Aımaqtar • 11 Aqpan, 2020

Almaty oblysy: Kóksýlyqtar kóktemgi sý tasqynyna daıyn

44 retkórsetildi

Kóksý – Jetisýdyń bir ózeni. Bastaýyn taýdan alatyn aryndy ózenniń ár kóktem saıyn minez kórsetip, jaǵasyn kóbik shaıyp, tasıtyny bar. Bul kezde osy ózenniń boıyn jaǵalaı qonǵan aýdannyń sharýashylyqtaryna sel qaýipi tónedi. Ásirese, bıylǵydaı taýǵa qar qalyń túsip, kún raıy erte jylynǵan kezde qater eki eselenedi.

2018 jyly Kóksý aýdanynyń Muqyry aýyly men Kóksý beketi aýmaǵyndaǵy eldi mekenderdiń kóshesine deıin qyzyl sý kirip, turǵyndar ábigerge túsken bolatyn. Byltyr bul qaýiptiń aldy alynyp, ózen jáne kanal arnalarynyń saǵasyn keńeıtý, túbin tereńdetý, tazartý jumystary júrgizilgen bolatyn. Oblystyq bıýdjetten bólingen qarjy tıimdi jumsalyp, ózen mańyndaǵy aýyldarǵa tasqynnan tónetin qater azaıǵan. Bıyl da kún raıynyń qubylýy ózen ranasyndaǵy sýdyń kólemin kóbeıtip otyr. Demek, qaýip tónbese de saqtaq sharalary jasalýy tıis.

- Kóktemgi sý tasqyny kezeńine daıyndyq jumystary aıasynda 32 shaqyrym aryq, 55 shaqyrym kanal, 2500 myń tekshe metr qar eldi mekender aýmaǵynan shyǵarylyp, aýyl ishindegi aryq ishi qoqys, topyraqtan arshylyp, sonymen qatar 32 dana sý ótkizý qubyrlary da tazalandy. Aýdanda arnaıy shuǵyl áreket etý jasaǵy qurylyp, 25 tehnıka men júzgege jýyq adam tótenshe jaǵdaımen kúresýge daıyn otyr, - deıdi Kóksý aýdanynyń ákimi Almas Ádil.

Sońǵy jańalyqtar

Abaı murasyna arnalǵan kórme

Rýhanııat • Keshe

Jaǵa ustatqan jat qylyq

Aımaqtar • Keshe

Uqsas jańalyqtar