Aımaqtar • 13 Aqpan, 2020

Qordaı aýdany qalypty jaǵdaıǵa keldi

66 retkórsetildi

Búgingi tańda Jambyl oblysynyń Qordaı aýdanynda tehnogendik tótenshe jaǵdaı saqtalýda. Aımaqta quqyq qorǵaý organdary kúsheıtilgen rejımde jumys atqaryp keledi. Oryn alǵan oqıǵa zardaptaryn qalpyna keltirý, qaqtyǵys saldaryn joıý sharalary belsendi júrgizilýde.

Sonymen qatar, qazir Qarakemer, Masanchı, Bular batyr, Sortóbe, Qarasý jáne Aýqatty aýyldarynyń barlyq kiris-shyǵystaryna blog-posttar qoıylyp, kóshelerde qoǵamdyq tártipti saqtaý qatań qadaǵalanýda.

Qordaı aýdanynda oryn alǵan qaqtyǵys saldarynan 30 turǵyn úı men 17 kommersııalyq nysan jáne 47 avtokólik órtengen bolatyn. Búginde aldyn-ala jasalǵan esepteýlerge sáıkes, keltirilgen zalal kólemi anyqtalýda. Sortóbe, Masanchı, Bular batyr aýyldarynda tóbelesten zardap shekken azamattarmen jumys jasaý maqsatynda arnaıy toptar qurylyp, halyqqa mobılnyı qyzmet kórsetý qyzmeti uıymdastyrylǵan. Mundaǵy 2 azamatqa jeke kýálik, 320 balaǵa shekaradan ótýge anyqtama, 45 neke týraly kýálik jáne 6 azamatqa jyljymaıtyn múlikterge qujattar berildi. Bul jumys kúndelikti jalǵasyn taýyp keledi.

Sondaı-aq, búginde aýyl ishindegi órtengen avtokólikterdiń qańqalaryn jáne de túrli qoqystardy tazalaý jumystary tolyq aıaqtalyp, aýdan kóleminde turaqtylyq ornady. Bul jumysqa 125 adam kúshi men 30 tehnıka tartylǵan. Búgingi tańda barlyq áleýmettik nysandar, ıaǵnı, mektepter men balabaqshalar, saýda oryndary men dárihanalar qalypty jaǵdaıda óz jumystaryn atqaryp otyr. Sonymen qatar, atalǵan aýyldardaǵy zardap shekken turǵyndarǵa Jambyl aýdany, Jalpaqtóbe aýylynan Qazaqstan halqy Assambleıasy músheleriniń uıymdastyrýymen 20 tonna kóleminde gýmanıtarlyq kómek jetse, Almaty qalasynyń máslıhat qyzmetkerleri «Qyzyl aı» qorymen birlesip 54 bótelke aýyz sý, 124 kılogramm un jáne 60 qorap azyq-túlik jibergen.      

Sondaı-aq Jambyl oblysynyń «Vynhýa» dúngen etnomádenı birlestiginiń volonteri Parsa Ramazan qaqtyǵys kezinde jaqyndary qaza tapqan 4 otbasynyń múshelerine 400 myń teńgeden materıaldyq kómek kórsetip, azyq-túlikpen qamtamasyz etken. Budan keıingi ýaqyttarda da Qordaı aýdany aýmaǵynda qoǵamdyq tártipti saqtaý qatań qadaǵalana beredi.

Sońǵy jańalyqtar

Eljan Birtanov Qytaı elshisimen kezdesti

Qazaqstan • Búgin, 19:17

Basty aqparat (21.02.2020)

Vıdeo • Búgin, 18:56

Semeıde stýdentter jataqhanasy órtendi

Aımaqtar • Búgin, 17:40

Memleket basshysy birqatar kezdesý ótkizdi

Prezıdent • Búgin, 17:08

Qańǵybas ıtter de qorǵalatyn boldy

Aımaqtar • Búgin, 12:04

Barlyq másele ashyq aıtyldy

Aımaqtar • Búgin, 06:56

Uqsas jańalyqtar