Qazaqstan • 12 Aqpan, 2020

«Tumar» Ulttyq televızııalyq báıgesine qatysýǵa ótinimder qabyldaý bastaldy

14 retkórsetildi

Ulttyq televızııalyq «Tumar» báıgesine qatysý úshin ótinimderdi qabyldaý bastaldy. Konkýrsqa qatysý úshin ótinimderdi tvtumar.kz saıtynda 02 naýryzyna deıin toltyrýǵa bolady. Bul týraly Ulttyq báıge uıymdastyrý komıtetiniń baspasóz qyzmeti habarlady.

Báıgege qatysýǵa 2019 jyly qazaqstandyq telearnalarynyń efırine shyqqan telejobalar qatysa alady. Konkýrsqa qatysý úshin ótinimderdi respýblıkalyq jáne aımaqtyq telearnalar, kásibı televızııalyq kontent shyǵaratyn stýdııalar men kompanııalar usyna alady.

«Tumar» Ulttyq televızııalyq báıgesiniń nomınasııalary:

  1. Úzdik televızııalyq serıal
  2. Úzdik áleýmettik joba
  3. Úzdik dekerti fılm
  4. Úzdik tok-shoý
  5. Úzdik oıyn-saýyq baǵdarlamasy
  6. Úzdik aqparattyq baǵdarlama
  7. Úzdik telejúrgizýshi
  8. Úzdik telejýrnalıst
  9. Úzdik rejısserlik jumys
  10. Úzdik aımaqtyq telearna

«Tumar» Ultyq televızııalyq báıgesi 2017 jyly Qazaqstan Respýblıkasy Aqparat jáne qoǵamdyq damý mınıstrliginiń bastamasymen qurylǵan. Atalmysh ýaqyt aralyǵynda otandyq telejýrnalıstıkasynyń 36 mamany eksklıýzıvti músinsheniń ıesi atandy.

Jeńimpazdardyń qatarynda jýrnalıstıkanyń «jiligin shaqqan» maıtalmandarmen qatar, jas ta bolsa osy salanyń úlken úmitine aınalǵan jáne óziniń kásibı biliktiligin kórsete bilgen jastar da bar.

Joba qurylǵan jyldardan bastap báıgege qatysýǵa barlyǵy 898 ótinim qabyldandy, olardyń ishinen 138 ótinim bas júlde - báıgeniń basty syılyǵy jezden jáne áınekten jasalǵan «Tumar» músinshesi úshin talasqa túsken bolatyn.

Tórtinshi «Tumar» syılyǵy erekshe bolady - ótken jyldardaǵy qazylar alqasy men kásibı qoǵamdastyqtyń usynystaryn eskere otyryp, Uıymdastyrýshy komıteti, bıyl ár jeńimpazǵa «Tumar» músinshesine qosa bir mıllıon teńge kóleminde qarjylaı syıaqy taǵaıyndaý týraly sheshim qabyldady.

Sonymen qatar baıqaý tarıhynda alǵash ret qazylar alqasynyń quramynda qazaqstandyq televızııasynyń kásibı mamandarymen qatar, halyqaralyq deńgeıdegi sarapshylar da boı túzeıdi.

Sońǵy jańalyqtar

Beıqamdyqqa jol berilmeýi kerek

Rýhanııat • Keshe

Koronavırýssyz Qostanaı

Aımaqtar • Keshe

Kúrish eksportyna kedergi joq

Aımaqtar • Keshe

Álem únemdele bastady

Álem • Keshe

Uqsas jańalyqtar