Qoǵam • 12 Aqpan, 2020

Beıbit ómir basty ustanymymyz bolýy tıis

22 retkórsetildi

Qordaıdaǵy oqıǵa barlyǵymyzdyń kóńilimizge kirbiń salǵan, tutas eldi alańdatqan ókinishti jaǵdaı boldy. Janymyz jaralanyp, úlken oıǵa qaldyq.

Jalpy, Qazaqstan qaı kezde de qushaǵyn aıqara ashyp, elimizde meken etken ulttar dıasporasy­nyń barlyǵyna teńdeı qamqor­lyq kórsetip keledi. Baýyryndaı jaqyn tartty, eshqandaı ultty shettetpedi. Eger qazaqtan qorlyq kórip, jaǵdaıy jan tózgisiz bolsa – ol ulttardyń biri de bul jerdi turaqtap qalmas edi. Jaıly qonys izdep, jan-jaqqa bas saýǵalar edi. Qazaq jeri qutty bolǵandyqtan da arqasyn keńge jaıyp, erkin qonystandy. Tipti qazaqtardyń ózderinen artyq qamqorlyq kórdi desek te jalǵan emes. Sondyqtan bul jerde kinálini birjaqty qaraýǵa bolmaıdy.

Mundaı jaǵdaıda men bir-aq dúnıeni aıtqym keledi: ulttar dıasporasy arasyndaǵy tártip jumystaryn kúsheıtý kerek. Barlyq jaǵynan qazaqty únemi kináli etip, kishireıte berýimiz jón emes. О́zge ulttardyń da bir sát qazaqqa darqan peıili, qonaqjaı kóńili úshin aıtqan rahmetin sezinip otyrý­dyń árbir qazaq azamaty úshin mańy­zy zor. Sonda dostyq birligi­miz nyǵaıady. О́zge ulttar qazaq jerindegi óz orny men mártebesin sezinetin bolady. Sondyqtan da men Memleket basshysy Qasym-Jomart Toqaevtyń ustanǵan saıasatyn tolyq qoldaımyn. Biz eń áýeli elimizdiń birligin, tynyshtyǵyn oılaýymyz qajet. Beıbit ómir basty ustanymymyz bolýy tıis. Qazaqqa dál qazirgi ýaqytta eldiń bereke-birligi, tynyshtyǵy qymbat. Osyny umytpasaq eken.

 

Ánes SARAI,

jazýshy

 

Sońǵy jańalyqtar

Elimizde indet juqtyrǵandar sany 500-ge jetti

Koronavırýs • Búgin, 09:19

Juma: Almatyda 28 indet oshaǵy karantınde tur

Ońtústik Qazaqstan • Keshe

Almatyda zerthanalar sany artady

Ońtústik Qazaqstan • Keshe

Uqsas jańalyqtar