Kelisimniń negizgi maqsaty qoǵamdaǵy memlekettik damýdyń barlyq baǵyttarynda sektoraralyq tásildi qoldaný arqyly azamattardyń densaýlyǵyn nyǵaıtý jáne densaýlyqqa qatysty ádiletsizdikterdi azaıtý úshin bar múmkindikterdi paıdalaný.
Eljan Birtanov Qazaqstan Úkimeti men DDSU Eýropalyq óńirlik bıýrosynyń yntymaqtastyq týraly ekijaqty kelisimi Qazaqstan halqynyń densaýlyǵyn jaqsartýǵa yqpal etetinin atap ótti. Sonymen qatar, ol medısınalyq kómektiń sapasy men qoljetimdiligin jaqsartýǵa múmkindik beretin alǵashqy medısınalyq-sanıtarlyq kómek (MSAK) boıynsha jedel negiz engizý qajettiligine nazar aýdardy. Mınıstrdiń aıtýynsha, bul baǵytta ulttyq deńgeıde ǵana emes, aımaqtyq, óńirlik jáne jahandyq deńgeıde de jumys isteý mańyzdy.
DDSU Eýropalyq aımaqtyq bıýrosynyń dırektory Hans Klıýge yntymaqtastyqtyń negizgi baǵyttaryn atady.
«Biz medısınalyq qyzmetter men dárilik zattarǵa, onyń ishinde vaksınalarǵa qoljetimdilikti jaqsartýdy; ómir súrý jaǵdaıy, qorshaǵan orta jáne t.b. sııaqty adamdardyń densaýlyǵyna áser etetin negizgi faktorlardy; Qoǵamdyq densaýlyq saqtaý salasyndaǵy basymdyqtardy aıqyndaý maqsatynda sektoraralyq yntymaqtastyqty kúsheıtýdi qosa alǵanda, birneshe baǵyttarmen birlesip jumys isteıtin bolamyz. Sondaı-aq, tótenshe jaǵdaılar baǵdarlamasyna erekshe nazar aýdaramyz. Bul koronavırýstyq ınfeksııanyń órshýine baılanysty qazirgi ýaqytta da óte ózekti másele»,- dedi DDSU Eýropalyq aımaqtyq bıýrosynyń dırektory Hans Klıýge.
Jalpy, taraptar yntymaqtastyq týraly kelisim aıasynda ózara is-qımyldy jańa deńgeıge kóterýge múmkindik týatynyn atap ótti. Bul qazir azamattar densaýlyǵynyń qaýipsizdigin qamtamasyz etý úshin, koronavırýstyń jańa túriniń taralýyna jol bermeý úshin asa mańyzdy.
