Aıtýly jarysta Qazaqstannyń birinshi raketkasy Elena Rybakına tabysty óner kórsetýde. Tusaýkeser kezdesýde chehııalyq Katerına Sınıakovaǵa (59 raketka) san soqtyrǵan jerlesimiz kelesi kezeńde fransııalyq Fıona Ferrodan (58 raketka) aılasyn asyrdy. Bir ǵajaby, Fransııanyń ókiline qarsy básekeniń alǵashqy setinde Elena 1:3 jáne ekinshi sette 0:3 esepterimen jeńilip jatty. Desek te sheshýshi tusta shıraq qımyldaǵan ol jeńisti qarsylasynyń ýysynan julyp áketti. Joǵarydaǵy qos kezdesýde de 6:3, 6:4 esepteri tirkeldi.
Týrnırdiń shırek fınalyna shyqqan Rybakına osy mejede taǵy bir fransýz oıynshysy Osean Dodenmen (159 raketka) sheberlik baıqasady.
Neva jaǵalaýyndaǵy jarysta Iýlııa Pýtınseva (34 raketka) da baq synady. Alaıda ol alǵashqy aınalymda reseılik Veronıka Kýdermetovaǵa (38 raketka) ese jiberdi.
