Qoǵam • 11 Aqpan, 2020

Almatyda jyl basynan beri 180 myńdaı adam ESQ aldy

34 retkórsetildi

Aldymen elektrondyq sıfrly qoltańba (ESQ) memlekettik qyzmetterdi alý úshin salyq tóleýshilerge qajet ekendigin aıta ketý kerek. Onyń kómegimen qazaqstandyqtar salyqtyq ótinish bere alady, eseptilikti tapsyryp, toqtata alady, baqylaý-kassalyq mashınany esepke alyp, basqa da áreketterdi júzege asyra alady.

Sondyqtan jyl saıyn jańa jyl bastalǵanda Azamatttarǵa arnalǵan úkimettiń maıdan-keńselerine aǵylatyndar kóbeıedi. Sebebi memlekettik qyzmetshiler men zańdy tulǵalar jyl saıynǵy salyq eseptiligin tapsyrý qajet. Ol úshin kópshilik maıdan-keńselerge  (HQO) baryp, kezek kútýshiler sanyn arttyrady. Deklarasııany, salyq eseptiligin úıde nemese jumys ornynda otyryp-aq, elektrondyq sıfrly qoltańba, ıakı sandyq qoltańba arqyly tapsyrýǵa bolatynyn kópshilik bilse de, ony qunttaı bermeıtin sııaqty. Al, ESQ-ny paıdalaný túk te qıyndyq týdyrmaıdy.

ESQ-ny qaıdan alam deıtinderge, Azamatttarǵa arnalǵan úkimettiń kez kelgen maıdan-keńsesinen, sondaı-aq, dál osy kúnderi, Almaty qalasyndaǵy barlyq kirister basqarmalarynan alýǵa bolady.

«Almaty qalasynda halyqqa qyzmet kórsetý ortalyqtaryna elektrondy sıfrlyq qoltańba alýǵa kelgender sany kúrt artqandyqtan «Azamattarǵa arnalǵan úkimet» memlekettik korporasııanyń fılıaly Memlekettik kiris basqarmasymen birlese otyryp korporasııa qyzmetkerlerin óńirlik kiris basqarmasyna baǵyttaý týraly sheshim qabyldaǵan bolatyn. Osylaısha, endi Kiris basqarmalarynda HQO mamandary ESQ jazyp berip otyr», - deıdi «Azamatttarǵa arnalaǵan úkimet»  MK  Almaty qalasy fılıalynyń qoǵammen baılanys jónindegi menedjeri Jańyl Ápetova.

ESQ alý úshin ózimen birge jeke kýáligi jáne flesh tasyǵyshy bolýy qajet.

Budan basqa, ESQ-nyń áreket etý merzimin Ulttyq kýálandyrýshy ortalyqtyń pki.gov.kz saıtynda jeke kabınette uzartýǵa bolady. Ol úshin kelesideı áreketterdi oryndaý qajet:

  1. Qoldanystaǵy ESQ qatysty barlyq derekterdi toltyrý;
  2. «Kiltter tizimin jańartý» batyrmasyn basyńyz. ESQ parolin durys engizgen kezde aýtentıfıkasııa kilti beınelenedi. Qol qoıý jáne jumysqa kirisý;
  3. ESQ kiltterimen jumys isteý úshin «Meniń ESQ kiltterim» batyrmasyna ótý qajet. Shyqqan mázirden «ESQ qaıta shyǵarý» bólimin tańdaý qajet;
  4. Sonan soń negizgi jolaqtardy toltyryp, «О́tinim berý» túımesin basyp, rastaý jáne qol qoıý qajet;
  5. Eger ESQ saqtaý úshin kompıýter tańdalsa, ESQ kiltterine parol oılap, engizý jáne «sertıfıkattardy júkteý» batyrmasyn basý kerek;
  6. Parolde tómengi jáne joǵarǵy regıstrlerdiń latyn áripteri, sondaı-aq sandar bolýy tıis. Parol kem degende 6 tańbadan quralǵany jón.
  7. «Sertıfıkattardy júkteý» batyrmasyn basyńyz. Tirkeý kýálikteriniń sátti ornatylǵany týraly habarlaıtyn tereze paıda bolady.

