Qazaqstan • 13 Aqpan, 2020

Qazaqstan men Reseı shekarasyndaǵy ótkizý pýnkteri rekonstrýksııadan ótedi

22 retkórsetildi

Indýstrııa jáne ınfraqurylymdyq damý mınıstrligi Avtomobıl joldary komıteti 2025 jylǵa deıin Qazaqstan men Reseı shekarasyndaǵy 27 ótkizý pýnktin jańartady dep josparlanýda. Jobany 5 kezeńde júzege asyrý kózdelgen. Bul týraly Indýstrııa jáne ınfraqurylymdyq damý mınıstrliginiń baspasóz qyzmeti habarlady.  

Qazaqstan men Reseı shekarasynda búgingi tańda 30 ótkizý pýnkti bar. Onyń 17-si – kópjaqty, 13-i – ekijaqty ótkizý pýnkti. Indýstrııa jáne ınfraqurylymdyq damý mınıstrligi men Ulttyq qaýipsizdik komıteti ókilderinen quralǵan komıssııa jumys istep turǵan ótkizý pýnkteriniń tehnıkalyq jaǵdaıyn baqylady. Komıssııa tekserý jumystarynyń qorytyndysy boıynsha ótkizý pýnkteriniń júktemesi, ótkizý qabilettiligin esepke ala otyryp, rekonstrýksııany talap etetin 27 ótkizý pýnktin anyqtady.

Osylaısha «Syrym», «Tasqala», «Qosaq», «Úrlitóbe» «Jańa jol», «Álimbet», «Qaraqoǵa», «Shaǵan», «Qurmanǵazy», «Úbe», «Sharbaqty», «Qyzyljar», «Qaıraq», «Aýyl», «Bıdaıyq», «Jánibek», «Aqsaı», «Qondybaı», «Aıat», «Aqbalshyq», «Naıza», «Jezkent», «Qoıanbaı», «Baıtanat», «Amangeldi», «Obaǵan» jáne «Jelqýar» beketteri 2025 jylǵa deıin kezeń-kezeńimen jańartý jumystarynan ótetin bolady.

Sonymen qatar 2019 jyldyń qarashasynda ótken Qazaqstan men Reseı arasyndaǵy óńiraralyq yntymaqtastyq forýmynda Indýstrııa jáne ınfraqurylymdyq damý mınıstrligi men RF Kólik mınıstrligi arasynda memlekettik qazaq-orys shekarasyndaǵy ótkizý beketteriniń jumysy boıynsha birlesken is-sharalar týraly baǵdarlamaǵa qol qoıylǵan bolatyn. Qujatqa sáıkes jumys istep turǵan ótkizý pýnkteriniń jaǵdaıyna taldaý júrgizý, 2020 jáne 2025 jyldar aralyǵynda qazaq-orys shekarasyndaǵy ótkizý pýnkterin damytýdyń Jol kartasyn ázirleý kózdelgen.  

Sońǵy jańalyqtar

Beıqamdyqqa jol berilmeýi kerek

Rýhanııat • Keshe

Koronavırýssyz Qostanaı

Aımaqtar • Keshe

Kúrish eksportyna kedergi joq

Aımaqtar • Keshe

Álem únemdele bastady

Álem • Keshe

Uqsas jańalyqtar