Aımaqtar • 12 Aqpan, 2020

Qaraǵandy tarıhyna arnaldy

12 retkórsetildi

Seksen jyldyq tarıhy bar Qaraǵandyda óńirdiń tarı­hı-mádenı murasyn kózdiń qarashyǵyndaı saqtaý men ony keńinen nasıhattaý, tý­ǵan ólkeniń ótkenine uqyp­pen qaraý mádenıetin qalyp­tastyrý jáne jas urpaq­ty qazaqstandyq patrıotızm rýhynda tárbıeleý syndy ju­mystar durys jolǵa qoıylǵan.

Osy sózimizdiń bir dáleli retin­de taıaýda oblystyq tarıhı-ólke­taný mura­jaıynda «Qazynaly, kendi qala» atty kór­meniń uıym­dastyrylǵanyn aıtýǵa bolady. Má­­denı shara aıasynda kenshiler as­tanasynyń qatparly tarıhynan mol maǵlumat beretin jádigerler kórme sóre­lerinen kórinis tapty.

Qala turǵyndary men qonaqta­rynyń nazaryna usynylǵan elýden astam eksponattyń ishinde shah­ter jabdyqtary, kenshilerdiń ju­mys kıimderi, geologııalyq qu­­­ral-saımandar jáne alǵashqy qu­­­­­­ry­lysshylar men qonys aýda­­rý­shylardyń turmystyq zatta­ry bar.

Kórmeniń Qaraǵandy qala­sy­nyń óńirdegi kóp salaly jáne ın­dýs­trııalyq ortalyq retinde qa­lyp­tasýyn kórsetýdi maqsat et­kenin aıtady atalǵan mýzeıdiń aǵa ǵylymı qyzmetkeri Gúlmıra Qonaq­baeva.

– Ekspozısııa qalanyń qalyp­tasýy men damýynyń barlyq tarıhı kezeńderin qamtıdy. Munda mura­jaı qorynyń jádigerleri men qala turǵyndary tapsyrǵan zattar jınaqtalǵan, – deıdi ol.

Sonymen qatar kórme aıasyn­da «Qaıda, qaıda? Qaraǵan­dyda!» atty dóńgelek ústel otyrysy uıym­das­­tyryldy. Ar­dager kenshiler, al­ǵash­­qy qury­lys­shylar, ǵalymdar, ól­ke­tanýshylar jáne joǵary oqý oryn­dary men kolledj stýdentteri qatysqan bul ta­ǵylymdy sharada spı­kerler qazy­naly Qaraǵandynyń arǵy-bergi tarıhy men tynys-tirshi­ligin áńgime ózegine aınaldyrdy.

Qaraǵandy tarıhyn qurmettiń tórine shyǵarǵan kórmeniń esigi aqpan aıynyń sońyna deıin kelýshilerge ashyq bolady.

 

QARAǴANDY

 

Sońǵy jańalyqtar

Ystyq tamaq taratty

Qazaqstan • Keshe

Betperde kıgen kóktem

Tanym • Keshe

Uqsas jańalyqtar