ESQ arqyly portalǵa kiremin deseńiz, júıe sizge sertıfıkatty tańdaýdy usynady. Elektrondy kilt qupııasózi toltyrylǵannan keıin barlyq málimetter sáıkestendiriledi.

Esterińizge sala keteıik, ESQ memlekettik qyzmetterdi alý úshin salyq tóleýshilerge qajet. Onyń kómegimen qazaqstandyqtar salyqtyq ótinish bere alady, eseptilikti tapsyra alady jáne toqtata alady, baqylaý-kassalyq mashınany esepke alady jáne taǵy basqa áreketterdi júzege asyra alady.

Sondaı-aq búginde portalǵa kirýdiń taǵy birneshe joly iske qosylǵanyn da aıta ketkenimiz jón.

Bul – bir jolǵy jasyryn sóz. Bul ádispen portalǵa kirý úshin JSN nómirin terip, uıaly telefon nómirin toltyrý qajet. Atalǵan ádisti mobıldi azamattar bazasynda tirkelgender paıdalana alady.

Sondaı-aq QR-kod – portalǵa kirý úshin jasalǵan jańa ádistiń biri. Bul jolmen portalǵa smartfondarynda egov mobile qosymshasy barlar kire alady. Eger ózińizben birge ESQ bar flesh-karta bolmasa, osy ádispen portalǵa ońaı kirýge bolady. Egov mobile qosymshasynan skan belgisi arqyly kompıýterde shyqqan kodty skanerlep, birden qyzmetterdi paıdalanýdy bastaı alasyz.

Osylaısha ýaqytyńyzdy únemdep, barlyq sharýańyzdy úıde otyryp-aq bitire berýińizge bolady. Sıfrlanýdyń alǵashqy sharttarynyń biri osy.

Sońǵy jańalyqtar

Qansonarda búrkitshi shyǵady ańǵa...

Aımaqtar • Búgin, 12:38

Negizgi uǵymdar júıelenedi

Saıasat • Búgin, 08:43

Tıimdi dıologqa jol ashady

Saıasat • Búgin, 08:37

Qoǵam múddesin oılaǵan qujat

Saıasat • Búgin, 08:33

Jarysty 8 júldemen aıaqtady

Sport • Búgin, 08:29

Aqpannyń borany ashýly

Aımaqtar • Búgin, 08:26

О́tken ǵasyr órnegi

Tanym • Búgin, 08:25

Úshinshi ret fınalda jeńildi

Tennıs • Búgin, 08:24

Jas ǵalymdardyń aımaqtyq semınary

Qoǵam • Búgin, 08:18

Sóz soıyl №89

Rýhanııat • Búgin, 08:02

Shahar shyraıyn shaǵyn bıznes ashady

Aımaqtar • Búgin, 08:01

10 jyl sýbsıdııalanǵan salanyń jyry

Ekonomıka • Búgin, 07:53

Jemisten chıps jasaıdy

Aımaqtar • Búgin, 07:52

Sózdiń quny men qudireti

Rýhanııat • Búgin, 07:46

Baǵany aýyzdyqtaýdyń amaly

Úkimet • Búgin, 07:44

Telearna jumysynyń esebi tyńdaldy

Qoǵam • Búgin, 07:36

Maqamy máshhúr Mańǵystaý

Aımaqtar • Búgin, 07:26

Saıat atynyń syny men baby

Qoǵam • Búgin, 07:23

Qalamy semser serke edi

Tanym • Búgin, 07:20

Reıtıngtegi ornyn saqtap qaldy

Fýtbol • Búgin, 07:17

О́zi de, sózi de sulý

Rýhanııat • Búgin, 07:15

О́ner aıdynynda sáýlelengen jumaq ólke

Rýhanııat • Búgin, 07:07

Uqsas jańalyqtar