Aımaqtar • 13 Aqpan, 2020

Lıonda sý máselesin kóterdi

29 retkórsetildi

Aqtaý qalasyndaǵy Nazarbaev zııatkerlik mektebinde BUU Modeli klýby 2018 jyldan beri jumys istep keledi. Bul klýbta joǵary synyp oqýshylary álemdegi eń mańyzdy uıym sanalatyn Birikken Ulttar Uıymynyń sımýlııasııasyn jasap, ǵalamdyq problemalardy dıplomatııalyq turǵyda sheshý joldaryn izdeıdi. Osylaı bilim ordasynyń ujymy zııatkerlik mektep oqýshylaryna dıplomatııa, kóshbasshylyq, kópshilik aldynda sóıleý, synı oılaý qabiletterin damytýǵa kúsh salyp otyr.

Ustanymnyń dálelindeı Aqtaý qalasyndaǵy Nazarbaev zııatkerlik mektebiniń 10 oqýshysy Lıonda ótken Birikken Ulttar Uıymynyń modeli halyqaralyq konferensııasyna qatysyp qaıtty. «Sý: ózgeristerge qulshynys» taqyrybynda ótken jıynǵa Izraıl, Ulybrıtanııa, Qazaqstan men Fransııadan 350 joǵary synyp oqýshylary jáne 50 stýdent qatysty.

Segizinshi ret ótken sharany Lıondaǵy halyqaralyq mektep pen Skole halyqaralyq ýnıversıteti stýdentteri uıymdastyrǵan. Kóshbasshylardyń basyn qosqan jıynǵa Nurkamal Alıhan, Quralaı Sanat, Aıdana Bakıtova, Kámshat Aqmuratova, Mırlanbek Shansharov, Aqbota Alpamysova, Dana Es­bergenova, Aqjibek Saǵyndyqqyzy, Hı­samı Tomırıs esimdi oqýshylar qatysyp, sý ta­qyrybyndaǵy ózekti máselelerdi sheshýge arnal­ǵan qararlardy qabyldady.

«BUU 2015 jyly 17 turaqty damý maqsatyn aıqyndady. ILYMUN konferensııasy osy joly 6-shy (sý jáne sanıtarııa) jáne 14-shi (sý ómiri) maqsattaryna toqtaldy. Qazirgi tańda sý máselesi dúnıe júzin alańdatyp otyr. Jer betindegi demografııanyń ósýi jáne jahandyq jylyný jáne sý kózderiniń qurǵap qalýy bul taqyryptyń ózektiligin arttyryp otyr. Sonyń nátıjesinde jańa tıptegi halyqaralyq qaqtyǵystar týyndaýda. Konferensııa barysynda delegattar óz eliniń qyzyǵýshylyqtaryn eskere otyryp, máseleniń sheshimin tabýy tıis» delingen konferensııanyń resmı málim­demesinde.

Al aqtaýlyq oqýshylar atalǵan jıynǵa tuńǵysh ret qatysty.

– Konferensııa barysynda biz ǵalamdyq problemalardy sheshýge arnalǵan qararlardy qabyldadyq. Bul tulǵalyq damýǵa úlken septigin tıgizedi dep oılaımyz. Sebebi men tabıǵat-ana­ǵa degen jaýapkershilikti sezinip, komandada jumys jasaý qabiletimdi arttyrdym. Ekinshiden, tuńǵysh ret mýltıkýltýralızm túsinigimen betpe-bet keldim. Jıynda aǵylshyn tilinde sóılegenimizben, grek, fransýz, ırland tilderin de estip otyrdym, – deıdi tushy sý resýrstaryn qoldaný jáne saqtaý týraly baıandama oqyǵan Tomırıs Hısamı.

BUU Modeli konferensııasy bıyl naý­ryz aıynda Aqtaý qalasyndaǵy Nazarbaev zııatkerlik mektebinde uıymdastyrylmaq.

 

Mańǵystaý oblysy

 

Sońǵy jańalyqtar

Juma: Almatyda 28 indet oshaǵy karantınde tur

Ońtústik Qazaqstan • Keshe

Almatyda zerthanalar sany artady

Ońtústik Qazaqstan • Keshe

Uqsas jańalyqtar