Qazaqstan • 11 Aqpan, 2020

Ofıserlerdiń biliktiligin arttyrý kýrsy uıymdastyryldy

30 retkórsetildi

Almaty qalasyndaǵy Radıolektronıka jáne baılanys áskerı-ınjenerlik ınstıtýtynda ofıserlerdiń kásibı deńgeıi men biliktiligin arttyrýdyń josparly kýrstary uıymdastyryldy. Bul týraly Qorǵanys mınıstrliginiń baspasóz qyzmeti habarlady.

Qorǵanys mınıstrliginiń jaýyngerlik josparyna sáıkes aqpan aıynan bastap naýryz aıyna deıin zenıttik-zymyran (tehnıkalyq) dıvızıondary, áýe shabýylyna qarsy qorǵanys áskerleri, radıotehnıkalyq batalon komandırleri, Qurlyq áskerleriniń baılanys batalon komandırleri kýrstyq daıarlyqtan ótedi.   

«Osy jyly maǵan kýrsqa qatysý múmkindigi buıyrǵanyna óte qýanyshtymyn. Jalpy sabaq teorııalyq jáne praktıkalyq turǵyda  qyzyqty qurastyrylǵan. Kúndelikti áskerı qyzmetti júrgizýge qatysty kóptegen paıdaly tustary boldy», - deıdi Shymkent garnızonynyń áskerı qyzmetshisi maıor Baqtııar Baýbekov.    

Oqý baǵdarlamasynda taktıkalyq-mamandyq, tehnıkalyq daıarlyq, áskerlerdi basqarýdyń avtomattandyrylǵan júıesi jáne áskerı topografııa sııaqty pánder qarastyrylǵan. Oqýdy JOO-nyń professor-oqytýshylar quramy júrgizedi. Áýe shabýlyna qarsy qorǵanys áskerleriniń ofıserleri úshin 248 oqý saǵaty, qurlyq áskerleri úshin 229 oqý saǵaty bólindi.

Baǵdarlama teorııalyq jáne praktıkalyq sabaqtardan quralǵan. Kýrstyq daıyndyq qorytyndysy boıynsha ofıserler alǵan bilimderin kórsetip, odan keıin kýrsty sátti aıaqtaǵany týraly sertıfıkattar alady. Komandalyq býynnyń biliktiligin arttyrý kýrstary Radıoelektronıka jáne baılanys áskerı-ınjenerlik ınstıtýtynda 2016 jyldan bastap ótkiziledi. Osy ýaqyt ishinde 200-den astam ofıser oqýdan ótti.

Sońǵy jańalyqtar

Beıqamdyqqa jol berilmeýi kerek

Rýhanııat • Keshe

Koronavırýssyz Qostanaı

Aımaqtar • Keshe

Kúrish eksportyna kedergi joq

Aımaqtar • Keshe

Álem únemdele bastady

Álem • Keshe

Uqsas jańalyqtar