Qoǵam • 11 Aqpan, 2020

Almatyda jas kásipkerler festıvali ótip jatyr

49 retkórsetildi

«Turan» ýnıversıtetinde «Atameken» UKP, Tuńǵysh Prezıdent – Elbasy qorynyń, Qazaqstan marketıng qaýymdastyǵynyń qoldaýymen mektep oqýshylary men stýdentter arasynda kásipkerlik festıvali ótýde.  

Jas kásipkerler aldynda sóz sóılegen Almaty qalasy kásipkerler palatasynyń dırektory N. Ábilshaıyqov búginde almatylyqtardyń 46 paıyzy 30 jastan tómengi jastar bolsa, olardyń 215 myńy 41 joǵary oqý ornynda jáne 78 kolledjde oqıtyn stýdentter ekendigin atap ótti. N. Ábilshaıyqov sonymen qatar  «QS World Universites Ranking 2020» versııasy boıynsha álemniń úzdik ýnısversıtetteriniń qataryna kiretin 10 JOO-nyń 6-ýy ońtústk astanada shoǵyrlanǵandyǵyna toqtalyp,  Almaty sııaqty el ekonomıkasynyń qarjy draıveri ortalyǵy úshin aldaǵy ýaqytta kásipkerlikti meńgergen jastarǵa degen suranystyń arta túsetindigin jetkizdi.

«Almaty qalasy elimiz ekonomıkasynyń qozǵaýshy kúshi retinde qarjy, saýda belsendiligimen alda keledi.  О́tken jyly Qazaqstan Doing Business reıtınginde 28-shi orynnan 25-inshi orynǵa kóterildi. Almaty álemdik ekonomıkanyń 60 paıyzyn qurap otyrǵan 600 eldiń qataryna kiredi. Desek te ekonomıkalyq ósimdi bilikti mamandarsyz qamtamasyz etý múmkin emes. Osy oraıda «Jol kartasy» dýaldy oqytý baǵdarlamasy aıasynda mamandardyń biliktiligin arttyrý maqsatynda 29 kolledj ben 215 kásiporyn arasynda 2649 úsh jaqty kelisimder jasalǵan. Onda 31 mamandyq 50 biliktilik boıynsha oqytylady. Jumysshy mamandardyń jetispeýshiligin qamtamasyz etý maqsatynda eki myńǵa jýyq kásipkerler arasynda saýalnama júrgizilip, 14 myń mamandyqqa suranystyń joǵary ekeni anyqtalǵan.  Saýda jáne qyzmet kórsetý salasynda -21%, baılanys, IT - 20 %, kólik, logıstıkada  -17%. Búginde QR UKP reestrine engen 16 sertıfıkattaý ortalyǵy Almatyda ornalasqan. 2019 jyly sertıfıkattaý ortalyǵynda 12,1 myń adam bilim alsa, olardyń  10,7 myńy kolledj túlekteri bolyp tabylady.  Jyl basynan bergi aralyqta jumyssyz jáne ózin-ózi jumyspen qamtyǵandar arasynan qysqa merzimdi bilimin kóterýge UKP bilim uıymdarynyń reestrine 74 oqýortalyǵyn engizilip, olardyń sany 98-ge jetip otyr. Bul ótken jylmen salystyrǵanda bes esege kóp.

«Turan» ýnıversıtetiniń prorektory Qýanysh Tazabekov «Osy bes kún ishinde oqýshylar men bıznes jospar qurý, bıznes strategııa ázirleý, tutynýshylardy tartý sııaqty stýdentter kásipkerlik alǵysharttaryn ıgeretin bolady. Kóshbasshylyq qasıetter men topta jumys isteýı bilýge yqpal etetin festıval stýdentter men jastar arasynda kásipkerlikti keńinen nasıhattaýǵa múmkindik beredi», dep atap ótti.

Bıznes trenerler festıval aıasynda kásipkerlikti qoldaýǵa baılanysty ártúrli múmkindikter, qaıda bilim alý, qalaı damý qajettigi týraly keńesterimen bólisetin bolady.

Festıval baǵdarlamasynda «Jastar bıznes-jobasy» básekege qabilettilikke, áleýmettik jaýapkershilikti, jedel áreket etýge baýlıdy. Jarys eki kezeńde ótedi. Festıval aıasynda sonymen qatar «Atameken» UKP «Turan» ýnıversıteti bazasynda Kásipkerlik oqý ortalyǵyn ashýdy josparlap otyr. Festıval aıasynda sonymen qatar «Jas Kasipker» halyqaralyq ǵylymı-tájirıbelik konferensııasy, sheberlik saǵattary men vorkshoptar josparlanǵan. 

 

ALMATY

Sońǵy jańalyqtar

Almatyda zerthanalar sany artady

Ońtústik Qazaqstan • Búgin, 17:10

Infeksııany qaıdan juqtyrǵany belgisiz

Aımaqtar • Búgin, 16:10

Pálsapa – Bekzat sana

Qazaqstan • Búgin, 15:46

Taldyqorǵannan Taıynshaǵa deıin...

Qazaqstan • Búgin, 14:55

Tegeýrini temirdeı Temirbaev

Qazaqstan • Búgin, 14:26

Karantınde shyrqalǵan ánuran

Qazaqstan • Búgin, 13:16

Samaradan kelgen 57 stýdent baqylaýda

Aımaqtar • Búgin, 12:30

Oralman qasqyr (etnografııalyq áńgime)

Qazaqstan • Búgin, 12:23

Uqsas jańalyqtar