Aımaqtar • 11 Aqpan, 2020

Qyzylorda oblysynyń ákimi kásipkerlermen kezdesti

170 retkórsetildi

Oblys ákimi Qýanyshbek Ysqaqov bıznes-qaýymdastyq ókilderimen kezdesti. Jıynǵa jas kásipkerler, osy saladaǵy  mekemeler men uıymdar basshylary qatysty. Bul týraly oblys ákiminiń baspasóz qyzmeti habarlady.

О́ńirde 2018 jyldan bastap aýyl turǵyndaryn turaqty jumyspen qamtyp, jumyssyzdyqty azaıtý, jergilikti bıýdjetti nyǵaıtý  maqsatynda Jappaı kásipkerlikti damytýdyń úshjyldyǵy jarııalanǵan bolatyn. Osy bastama aıasynda 2025 jylǵa deıin shaǵyn jáne orta kásipkerliktiń jalpy óńirlik ónimdegi úlesin 35 paıyzǵa jetkizý mindeti qoıylyp otyr.

Aımaq basshysy osy baǵytta atqarylyp jatqan jumystardy saralap, iri kásiporyndar ónimi kólemin ulǵaıtyp, sol arqyly ilespe óndiris oryndaryn qurý qajettigin aıtty.

- Mysaly, bizde kúrishten lapsha, un, maı, sabanynan qap shyǵaratyn kásiporyndar ashylýy tıis. О́zimizden eksporttalatyn kúrish ónimderi qaıta óńdelip, birneshe ese qymbat baǵada ózimizge kelip jatady. Budan bólek, óńirimizde asyl tuqymdy mal ósirip, shujyq jáne sút ónimderin óndirip, elimizdiń ishki naryǵynan aıtarlyqtaı oryn alǵan kásiporyndar jeterlik. Biraq bul sharýashylyq aıasynda jún, teri óndiristeri múldem damymaǵan. Elimizde qoldanystaǵy zańnamalarǵa engizilgen ózgeristerge sáıkes, 2025 jyldan bastap polıetılen ónimderi qoldanystan shyǵarylmaq. Osyǵan sáıkes, polıetılen ónimin almastyratyn óndiris kózin damytý qajet, - dedi oblys ákimi.

Jıynda óńirdiń kásipkerlik salasyna qatysty ózekti máselelerge oraı  kásipkerler usynys-pikirlerin jetkizdi. Jeńil ónerkásip, bilim berý, medısına, sıfrlandyrý, saýda jáne týrızm salalaryndaǵy problemalar týraly aıtyldy.

Aımaq basshysy ákimdik tarapynan kásipkerliktiń damýyna qatysty máselelerdi sheshýge, ıdeıalardy iske asyrýǵa árdaıym qoldaý bolatynyn atap ótti.  

Sońǵy jańalyqtar

Tarıhta qalǵan indetter

Tarıh • Búgin, 00:40

Ulttyq kınodaǵy karantın

Aımaqtar • Keshe

Uqsas jańalyqtar