Aımaqtar • 12 Aqpan, 2020

Jetisýǵa qyzyǵýshylar jeterlik

22 retkórsetildi

Almaty oblysynyń otandyq týrızm salasyndaǵy alatyn orny erekshe. Tabıǵattyń tańǵajaıyp syıyna baı ólkeniń sulýlyǵyna tamsanyp, shıpaly sý men saf aýadan janǵa dárý izdegen adamdar qatary da jyl saıyn artyp keledi. Iаǵnı Jetisýǵa kelýshi týrıster sany ótken jyly 2 mln adamnan asypty jáne oblys aýmaǵyna alǵash aıaǵy tıgen adamdardyń arasynda alys sheteldikter kóbeıgen eken.

 

Ádette, oblystyń týrıstik áleýetin Alakól men Balqash kóline qatysty baǵalaýǵa beıilmiz. Biraq óńirdegi qysqy týrızmniń damyp otyrǵanyn aıtpaı ketý ádiletsizdik bolar edi. Oblysta qysqy demalys nysandary ornalasqan Eńbekishqazaq, Sarqan, Talǵar, Kegen, Uıǵyr aýdandarynyń salany órkendetýge qosatyn úlesi mol eken. Ásirese óńirdiń ońtústik bóliginde ornalasqan Eńbekshiqazaq aýdanyna byltyrdyń ózinde 76 myńnan asa týrıst demalýǵa kelgen. Aýdanda 10 qonaqúı, 3 demalys úıi, 3 saýyqtyrý lageri, 2 ańshy úıi jáne 2 demalys orny meımandar úshin jumys istep tur. Bıyl qyzmet kórsetý sapasyn arttyrý maqsatynda tıisti jumystar júrgizilip, týrızm salasyndaǵy mamandar úshin tegin sabaqtar ótkizilýde. Demalýshylar tabıǵı qoryqtarǵa, murajaılarǵa, arheologııalyq eskertkishterge baryp, shaǵyn haıýanattar baǵyn aralaı alady. Bul maqsatta aýdanda 12 týrıstik baǵyt belgilengen.

 Jalpy, ekonomıkanyń damýynda týrızmniń alar orny erekshe. Osy oraıda Sarqan aýdanyndaǵy «Jońǵar Alataýy» memlekettik ulttyq tabıǵı parki» memlekettik mekemesiniń 11 ekologııalyq jáne mádenı-tarıhı týrıstik baǵyty bar. Byltyr osy baǵyttar arqyly 1500 meıman júrip ótip, ásem tabıǵat aıasynda demalyp qaıtqan. Aýdannyń móldir sýy, jupar ısi árbir jandy eriksiz baý­raıtyny anyq. Sondyqtan Balqash kóli jaǵalaýynda da demalýshylar sany kúnnen-kúnge artyp keledi. Tek ótken jyldyń ózinde 17 demalys aýmaǵynda 35 myń týrıst demalyp qaıtqan.

Munan bólek, Jetisýdaǵy jeras­ty sýynan shıpa izdeýshiler qatary ósip otyr. Ásirese ystyq sýy bar demalys oryndaryna keletin týrıster sany da jyl saıyn kóbeıýde. Qazirgi tańda Uıǵyr aýdanynda 51 demalys orny jumys isteıdi. Ystyq qaınardyń sýy mıneraldy zattarǵa baı ári emdik qasıetke ıe. Júrek-qan tamyrlary aýrýlaryna em bolatyn sýǵa shomylý úshin byltyr 80 myńǵa tarta týrıst ystyq sýy bar demalys oryndaryna barǵan.

Al Talǵar aýdanynda búgingi tańda 28 týrıstik nysan bar. Bıyl taǵy bireýi ashylady dep kútilýde. 2019 jyly 85 myńnan astam meıman aımaqtyń tumsa tabıǵatyn kórip, demalyp qaıtqan. Onyń bir myńy – sheteldik týrıster. Bıyl shetelden kelgen qonaqtar sanyn 1050 adamǵa deıin jetkizý josparlanyp otyr. Sonymen qatar aýdanda qysqy týrızmdi damytý baǵytynda «Oi-Qaragai – Lesnaya Skazka» taýly kýrorttyq-qonaqúıi demalys ornyn odan ári damytýǵa baǵyttalǵan «Aport-Aqtas» taý shańǵy kýrortynyń qurylysy júrip jatyr.

