Qazaqstan • 11 Aqpan, 2020

Qazaqstanda kıikti 2023 jylǵa deıin atýǵa tyıym salyndy

24 retkórsetildi

Qazaqstanda kıikti 2023 jylǵa deıin atýǵa tyıym salyndy. Bul týraly Orman sharýashylyǵy jáne janýarlar dúnıesi komıtetiniń baspasóz hatshysy Sáken Dildahmet Facebook paraqshasynda jazdy.

«Kıikterdiń sanyn kóbeıtip, olardy saqtaý maqsatynda Ekologııa, geologııa jáne tabıǵı resýrstar mınıstrliginiń Orman sharýashylyǵy jáne janýarlar dúnıesi komıtetiniń buıryǵymen Qazaqstan Respýblıkasynyń aýmaǵynda kıikterdi 2023 jylǵa deıin atýǵa tyıym salyndy», - dep jazdy Sáken Dildahmet.

QR BǴM Ǵylym komıtetiniń Zoologııa ınstıtýty kıikti ǵylymı maqsattarda paıdalanýdan basqa, kıikti atýǵa 2023 jylǵa deıin tyıym salý týraly keńes bergen. Bıologııalyq negizdeme memlekettik ekologııalyq saraptamamen maquldaǵan. Kıikti atýǵa tyıym salý týraly buıryq resmı túrde jarııalanǵannan keıin 10 kúnniń ishinde (20 aqpanda) kúshine enedi.

«Qazirgi ýaqytta Qazaqstannyń túrli aımaqtarynda kıiktiń jaǵdaıy ártúrli. Ústirt popýlıasııasynyń sany - 5,9 myń dana. Betpaqdala popýlıasııasynyń sany  - 111,5 myń dana. Ol 2015 jyly jappaı qyrylýdan keıin qalpyna kelý satysynda. О́zderińiz biletindeı, Qazaqstanda 2015 jyly 150 myńnan astam kıik qyrylǵan edi. Sol sebepti 2015 jyldan bastap 2019 jyldyń 31 jeltoqsanǵa deıin kıikterdi atýǵa tyıym salynǵan edi. Endi kıiktiń sanyn kóbeıtý úshin bul merzim 2023 jylǵa deıin uzartyldy. Jalpy kıik Qyzyl kitapqa engizilmegen. Zańmen shektep qana qoımaı, bul baǵytta ártúrli jumystardy júrgizip jatyrmyz. Qazirgi maqsat – kıik sanyn 500 myńǵa jetkizý», - dep jazdy Sáken Dildahmet Facebook paraqshasynda.

Sońǵy jańalyqtar

Tarıhta qalǵan indetter

Tarıh • Búgin, 00:40

Ulttyq kınodaǵy karantın

Aımaqtar • Keshe

Uqsas jańalyqtar