Parlament • 11 Aqpan, 2020

Senatorlarǵa memlekettik kirister salasyndaǵy ózgerister tanystyryldy

16 retkórsetildi

Parlament Senaty janyndaǵy Qarjy jáne bıýdjet komıtetiniń músheleri Qarjy mınıstrligi Memlekettik kirister komıtetiniń jumysymen tanysty. Bul týraly Parlament Senatynyń baspasóz qyzmeti habarlady.

Aldymen senatorlarǵa komıtette byltyr iske qosylǵan baılanys ortalyǵynyń jumysy kórsetildi. Atalǵan ortalyqqa 1414 baılanys nómiri arqyly habarlasyp, kez kelgen azamat kiris pen shyǵysqa qatysty ózin tolǵandyrǵan suraqtarǵa jaýap ala alady.

Komıtet ókilderiniń málimdeýinshe, ortalyqqa kúnine 300-ge jýyq qońyraý shalynyp, turǵyndardyń 80 paıyzy alǵan jaýaptaryna qanaǵattanady.

Qarjy mınıstrligi Memlekettik kirister komıtetiniń tóraǵasy Marat Sultanǵazıevtiń aıtýynsha, bıyldan bastap barlyq saýda júıesi onlaın kassaǵa kóshýi tıis. Qazirgi kúni kassalyq apparat qurylǵysymen kóbinese shaǵyn jáne orta kásip ıeleri qoldanady.  

Sonymen qatar Senat depýtattary komıtet janynan pılottyq joba retinde qurylǵan ahýal ortalyǵynyń jumys barysymen etene tanysty.

Eger atalǵan pılottyq joba sátti júzege asyrylsa, el ishi men qatar shekaralyq, kedendik jaǵdaıdy baqylaıtyn respýblıkalyq aýqymdy ahýal ortalyǵy ashylatyn bolady.

Búginde ahýal ortalyǵynyń mamandary el shekarasy arqyly kiretin jáne shyǵarylatyn barlyq kedendik rásimderdi baqylap otyrady. Maqsat – kedendik qaýipsizdikpen qatar, taýar aınalymyn kóleńkeli ekonomıkadan saqtaý.

Memleketik kirister komıteti mamandarynyń aıtýynsha, ahýal ortalyǵy arqyly taýarlar ǵana emes, shekarany attaǵan árbir avtokólik tolyqtaı tekserýden ótedi.

«Búginde Qarjy jáne Ulttyq ekonomıka mınıstrligi birlesip salyq kodeksi týraly zańǵa ózgerister engizip jatyr. Osy oraıda biz búgin senatorlar toby memlekettik kirister komıtetiniń jumysymen tanysýdy jón kórdik. Elimizge syrttan keletin taýarlar men ónimderdiń qalaı jetkiziletinin, ıaǵnı adamnyń qatysýynsyz tehnologııa men avtomattandyrylǵan qurylǵynyń kómegimen jumys isteıtindigine kózimiz jetti. Bul óz kezeginde sybaılas jemqorlyqtyń da aldyn alady. Demek bıznes ókilderi zaman talabyna saı, jańa jaǵdaıda jumys isteýge daıyn bolýy tıis. Sebebi, táýekeldi basqarý júıesi qatań baqylaýǵa alynǵan», - dedi Parlament Senaty Qarjy jáne bıýdjet komıtetiniń tóraǵasy Olga Perepechına.

O. Perepechınanyń aıtýynsha, ózgerister men tolyqtyrýlar engizilip jatqan salyq kodeksi týraly jańa zań Senat qaraýynan soń ústimizdegi jyldyń sońyna deıin qabyldanady dep josparlanýda.

«Búgin memlekettik kirister salasyndaǵy sońǵy jańashyldyqtarmen tanystyq. Baıqanymyzdaı, qazirgi ýaqytta zańdy tulǵalardyń tabysy men memleketke tóleýi tıis salyq mólsheri avtomatty túrde baqylaýǵa alynǵan. Degenmen zańdy álide bolsa qatańdatý qajet. Ásirese shekaradan zańsyz nemese talapqa saı emes taýar tasýshylarǵa aıyppul kólemin ulǵaıtý qajet. Bul oraıda bizder memlekettik kirister komıtetiniń jańa usynymdaryn qoldaýǵa ázirmiz», - deıdi Parlament Senaty Qarjy jáne bıýdjet komıtetiniń hatshysy Erbolat Muqaev.

Sońǵy jańalyqtar

Qansonarda búrkitshi shyǵady ańǵa...

Aımaqtar • Búgin, 12:38

Negizgi uǵymdar júıelenedi

Saıasat • Búgin, 08:43

Tıimdi dıologqa jol ashady

Saıasat • Búgin, 08:37

Qoǵam múddesin oılaǵan qujat

Saıasat • Búgin, 08:33

Jarysty 8 júldemen aıaqtady

Sport • Búgin, 08:29

Aqpannyń borany ashýly

Aımaqtar • Búgin, 08:26

О́tken ǵasyr órnegi

Tanym • Búgin, 08:25

Úshinshi ret fınalda jeńildi

Tennıs • Búgin, 08:24

Jas ǵalymdardyń aımaqtyq semınary

Qoǵam • Búgin, 08:18

Sóz soıyl №89

Rýhanııat • Búgin, 08:02

Shahar shyraıyn shaǵyn bıznes ashady

Aımaqtar • Búgin, 08:01

10 jyl sýbsıdııalanǵan salanyń jyry

Ekonomıka • Búgin, 07:53

Jemisten chıps jasaıdy

Aımaqtar • Búgin, 07:52

Sózdiń quny men qudireti

Rýhanııat • Búgin, 07:46

Baǵany aýyzdyqtaýdyń amaly

Úkimet • Búgin, 07:44

Telearna jumysynyń esebi tyńdaldy

Qoǵam • Búgin, 07:36

Maqamy máshhúr Mańǵystaý

Aımaqtar • Búgin, 07:26

Saıat atynyń syny men baby

Qoǵam • Búgin, 07:23

Qalamy semser serke edi

Tanym • Búgin, 07:20

Reıtıngtegi ornyn saqtap qaldy

Fýtbol • Búgin, 07:17

О́zi de, sózi de sulý

Rýhanııat • Búgin, 07:15

О́ner aıdynynda sáýlelengen jumaq ólke

Rýhanııat • Búgin, 07:07

Uqsas jańalyqtar