Tehnologııa • 11 Aqpan, 2020

Mashına jasaý kásiporyndary qyzmetkerleri úshin áleýmettik kepildikter qarastyrdy

16 retkórsetildi

2020 jylǵy 6 aqpanda Indýstrııa jáne ınfraqurylymdyq damý mınıstrligi «Atameken» Qazaqstan Respýblıkasy Ulttyq Kásipkerler palatasy men «Qazaqstan ınjınırıng «UK» AQ-men birlesip 2020-2022 jyldarǵa arnalǵan ýákiletti memlekettik organ, mashına jasaý jáne qorǵanys ónerkásibi qyzmetkerleri men jumys berýshilerdiń ókilderi arasyndaǵy salalyq kelisimge qol qoıdy. Bul týraly Indýstrııa jáne ınfraqurylymdyq damý mınıstrliginiń baspasóz qyzmeti habarlady.

Bul kelisim mashına jasaý kásiporyndary, onyń ishinde qorǵanys ónerkásibi qyzmetkerleri úshin áleýmettik kepildikter men jeńildikter qarastyrady:

- zııandy jáne aýyr eńbek jaǵdaılaryndaǵy jumysqa qosymsha aqylar (salalyq arttyrýshy koeffısıentter);

- tıisti jylǵa arnalǵan respýblıkalyq bıýdjette belgilengen eń tómengi eńbekaqyǵa 1,2-den kem emes koeffısıentpen 1-razrıadty salalyq eń tómengi tarıftik stavka;

- ekilik koeffısıentter;

- kásibı sheberligi úshin ústemeaqy;

- brıgadany (aýysymdy) basqarý úshin qosymsha aqy;

- tálimgerlerge jastarmen jumys istegeni úshin qosyssha aqy;

- aýyr jumystarda, eńbek jaǵdaılary zııandy jáne qaýipti jumystarda isteıtin qyzmetkerler úshin eńbekke ýaqytsha jaramsyzdyǵy boıynsha aılyq járdemaqyǵa qosymsha aqylar;

- birjolǵy ótemaqy tóleý kezinde jazataıym oqıǵalar jáne kásibı aýrýlar zardap shekken qyzmetkerge nemese adamdarǵa arnalǵan;

- eńbekti qorǵaý jónindegi tehnıkalyq ınspektor fýnksııalaryn oryndaıtyn qyzmetkerlerge aıyna 5 aılyq eseptik kórsetkishten kem emes mólsherde qosymsha aqy;

- qosymsha aqyly demalys;

- jas qyzmetkerlerge materıaldyq kómek kórsetý jáne qaryz (nesıe) berý;

- qyzmetkerlerdi sanatorlyq-kýrorttyq emdelýge jáne saýyqtyrýǵa joldamalarmen qamtamasyz etý;

- turǵyn úı qurylysyna qatysýshy qyzmetkerlerge turǵyn úıdi jalǵa alýǵa aqy tóleý úshin kómek;

- balanyń týylýyna baılanysty materıaldyq kómek;

- áleýmettik qoldaý qyzmetkerlerine jáne olardyń otbasy múshelerine, burynǵy qyzmetkerlerine jáne taǵy basqalar.

Atalǵan kelisim Qazaqstan Respýblıkasynyń aýmaǵynda tirkelgen, menshik ıeleri, quryltaıshylary (qatysýshylary) nemese aksıonerleri sheteldik azamattar nemese sheteldik zańdy tulǵalar ne shetel qatysatyn zańdy tulǵalar bop tabylatyn uıymdarǵa, sondaı-aq fılıaldar men sheteldik zańdy tulǵalardyń ókildikterine taraıdy. 

Sońǵy jańalyqtar

Abaı murasyna arnalǵan kórme

Rýhanııat • Keshe

Jaǵa ustatqan jat qylyq

Aımaqtar • Keshe

Uqsas jańalyqtar