Qoǵam • 11 Aqpan, 2020

Almatyda oqýshylardyń respýblıkalyq ǵylymı jobalar konkýrsy bastaldy

640 retkórsetildi

Búgin Almatydaǵy О́.A.Joldasbekov atyndaǵy stýdentter saraıynda Bilim jáne ǵylym mınıstrliginiń «Daryn» Respýblıkalyq ǵylymı-praktıkalyq ortalyǵy dástúrli respýblıkalyq ǵylymı jobalar konkýrsyn bastady. Jalpy bilim beretin pánderdiń jyl saıynǵy konkýrsy bıyl ál-Farabı atyndaǵy Qazaq Ulttyq ýnıversıtetiniń bazasynda 11-14 aqpan aralyǵynda ótedi.

Elimizdiń bolashaq ǵylymı áleýetin qalyptastyrý maqsatynda uıymdastyrylyp júrgen konkýrsta «Daryn» Respýblıkalyq ǵylymı-praktıkalyq ortalyǵynyń dırektory Boranbaı Aqjol sóz alyp, respýblıkalyq jarysqa joldama alǵan oqýshylardy quttyqtady.

Konkýrs oqýshylardyń jaratylystaný ǵylymdaryna qyzyǵýshylyǵyn arttyryp, joǵary synyp oqýshylaryn ǵylym men tehnıkanyń ár túrli salalaryndaǵy shyǵarmashylyq qyzmetke tartý maqsatynda Ulttyq ǵylym akademııasynyń qamqorlyǵymen ótkiziledi.

Qazylar alqasynyń quramyna jetekshi otandyq joǵary oqý oryndarynyń: ál-Farabı atyndaǵy Qazaq ulttyq ýnıversıteti, L.N.Gýmılev atyndaǵy Eýrazııa ulttyq ýnıversıteti,  Qazaqstan-Brıtan Tehnıkalyq ýnıversıteti, Q.I.Sátbaev atyndaǵy Qazaq ulttyq tehnıkalyq ýnıversıteti, Halyqaralyq aqparattyq tehnologııalar ýnıversıteti syndy basqa da joǵary oqý oryndarynyń ókilderi kiredi.

Respýblıkalyq ǵylymı jobalar konkýrsy – «Qazaqstan – 2050» strategııasyndaǵy Qazaqstan damýynyń ekonomıkalyq jáne áleýmettik modelderi» taqyryby aıasyndaǵy oqýshylardyń ǵylymı zertteýler konkýrsy. Konkýrs tórt baǵyt boıynsha ótkiziledi: «Ǵylymı-tehnıkalyq progress – ekonomıkalyq ósýdiń negizgi býyny», «Ekonomıkalyq jáne áleýmettik prosesterdi matematıkalyq modeldeý», «Taza tabıǵı orta – Qazaqstan - 2050 strategııasyn iske asyrýdyń negizi», «Qazaqstannyń tarıhı eskertkishteri jáne bolashaǵy bar saıahat baǵdarlary».

9

Baıqaýdyń qorytyndy kezeńinde 751 jas zertteýshi 590 ǵylymı jobany qorǵaıdy. Konkýrs qorytyndysy boıynsha jeńimpazdardan turatyn elimizdiń qurama komandasy 10-15 mamyr aralyǵynda Anahaım qalasynda (Kalıfornııa shtaty) ótkiziletin jyl saıynǵy ISEF-2020 oqýshylardyń halyqaralyq ǵylymı jobalar konkýrsynda óz jumystaryn  usynady.

Konkýrsty ótkizý Erejesine sáıkes jeńimpazdar men júldegerler Bilim jáne ǵylym mınıstrliginiń I, II, III dárejeli dıplomdarymen marapattalady.

Bıyl oqýshylardyń jobalaryn qorǵaýda ashyqtyqty qamtamasyz etý maqsatynda Konkýrs onlaın uıymdastyrylady. Beınetranslıasııaǵa siltemeler QR BǴM jáne «Daryn» RǴPO-nyń áleýmettik jelilerdegi akkaýnttarynda usynylatyn bolady.

9

Sońǵy jańalyqtar

Ystyq tamaq taratty

Qazaqstan • Keshe

Betperde kıgen kóktem

Tanym • Keshe

Uqsas jańalyqtar