligi» kórsetkishi boıynsha Dúnıejúzilik banktiń reıtıngisinde Qazaqstan 20 jyl ishinde 65 pozısııaǵa, 154 - ten 89-ǵa deıin kóterildi», - dep atap ótti A. Jaıylǵanova.

О́z kezeginde Akıhıko Tanaka myrza Agenttiktiń vedomstvolyq baǵynysty uıymy - Qazaqstan Respýblıkasy Prezıdentiniń janyndaǵy Memlekettik basqarý akademııasymen yntymaqtastyqty keńeıtýge múddeliligin bildirdi. Taraptar memlekettik qyzmetshilerdiń kásibıligin, ıkemdiligi men jaýapkershiligin arttyrý úshin olardy daıyndaý tetikterin únemi jetildirý qajettigin talqylady.

2020 jylǵy 10 aqpanda doktor Akıhıko Tanaka Akademııanyń Dıplomatııa ınstıtýtynyń magıstranttaryna dáris oqydy. Dáris Shyǵys Azııadaǵy halyqaralyq saıasat máseleleri men aımaqtaǵy Japonııa pozısııasyna arnaldy. 

Ol sondaı-aq Soltústik Koreıa ıadrolyq máselesi men «Bir beldeý – bir jol» Qytaı bastamasynyń máselelerin qozǵady, magıstranttardyń suraqtaryna jaýap berdi.

Sońǵy jańalyqtar

Almatyda zerthanalar sany artady

Ońtústik Qazaqstan • Búgin, 17:10

Infeksııany qaıdan juqtyrǵany belgisiz

Aımaqtar • Búgin, 16:10

Pálsapa – Bekzat sana

Qazaqstan • Búgin, 15:46

Taldyqorǵannan Taıynshaǵa deıin...

Qazaqstan • Búgin, 14:55

Tegeýrini temirdeı Temirbaev

Qazaqstan • Búgin, 14:26

Karantınde shyrqalǵan ánuran

Qazaqstan • Búgin, 13:16

Samaradan kelgen 57 stýdent baqylaýda

Aımaqtar • Búgin, 12:30

Oralman qasqyr (etnografııalyq áńgime)

Qazaqstan • Búgin, 12:23

Uqsas jańalyqtar