Nazarbaev Zııatkerlik mektebiniń sheteldik mamandar men stýdentter bóliminiń mamany Rymgúl Bojaqannyń aıtýynsha, Tamara Brabson men Iten Lıch -ýnıversıtettiń úzdik oqıtyn, bilimdi stýdentteri.
- Olar bizdiń mektepke MISTI Kazakhstan «Global Teaching Labs» jobasy barysynda keldi. Stýdentter oqýshylarǵa sabaq berip, tájirıbe almasyp, 11-12 synyp oqýshylaryna ýnıversıettterge qujattar daıyndaý boıynsha keńester berdi,- deıdi Rymgúl.
Negizi, MISTI Kazakhstan «Global Teaching Labs» jobasy oqýshylardyń jaratylystaný-matematıka pánderinen bilimin tereńdetýge, teorııalyq bilimin tájirıbede qoldanýdy úıretýge jáne salystyrmaly oılaý men mádenıettaný saýattylyǵyn damytýǵa baǵyttalǵan.
Alystaǵy elden bizdiń oblys ortalyǵyna taǵylymdamadan ótýge kelgen Iten matematıka, fızıka, al, Tamara hımııa, bıologııa pánderi boıynsha mektep ustazdarymen birlesip, komandalyq sabaqtar ótkizdi.
Mekteptiń 12-synyptaryna NUFYPET emtıhanyn tapsyrý boıynsha kómektesip, motıvasııalyq hattardy jazý boıynsha sheberlik saǵattaryn júrgizse, 11-synyp oqýshylarymen birge ortaq ǵylymı jobalardy ázirledi.
- «Bizder Orta Azııaǵa, qazaq eline alǵash ret keldik. Jergilikti halyqtyń mádenıeti, qonaqjaılylyǵy unady. Ásirese, oqýshylardyń aǵylshyn tilin óte jaqsy meńgergenderi qatty tańqaldyrdy!», - deıdi Tamara Brabson.
- Taǵylymdadan ótkenshe bizder qazaq otbasynyń úıinde turdyq. Otbasylyq qundylyqtar, otbasylyq dástúrlerdiń jaqsy saqtaıtynyn baıqadym, - deıdi Iton Lıch.
Pavlodar
Sýreti túsirgen: Rymgúl Bojaqan
