Qazaqstan • 12 Aqpan, 2020

Bas prokýratýra qazaqstandyqtarǵa úndeý jarııalady

54 retkórsetildi

Qazaqstan Respýblıkasynyń Bas Prokýrorynyń orynbasary Bolat Dembaev qazaqstandyqtarǵa úndeý jarııalady. Bul týraly Bas prokýratýranyń baspasóz qyzmeti habarlady.

QURMETTI AZAMATTAR!

2020 jylǵy 7 aqpanda Jambyl oblysynyń Qordaı aýdanynda jappaı tóbeles oryn alǵan.

Búginge birqatar qylmystyq ister tergelýde, olardyń barysynda barlyq kinálilerdi anyqtap, zańmen belgilengen jaýaptylyqqa tartý úshin sharalar qamtamasyz etiletin bolady.

Degenmen, jekelegen tulǵalar bolǵan oqıǵalardy burmalaı otyryp, ulttyq negizdegi quqyqqa qarsy áreketterge shaqyrý arqyly kórineý jalǵan aqparatty qasaqana taratýda.

Áleýmettik jeliler men messendjerlerde beıne- jáne aýdıomaterıaldardy ornalastyrýdyń jańa faktileri, sonyń ishinde Qordaı aýdanyndaǵy oqıǵalarǵa baılanysty emes jáne óńir men eldegi ultaralyq turaqtylyqqa qaýip tóndiretinder júıeli túrde tirkelýde.

Quqyq qorǵaý organdary osyndaı arandatýshylyq jarııalanymdardyń avtorlarynyń jeke basyn anyqtady, olar qylmystyq jaýapkershilikke tartylýda.

Almaty qalasynda 1990 jáne 1987 jyldary týylǵan eki azamat «Facebook» áleýmettik jelisinde zorlyq-zombylyq jasaýǵa shaqyrǵan.

2020 jyldyń 9 aqpanynda Taraz qalasynyń 1983 jyly týylǵan turǵyny «WhatsApp» messendjeri arqyly osy tektes shaqyrýlar taratqan.

Olarǵa qatysty Qylmystyq kodekstiń 272-babynyń 3-bóligi (azamattardy zorlyq-zombylyqqa shaqyrý) boıynsha sotqa deıingi tergep-tekserý bastaldy.

Zańdylyqty, qoǵamdyq qaýipsizdikti qamtamasyz etý jáne quqyq buzýshylyqtardyń aldyn alý maqsatynda elimizdiń barlyq turǵyndarynan meniń úndeýime kóńil aýdarýdy suraımyn!

Qazaqstan Respýblıkasy Konstıtýsııasynyń 39-baby ultaralyq kelisimdi buzatyn kez kelgen is-áreketterge tyıym salady.

Osy talapty buzý ulttyq arazdyqty jáne alaýyzdyqty qozdyrý jónindegi qasaqana is-áreketter (QK-tiń 174-baby), jappaı tártipsizdikke ne azamattarǵa zorlyq-zombylyq jasaýǵa shaqyrý (QK-tiń 272-baby) jáne kórineý jalǵan aqparat taratý (QK-tiń 274-baby) qylmystyq jaýaptylyqqa ákep soǵady.

Osyǵan baılanysty azamattardy shyndyqqa sáıkes kelmeıtin málimetterdi taratpaýǵa jáne arandatýshylyqqa berilmeýge shaqyramyn.

Jambyl oblysynyń Qordaı aýdanyndaǵy oqıǵalar boıynsha tergeý barysy men nátıjeleri týraly shynaıy aqparat buqaralyq aqparat quraldarynda, ishki ister jáne prokýratýra organdarynyń resmı Internet-resýrstarynda ornalastyrylýda, qoǵamǵa brıfıngterde jetkizilýde.

Quqyq qorǵaý organdary kez kelgen quqyq buzýshylyqtardyń jolyn kesedi jáne olardy boldyrmaý jóninde zańda kózdelgen sharalardy qabyldaıdy.

 

 

Qazaqstan Respýblıkasy

Bas Prokýrorynyń orynbasary                                                     

B. Dembaev

Sońǵy jańalyqtar

Beıqamdyqqa jol berilmeýi kerek

Rýhanııat • Keshe

Koronavırýssyz Qostanaı

Aımaqtar • Keshe

Kúrish eksportyna kedergi joq

Aımaqtar • Keshe

Álem únemdele bastady

Álem • Keshe

Uqsas jańalyqtar