Qoǵam • 12 Aqpan, 2020

Qor basshysy qońyraýǵa ózi jaýap qatty

16 retkórsetildi

«Jıyrmasynshy operator tyńdap tur». Bul joly mindetti áleýmettik medısınalyq saqtandyrý boıynsha halyqtyń suraqtaryna jaýap beretin 1406 baılanys ortalyǵyna shalynǵan qońyraýdy Medısınalyq saqtandyrý qorynyń tóraǵasy Aıbatyr Jumaǵulovtyń ózi qabyldady.

Call center-ge kelip túsken qońy­raýlardyń deni MÁMS úshin aýdarymdar men jarna tóleý, saqtandyrý mártebesin anyqtaý, qymbat turatyn medısınalyq qyzmetterdi alý másele­lerine qatysty boldy. Sondaı-aq jeke jaǵdaılarǵa baılanysty ótinishter de kelip tústi. Mundaı jaǵdaılarda operator pasıenttiń derekterin alyp, ótinim boıynsha aqparatty tıisti mamandarǵa beredi.

Qordyń halyqpen keri baılanys­tyń bolýyna erekshe kóńil bóletinin, ony júzege asyrýda 1406 baılanys ortalyǵynyń róli mańyzdy ekenin aıtqan Aıbatyr Jumaǵulov: «Búgingi is-sharanyń maqsaty – pasıentterdiń quqyqtaryn qalaı qorǵaýǵa bolatynyn kórý. Turǵyndar medısınalyq uıymdarǵa qaralǵan kezde qandaı qıyndyqtarǵa tap bolatynyn anyqtaý mańyzdy. Baılanys ortalyǵyna kelip túsken árbir ótinim muqııat tekserilip, taldaý jasalady. Adamdardyń saq­tan­dyrý taqyrybyna belsendilik tanytqanyna qýanyshtymyz. Tólem júıesi men  qyzmet kórsetý týraly, atap aıtqanda klınıkalyq dıag­nostıkalyq kómek týraly suraqtar jıi qoıylady. Kóptegen azamattar birden zerthanaǵa nemese dıag­nostıkalyq ortalyqqa baryp, tegin qyz­met alǵysy keledi. Dárigerdiń jol­damasy bolmaǵandyqtan olar osy qyzmet túrlerin ala almaǵandaryna shaǵymdanady. Alaıda, eń aldymen, azamattar dárigerine habarlasýy kerek. Mysaly, tomografııa belgili bir dárejede sáýlelenýge ákelip soǵady jáne ony jaıdan-jaı jasaı berýge bolmaıdy. Sondyqtan dáriger pasıentke MRT-ny nusqaýlyqtar bol­ǵan jaǵdaıda ǵana  taǵaıyndaıdy. Son­dyqtan aldymen dárigerge baryp, onyń belgileri týraly aıtý kerek», dedi.

О́tken jyldyń qyrkúıek aıynan jumysyn bastaǵan baılanys ortalyǵy 2020 jyldan bastap 24/7/365 jumys isteý rejimine kóshirildi. Jańa jyldan beri 24 myńnan astam ótinim túsip, onyń 23 myńnan astamyna (96,6%) jaýap berilgen, al qalǵandary óńdelýde. Bir táýlikte operatorlar 1 myńǵa jýyq qońyraýdy qabyldap, óńdeıdi. Ortalyq tıimdi jumys isteý maqsatynda túsken ótinimdi óńdeýdiń jańa, úsh deńgeıli modeline kóshken. Atap aıtqanda, eń aldymen, konsýltasııalyq deńgeıde ótinishterdiń shamamen 85%-y jabylady. Ekinshi deńgeıde azamattardan kelip túsken ótinimderdiń sebepteri men onyń qaıtalanýyn saraptaý jáne medısınalyq uıymdardyń jaýaptarynyń sapasy men júıeliligi tekseriledi. Eń sońynda qor fılıal­dary men medısınalyq uıymdar deńgeıinde sebepterdi joıa otyryp, shaǵymdar tekseriledi.

 

Sońǵy jańalyqtar

Ystyq tamaq taratty

Qazaqstan • Keshe

Betperde kıgen kóktem

Tanym • Keshe

Uqsas jańalyqtar