Jetisýdaǵy taý týrızmin damytýda «Kólsaı kólderi» memlekettik ulttyq parkiniń de alatyn orny erekshe. Álemdegi tańǵajaıyp sulýlyqty bir ózine jınaǵan jalǵyz kól Kólsaıdy tamashalaý úshin byltyr 3 myńǵa jýyq týrıst kelgen. Bunda demalýǵa kelgender aınadaı kóldiń aıdynyn, tynyshtyǵy men ásemdigin, ǵajaıyp taýlary men kóz tartar ormanyn qaıta tamashalaýǵa yntyq bolyp turary aqıqat. Sondyqtan da ásem jerge demalýǵa kelgen qonaqtar úshin kól jaǵasynda 12 qonaqúı boı kóterip, sapaly qyzmet kórsetýde.

– Týrızm – tabys kózi ǵana emes, qazaq mádenıetin álemge tanytýdyń da bir joly. Biz óz tarapymyzdan týrıstik aımaqtardyń ınfraqurylymyn jasaqtaýǵa kóńil bólip otyrmyz. Alakól jaǵalaýy buryn qandaı edi, qazir qandaı? Demalýshylar sany jyl sa­ıyn kóbeıýde. 2019 jyly týrıster sany 2 mln adamǵa jetti. Jalpy, 2025 jyly Almaty óńirine keletin boljamdy týrıster legi 4 mln adamǵa jetedi, sonyń ishinde Almaty oblysynyń nysandaryna ǵana 3,5 mıllıon adam keledi dep kútilýde. Munan bólek Almaty óńiriniń taý klasterin damytýǵa asa mán berilýde. Investısııasynyń jalpy kólemi 111 mlrd teńgeni quraıtyn Túrgen shatqalyndaǵy «Dolına-3» taý-shańǵy kýrorty jáne «Aport Aq-Tas» kópsalaly taý-shańǵy kesheni jobalaryn iske asyrý josparlanǵan. Taý klasteri aýmaǵynda jylyna 1,5 mln týrıstke qyzmet kórsetý jospary tur, – deıdi Almaty oblysynyń ákimi Amandyq Batalov.

 

Almaty oblysy

 

Sońǵy jańalyqtar

Zańger kóp, kúzetshi joq

Qoǵam • Búgin, 17:49

Basylym basshylary - Ýálıhan QALIJAN (1948)

Basylym basshylary • Búgin, 16:57

Alysty jaqyndatatyn qurylǵy

Qoǵam • Búgin, 16:23

Qaıyrymdylyq – qasterli qasıet

Qoǵam • Búgin, 15:54

Almatydaǵy ıesiz jeliler qala balansyna beriledi

Ońtústik Qazaqstan • Búgin, 15:49

Almatyda 39 medısınalyq uıym ashylady

Medısına • Búgin, 15:31

Basylym basshylary - Nurlan ORAZALIN (1947)

Basylym basshylary • Búgin, 15:24

Memleket basshysy Dáýren Abaevty qabyldady

Prezıdent • Búgin, 15:08

Jaqsylyq júrek jylytady

Qazaqstan • Búgin, 15:07

Basylym basshylary - Ábish KEKILBAIULY (1939-2015)

Basylym basshylary • Búgin, 15:06

Mektep bitirýshi túlekter jol qurylysy salasymen tanysty

Ońtústik Qazaqstan • Búgin, 15:03

Jetistikke jetken jandardy dáripteıdi

Aımaqtar • Búgin, 12:42

Inklıýzıvti qoǵam qurý úshin...

Qoǵam • Búgin, 12:21

Erikti jastar erkin formatta pikir almasty

Ońtústik Qazaqstan • Búgin, 12:05

Almatyda qurylys qarqyndy júrip jatyr

Ońtústik Qazaqstan • Búgin, 11:33

Tálimi zor, ǵıbraty mol jıyn

Aımaqtar • Búgin, 11:18

Danyshpan toıyna bir tamshy úles

Abaı • Búgin, 10:36

Habarsyz ketken kásipker izdestirilýde

Aımaqtar • Búgin, 10:24

Jumyrtqa nege qymbattaıdy?

Ekonomıka • Búgin, 09:27

Uqsas jańalyqtar